د. دلشاد سعید نمرەکا بلند دموزیکا جیهانی دا تۆماردکەت :
ئامادەکرن– ئەدیب چەلکی :
فلوتژەنا کورد بەرژین کاپلان دگەل موزیکڤانان مهدی نوری و محمد زەکی (یێ ئەڤ کارە ب موبایلێ وێنەکری) ل 15.6.2026 دچن سەرەدانا دلشاد سعید ل دهۆکێ، داکو پارچە موزیکا(فڕینا مێشا هنگیڤینی) یا موزیکڤانێ روسی ریمسکی کۆرساکۆڤ (1844- 1908) بۆ وی بژەنیت، پاشی ژێ خوازت ئەو ژی دگەل بژەنیت. موزیكژەنا خوازت کو دلشاد بتنێ ژی بژەنیت. دڤێ موزیکێ دا بەری نوکە دلشادی دئێك دەقیقێ دا 180 لێدان (ضربة) ب ئامیرێ کەمانێ ئەنجامددان، لێ ڤێ جارێ گەهاندە 195 لێدانا. چاخێ دگەل مێڤانێت خۆ هەڤبەریەکی دگەل تۆمارکرنێت ژەنیارێن بەری هنگی یێن ڤێ پارچەموزیکێ، دکەن (وەکی یێن ئەلمانی دیڤت گاریت، ئەمریکی یاشا هایفیتەر و ئیسرائیلی ئیسحاق بیرلمان) دەردکەڤیت یا دلشادی ژهەمیان پاکترە و یا ئێکێ یە ل گۆرەی پیڤەرێن موزیکێ، لێ ئەگەر یا دیڤت گاریت پاك بهێتەحسابکرن (هەلبەت یا شوێلی و نە زەلالە) وی دەمی یا دلشادی دێ بیتە یا دویێ. ئەڤە ژی نمرەکا نوی و نمۆنەیی یە دکتور دلشاد سعید دموزیکا کلاسیکا جیهانی دا تۆماردکەت.
