سیاسی

راستیڤەشێر و دیلێن سیاسەتا پەكەكێ

د بوویه‌ران دا یاگەلەك گرنگ هه‌لوێسته‌. د بوویه‌رێن جڤاکی دا و هه‌روه‌سا د یێن سیاسی دا ژی مرۆڤێ ب ڕوومه‌ت ئه‌ون کو ل هەمبه‌ر بوویه‌ره‌کی دبه‌ خوه‌دی هه‌لوێست. ده‌ما بوویه‌ره‌ک دقەومە، هه‌رکه‌سه‌ک یان ژی ئالیه‌ک سیاسی ل گۆرا دیتنا خوه‌ ڤێ بوویه‌رێ دنرخینه‌ و دبه‌ خوه‌دی هه‌لوێست. هنده‌ک مرۆڤ هه‌نه‌ ژی ل به‌ندا بوویه‌رانه‌ و ڤان بوویه‌ران ژ بۆ به‌رژه‌وه‌ندیێن خوه‌ یێن که‌ساتی دکن دەرفەتەك و هنده‌ک مه‌رازێن خوه‌ پێ پێكتینن.

وه‌ک تێ زانین ده‌ما پەکەكێ ل باشوورێ کوردستانێ ل سەر جھ و وارێ پێشمه‌رگه‌یان ئێریشی پێشمه‌رگه‌یان کر و 5 پێشمه‌رگه‌ شه‌هید کرن و هنده‌ک ژی بریندار کرن، جاردن پەکەکێ ژ بۆ ڤێ شه‌رمیا خوه‌ وندا بکه‌ ده‌ست پرۆپاگانده‌یه‌ک ب ده‌ره‌وان کر. به‌حسا ئاشتیێ کر، جاردن به‌حسا شه‌رێ براکوژیێ کر و به‌حسا یه‌کێتیا نه‌ته‌وەیی کر.

کورت کورمانجی، پەکەکە دیندژمنێ ئاشتیێ یه‌ و د ژیانا خوه‌ یا سیاسی دا ل گه‌ل ئالیێن کوردا خوه‌ نێزکی ئاشتیێ نه‌کریه‌، ئه‌گه‌ر د هنده‌ک قۆناغان دا ل گه‌ل هنده‌ک ئالیان لهه‌ڤهاتنه‌ک کربه‌ ژی، ئه‌و ده‌مکی بوویه‌ و ته‌کتیکی ئه‌ڤ یه‌ک کریه‌.

شه‌رێ براکوژیێ د فه‌لسه‌فا پەکەکێ دا هه‌یه‌. ڕۆژا ئەو هاتی دامه‌زراندن هه‌تا وه‌ک ئیرۆ ده‌ست شه‌رێ ئالیێن دن یێن کوردستانی کریه‌. ل باکور، بێ ئیستسنا، شه‌رێ هه‌موو پارتی و ڕێخستنا کریه‌ و ده‌ستێ وان د خوینا ده‌هان جوانێن کوردستانێ دا هه‌یه‌. ل باشوور شه‌رێ ته‌ڤگه‌را ئازادخوازا باشوورێ کوردستانێ کریه‌. ل ڕۆژهلاتێ کوردستانێ د بن سها ئیستخباراتا ئیرانێ دا ب ده‌هان کوردێن نشتمان په‌روه‌ر شه‌هید کرنه‌، ل ڕۆژاڤایێ کوردستانێ ئه‌م هه‌موو دبینن ڕۆژانه‌ چ دکن، کوشتن و گرتن و ئیشکه‌نجه‌کرنا کوردا وه‌ک پیشەیەكا خوه‌ دکن. یا ژ هه‌موویێ گرنگترین سەرۆكاتیا پەکەکێ ب هه‌زاران جوانێن کورد کو، ژ ئه‌ڤنیا وه‌لاتپارێزیێ ته‌ڤلی پەکەکێ بوویین، کوشتنه‌. ب گۆتنا ئەڤدلا ئۆجالان 15 هه‌زار که‌س د ناڤا پەکەکێ دا هاتنه‌ تەسفیە کرن. لێ ھندەك دن كو د ناڤا پەکەکێ دا خوەدی دەستھلاتن، ب کێماس به‌حسا کوشتنا 5-6 هه‌زار که‌سا دکن. تۆڤێ پەکەکێ ژ بۆ کوشتنا کوردا هاتیه‌ ڕه‌شاندن.

پەکەکە، د ژیانا خوه‌ یا سیاسی دا، تشتێ کو هه‌ری ژێ دوور یه‌کێتیا نه‌ته‌وەیی یه‌. هه‌ر ده‌ما کو ده‌رفه‌تا یه‌کێتیه‌ک نه‌ته‌وەیی ده‌ردکه‌ڤه‌ هۆلێ پەکەکە ژ بۆ وێ دەرفەتێ ژناڤ ببه‌ و هه‌ول بدە به‌راڤێتی بکه‌ به‌حسا یه‌کێتیا نه‌ته‌وەیی دکه‌. گه‌لۆ پارتیه‌ک کو خوه‌ نه‌ته‌وەیی نه‌بینه‌، نه‌ ل سه‌ر خه‌ته‌ک نه‌ته‌وی سیاسه‌تێ بکه‌، دێ چه‌وا به‌حسا یه‌کیتیه‌ک نه‌ته‌وەیی بکه‌؟ پەکەکە گه‌له‌ک ڤه‌کری حه‌نه‌کێ خوه‌ ل ڤی مله‌تی دکه‌. لێ دخوه‌یێ هه‌تا ڕاده‌یه‌کی بێ هه‌لوێستی ب خوه‌ بوویه‌ ئەگەر کو پەکەکە ڤان خرابیا به‌رده‌وام دکه‌.

پەکەکێ ب پرۆپاگانده‌یا ئاشتیێ و دژده‌رکه‌تنا شه‌رێ براکوژیێ، ڤێ چارچۆڤه‌یێ دا گرۆپەك ئامادە كك، د سه‌ری دا شڤان په‌روه‌ر و هنده‌ک که‌سێن کو خوه‌ هونه‌رمه‌ند دبینن ده‌رکه‌تن پیاسێ. ل ئه‌ورۆپایێ ده‌رکه‌تن سه‌ر کەنالێن ته‌له‌ڤزیۆنان و به‌حسا تشتێن خەیالی کرن. ل دژێ پەدەکێ ڕاسته‌راست هه‌لوێست نیشان دان. هاتن باشوورێ کوردستانێ هه‌مان هه‌لوێستا خوه‌ به‌رده‌وام کرن، لێ ڤێ جارێ ده‌ڤێ خوه‌ گوهه‌رتن. ئه‌ڤ عەجێبەیا هوونه‌رمه‌ندا ل هەمبه‌ر کریارێن ڕۆژاڤایێ کوردستانێ ده‌نگ ژ خوه‌ ده‌رنانین. ل هەمبه‌ر کوشتنا جوانه‌ک کورد ، بێ تاوان ب هۆڤانه‌ تشته‌ک نه‌گۆتن.

هاتن باشوورێ کوردستانێ و سه‌ردانا هنده‌ک ده‌زگه‌هێن راگەھاندنا پەدەکێ ژی کرن. مرۆڤ گه‌له‌ک مه‌ره‌ق دکه‌ گه‌لۆ به‌رپرسێن ڤان ده‌زگه‌هێن مەدیایا پەدەكێ کو پێشوازیا وان کرین ، ژ وان پرسین کو، هون چما ژ بۆ زه‌لالکرنا كوشتنا ئه‌مین عیسا ته‌ڤناگه‌رن؟ گه‌لۆ وه‌ شه‌هیدکرنا 5 پێشمه‌رگه‌ یێن کوردستانێ ژ ئالیێ پەکەکێ ڤه‌ شه‌رمه‌زار کر یان نا؟ به‌رپرسێن ڤان ده‌زگه‌هێن مه‌دیاا کو شڤان و چه‌ند که‌سێن پێرا سه‌ردانا وان کرین پێدڤیە ده‌رکه‌ڤن سه‌ر کەنالێن خوه‌ و به‌حسا هه‌ڤدیتنا خوه‌ بکن. لێ مخابن وان ژی ل تێلا شڤان و هه‌ڤالێن وی دان. پێدڤیە ده‌ملده‌ست ئه‌ڤ که‌س دەست ژ کارێن خوه‌ به‌ردن و ژ ڕایا گشتی یا کوردستانێ ، ژ مالباتێن پێشمه‌رگه‌ یێن کو پەکەکێ شه‌هد کرن و ژ مالباتا ئه‌مین عیسا را دۆزا لێبوورنێ بکن.

بێ گومان گه‌له‌ک تش هه‌نه‌ کو مرۆڤ دکاره‌ د ڤێ ده‌ربارێ دا به‌حس بکه‌. لێ ئەز باوه‌ر دكەم کو تشتا کو نها د ڤێ نڤیسێ دا هاتی گۆتن به‌سه‌. ژ به‌ر کو یێن نه‌خوازن تێ بگەهن ب هه‌زاران ڕووپه‌ل ژی بێنه‌ نڤیساندن تێناگەهن.

یێ دزانە ژ خوه‌ نه‌ هه‌وجه‌یی گۆتنێ یه‌……….

هه‌ری داوی مرۆڤ دکاره‌ بێژه‌ کو، نه‌بن دیلێ به‌رژه‌وه‌ندیێن خوه‌، نەكەڤن خەفكێن قرێژێن له‌یزتکا سیاسه‌تا پەکەکێ، کورد بن نشتمانپه‌روه‌ربن.. کێماسی ل که‌دا خوه‌ ب خوه‌ خوه‌دی ده‌رکه‌ڤن.

ئانالیز/ ن. فرات

Back to top button