سیاسی

عەلی بەلۆ: بریارا عیراقێ یا ھنارتنا نەفتا كەركووكێ ژ نەچاری بوو

عه‌لی به‌لۆ پارلامه‌نته‌رێ به‌رێ و سه‌رۆکێ کۆمسیۆنا نه‌فت و گازێ ل پارلامه‌نتۆیا عیراقێ د داخویانیه‌که‌ تایبه‌ت ده‌ ژ بۆ مالپه‌را به‌رگه‌ھ، به‌حسا بریارا حکومه‌تا عیراقێ یا هنارتنا نه‌فتا که‌رکووکێ ب ڕێیا بۆریا هه‌رێما کوردستانێ دکه‌ و دبێژه‌ کو پشتی عیراق نه‌کاری کۆنترۆلا بیاباتا حەزه‌ر بکه‌ کو خه‌تا بۆریا نه‌فتا عیڕاقێ د وێ ده‌ڤه‌رێ ڕه‌ ده‌رباس دبه‌، نه‌چار بوو نه‌فتا که‌رکووکێ ب ڕێیا کوردستانێ بۆ رتركیێ هنارده‌ بکه‌:

– بریارا حکومه‌تا عیراقێ یا هنارتنا نه‌فتا که‌رکووکێ ب ڕێیا بۆریا نه‌فتێ یا هه‌رێما کوردستانێ ژ نه‌چاری بوو.

ئه‌ندامێ به‌رێ یێ پارلامه‌نتۆیا عیراقێ دبێژه‌ کو به‌غدایێ ژ به‌ر دو ئەگەران و ژ نه‌چاری ئه‌و بریار دا:
یه‌که‌م: حکومه‌تا عیراقێ نه‌کاری وه‌که‌ پێویست بیابانا حه‌زه‌ر و هنده‌ک ژ ده‌ڤه‌را زومارێ کو خه‌تا نه‌فتا عیراقێ تێ ڕه‌ ده‌رباس دبه‌ ژ بۆ ترکیێ، کۆنترۆل بکه‌.

دویه‌م: فشارا ئەمریکایێ ل سه‌ر عیراق و ترکیێ کو ژ بۆنا بجیکرنا ئامبارگۆیا ل سه‌ر ئیرانێ هه‌ڤکار و ئالیکاریێ بکن و عیراق نه‌چار کر کو پاترۆلێ ژ ترکیێ ڕه‌ دابین بکه‌ و نه‌فتا که‌رکووکێ ب ڕێیا هه‌رێما کوردستانێ بۆ تركیێ هنارده‌ بکه‌.

ل گۆر،عه‌لی به‌لۆ، سه‌رۆکێ به‌رێ یێ کۆمسیۆنا نه‌فت و گازێ ل پارلامه‌نتۆیا عیراقێ، ئه‌گه‌ر چ بن بلا ببن، ئه‌ڤ بریارا حکومه‌تا عیراقێ د خێرا هه‌رێما کوردستانێ ده‌ یه‌ وژ بۆنا چاره‌سه‌ریا پرسا بودجه‌یێ، باشترکرنا تێکه‌لیان ب سه‌رۆکوه‌زیرێ نوو عادل عەبدولمه‌هدی ڕه‌ و چاره‌سه‌رکرنا پرسگرێکێن هلاویستیێن ناڤبه‌را هه‌ولێر و به‌غدایێ، گاڤه‌کا باشه‌.

Back to top button