فەھمی بالایی بەحسا گرتن و دەستپێكرنا وار تیڤی دكە
فەھی بالایی ئەندامێ ئەنجومەنا كۆمپانیا پالۆ و بەرپرسێ پرۆگرامێن وار تیڤی یێ بەرێ، د ھەڤپەیڤینەكا كورت دا بەرسڤا پرسێن مالپەرا مە ددە و سەدمێن راوەستاندنا وەشانا وار تیڤی ئاشكەرا دكە.
بالایی دبێژە كو وار تیڤی پتر تایبەتمەند بوو ژ بۆ کورمانجیێ و سەنتەرێ وێ ژی بادینان و ژ بەر پێكاھەتا دەڤەرا بادینان وار تیڤی ژی تایبەتمەندیا خوە ھەبوو و دبێژە:
– ژبەر پێکهاتا دەڤەرا بادینان و ناسنامەیا وار کو ژ کرستیان، ئێزدی و بوسلمانان پێک دهێت، پرۆگرامێن هونەری، رەوشەنبیری، جڤاکی، سیاسی، زارۆك، گەنج، ژن، ئێزدی، کرستیان و بوسولمان خو تێدا دبینن. من دروشمێ ب ناڤێ (وار هەمی ڕەنگێن ژیانێ) بناڤ کر.
بالایی د بەرسڤا پرسا كا گەلۆ چما وارتیڤی ھات گرتن دبێژە:
– پشتی وار تیڤی شیای د قوناغێن دژوار دا تا رادەکی ڕولێ خو بینیت و ل هەمبەر هاتنا داعش، قەیران و رەوشا ئاڵوز ببیتە بەرسڤەک و مورالی و پێزانینا بگەهینیتە بینەرێن خوە. دگەل وێژی چالاکی، کولتور، هونەر و پێکڤەژیان بێی جوداهیا مەزهەب،ئول و ئایدیولوژی د پرۆگرامێن واردا رەنگڤەدانەک بوو.
لێ پشتی رەوش بگشتی ئارام بووی خودانێن کومپانیا (پاڵۆ) دڤیا گوهارتنەکێ د پلان و ناسنامەیا ستراتیژیا تلەڤزیونێ دا بکەن. کرنگی دا ئنترتیمنت (ترفیهی) دەرڤەی سیاسەتێ و نووچەیان. ئەڤە پێدڤی ڤێ گوهارتنێ دیت.
دەما وارت تیڤی ھاتیە گرتن چ داخویانی ژ رایا گشتی را ھاتن دان؟
فەھمی بالایی: نەخێر چ داخویانی نەهاتن دان. ژبەرکۆ نەهاتیە گرتن بتنێ هاتیە گوهارتن وەک ناڤەرۆک و رێڤەبەری.
نها ئامادەکاریا دکەن ژبو پروگرامێن نوی، دراما کوردی کورمانجی و گوهارتنێن تەکنیکی. ڤان روژان ژبەر دانا زانیاریان ل سەر خوەپاراستن ژ کۆرۆنایێ بەرنامێن گرێدای ڤێ رەوشێ پێشکێش دکەن.
وار تیڤی چما ب بێدەنگی ھات گرتن و ب بێدەنگی دەست ب وەشانێ كر؟
بەرسڤ- ئەز باوەرم دبەرسڤا بەرێ دا روهن دبیت. بەری بهێت گرتن ب شەش مەهان ئەم ئاگەهدارکرین کۆ شیانێن مادی نینن تلەڤزیونەکا کولتوری و سیاسی برێڤە ببەین. دڤێت کارمەندا کێم کەن، بودجێ کێم کەین و بەشێ سیاسی، نڤێسینگەه و پەیامنێر نەمینن. ئەڤەژی ئەگەرەک بوو گەلەک کارمەند و کادر ئێدی نەشێن کار بکەن.
وار تیڤی پتر تایبەتمەند بۆ بۆ کورمانجیێ و سەنتەر بادینان بۆ. نهاژی هەمان ناسنامە وەرگرتیە و دێ بەردەوام بن دەرڤەی سیاسەتێ. داخوازا سەرکەفتنێ بۆ رێڤەبەریا نوو .
.کارمەندێن وار دخوازم و دەستخوشیێ ل کارمەند و رێڤەبەریا کەڤن دکەم
