قێرینا بارزان
ب خه‌باتا ده‌ھ سالان، قێرینا بارزان، ژ چاپخانێ دەركەت.
ئه‌ز نها گه‌له‌ک کێفخوه‌شم کو پشتی خه‌باتا ده‌ھ سالان كتێبا من یا ب ناڤێ، قێرینا بارزان، ل باکورێ کوردستانێ هاته ھاتە چاپ كركن و گەهشتە من و خوه‌نده‌ڤانێن خوه…
ئه‌ڤ به‌رهه‌م ژ ده‌نگێ وان ژنێن ل مێرێ خوه یێ هاتیە ئه‌نفالکرن دگەرھیت، ژ هاوارا زارۆکێن باڤێ خوه نه‌دیتنه، ژده‌نگ و نالینا قیزێن ب ده‌رگستی بوون کو ژ زه‌واجا وان ڕا چه‌ند ڕۆژ مابوون و هێشتا ژی ل به‌ندا دەرگستیێ خوەنه، پێک دھێت…
ئه‌ڤ به‌رهه‌م ژ گریێ هن زارۆکێن نزانن باب دھێتە چ واته‌یێ و ژ زارۆکێن بێ کالک هاتیه ئافراندن.
ئه‌ڤ به‌رهه‌مه ل ده‌ڤه‌را بارزان کو 10سالان ل ڤر زارۆک چێنه‌بوونه، ئەگەرێ وێ یەكێ كا چما د ناڤا ەو قاس سالان دا زارۆك چێنەبوونە، ب مه دده زانین. ب کورتی ب خوه‌ندنا ڤێ كتێبێ مرۆڤ دێ فێر ببه كا ئه‌نفالێ چ ئانیە سه‌رێ گه‌لێ مه.
ئه‌ڤ به‌رهه‌م ل گۆر گۆتنێن وان که‌سان یێن كو مرۆڤێن وان ھاتینە ئه‌نفالکرنێ هاتیه ئافراندن و نڤیساندن. یانی ئه‌ڤ كتێب وه‌که به‌لگه‌نامه‌یه‌کا زیندی یه. ژ 321 ڕووپه‌لان پێک دھێت و هه‌می ب ڕه‌نگه.
ئه‌ڤ به‌رهه‌م ب هه‌ردو زاراڤایان، کورمانجی و سۆرانی و ب هه‌ردو ئه‌لفابه‌یان لاتینی و ئه‌ره‌بی هاتیه هازر کرن و وه‌شاندن…
ل گه‌ل ڤێ به‌رهه‌ما ده‌لال، بەرھەمێن من دبن سێ بەرھەم کو من ل سه‌ر ئه‌نفالا بارزانیان نڤیسی یه.
ب هێڤیا کو ئه‌ڤ کاره‌سه‌تا د قادا ناڤنه‌ته‌وه‌یی دا وه‌که ژه‌نۆسیدا گه‌لێ کورد بێ قه‌بوول کرنێ.
تێبنی: ئه‌ڤ به‌رهه‌م ل ترکیێ و باکورێ کوردستانێ ژ ئالیێ وه‌شانخانا دۆزێ، ل سته‌بۆلێ مامۆسته باقی، ل مدیاتێ؛ ئاهمه‌ت ئاجار، ل دیاربه‌کرێ ئاهمه‌د گه‌چه‌ر، ل ئه‌لمانیا کوردستان ئه‌لی، ل هۆڵاندا مرزا مزرا تێ فرۆتنێ.هوون دکارن ل سه‌ر فێسبۆكێ ب وان ڕه تێکلیێن خوه ده‌ینن..
بووبێ ئەسەر
2021.02.19
