ھەمەرەنگ

 نامه‌یه‌ک ژ سه‌رۆک بایدن بۆ سه‌رۆک نێچیرڤان بارزانی

سەرۆکێ ویلایەتێن یەکگرتی یێن ئەمریکایێ نامەیەکێ ژ بۆ سەرۆکێ هەرێما کوردستانێ دشینە و تێدا دبێژە کو هەرێما کوردستانێ ژ بۆ ئەمریکایێ گەلەک گرنگە و ئێریشا مووشەکان بۆ سەر هەولێرێ شەرمەزار دکە.

ئەو نامەیا سەرۆكێ ئەمریکایێ، ئیرۆ رۆژا چوارشه‌میێ (2022.03.30) سەفیرێ ئەمریکایێ یێ ئیراقێ سەردانا هەولێرێ کر، ژ بال سەرۆکێ هەرێما کوردستانێ ڤە هات پێشوازی کرن، و وی ئەو نامەیە گه‌هاندە ده‌ستێ نێچیرڤان بارزانی سه‌رۆکێ هه‌رێما کوردستانێ.

سه‌رۆک جۆ بایدن، د نامه‌یا خوه‌ دا، ته‌کید دکه‌ کو هه‌رێما کوردستانێ هه‌ڤبه‌شه‌ک گرنگ یا ئەمریکایێ یه‌ و د وێ نامه‌یێ دا دبێژه‌ کو وه‌لاتێ وی ب به‌رده‌وامی و ده‌مدرێژ دێ  ئارامی و سه‌قامگیریا ئیراق و هه‌رێما کوردستانێ بپارێزە‌.

سه‌رۆک بایدن ئێریشا مووشه‌کان بۆ سه‌ر هه‌ولێرێ شه‌رمه‌زار دکه‌ و هه‌ڤاهه‌نگیا مۆکم و ده‌مدرێژ یا د ناڤبه‌را هه‌رێما کوردستانێ و ئەمریکایێ دا بلند دنرخینه‌ و ته‌کیدێ ل سه‌ر پێگیریا ئەمریکایێ ب پشته‌ڤانیا هێزێن ئه‌منی یێن ئیراق و پێشمه‌رگه‌ دکه‌.

د به‌شه‌ک دن ژ نامه‌یا خوه‌، سه‌رۆک بایدن دبێژە  کو ئەمریکا دخوازە هه‌رێما کوردستانێ هەرتم ئارام، سه‌قامگیر و پێشکه‌فتی بە‌.

سه‌رۆک بایده‌ن د وێ نامەیا خوە دا، هه‌روه‌سا، جه‌ژنا نه‌ورۆزێ ل سه‌رۆک نێچیرڤان بارزانی و گه‌لێ کوردستانێ پیرۆز دکه‌.

Back to top button