نێچیرڤان بارزانی پێشوازیێ ل نادیا موراد دكە
نادیا موراد، پشتی خه‌لاتا نۆبه‌ل یا ئاشتیێ ل ئۆسلۆ، پایته‌ختا نەرویجێ وه‌رگرتی، ڤه‌گه‌ریا باشوورێ کوردستانێ و ڕۆژا پێنجشه‌مێ 13.12.2018ێ ل باژارێ هه‌ولێرێ ژ ئالیێ نێچیرڤان بارزانی سه‌رۆکوه‌زیرێ کوردستانێ ڤه هات پێشوازی کرن.
سه‌رۆکوه‌زیرنێچیرڤان بارزانی د ئاخافتنەكێ دا، وه‌رگرتنا خه‌لاتا نۆبه‌ل یا ئاشتیێ ل نادیا موراد پیرۆز کر و هێڤیێن سه‌رکه‌فتنێ ژێ ڕه خوه‌ست،
سەرۆكوزیر به‌رهه‌ڤیا حکومه‌تێ نیشان دا کو پشتەڤانیاهه‌موو خه‌بات و چالاکیێن وێ یێن مرۆڤی یێن ژ بۆنا ئاشتیێ و خزمه‌تکرنا قوربانیێن ئێزدی و گهاندنا ده‌نگێ وان ب جیهانێ، خه‌باتێن وێ یێن ژ بۆنا ڕووبرووبوونا ته‌رۆرێ و مه‌حکه‌مکرنا ته‌رۆریستێن داعیش و ناساندنا دۆسیه‌یا ئێزدیان وه‌که ژێنۆسیدا ل جیهانێ و پاراستنا ئێزدینا، بکه.
نادیا موراد سپاسیا سه‌رۆکوه‌زیر کر و ب کورتی به‌حسا سه‌رهاتی و تراژه‌دیا ب سه‌رێ وێ و ئێزدیان هاتی و خه‌باتێن وێ یێن ژ بۆنا ڤه‌گه‌راندنا ئارامی و ئاشتیێ ژ بۆ جڤاکا ئێزدیان و تماما قوربانیێن ده‌ستێ ته‌رۆرێ ب گشتی، کر. وێ هه‌روه‌سا به‌حسا ڕه‌وشا نها یا ئێزدیان ل ده‌ڤه‌را شنگالێ ب تایبه‌تی کر و داخواز ژ حکومه‌تا هه‌رێما کوردستانێ کر کو د ئاڤادانکرنا شه‌نگال و ده‌ڤه‌رێن دن یێن ئێزدیان ده ڕۆل هه‌به، داکو خه‌لک ڤه‌گه‌ره سه‌ر مال و ملکێ خوه و ژیان و ئارامیا ده‌ڤه‌را وان یا پاراستی به.
ندیا موردا دانه‌یه‌ک ژ کتێبا خوه یا ب ناڤه (که‌چا داویێ) کو ب زمانێ ئینگلیزی وه‌شاندیه دیاری سه‌رۆکوه‌زیر نێچیرڤان بارزانی کر.
