نڤیسار

پشتەڤانیكرنا لیستەیا پەدەكێ

دڤێ ئه‌ز د سه‌ری دا بێژم کو: ژبۆنا گارەنتیكرنا پاشه‌رۆژا باشوورێ کوردستانێ ئەز پشتگریا لیسته‌یا پەدەکێ دكم. ژبه‌ركو لیسته‌یا پەدەکێ لیسته‌یه‌ک سیاسی و کورده‌واری یه‌. ئارمانجا وێ پێشده‌خستنا ده‌ستکه‌فتیێن کورد و کوردستانێ یه‌؛ خورتکرنا هه‌ست و ڕوحێ نه‌ته‌وەیی و خوه‌دیلێده‌رکه‌تنا رێبازا سه‌رۆک مسته‌فا بارزانی یه‌.

پرانییا ئالیگرێن وێ بنگه‌ها رێبازا نه‌مر سه‌رۆک مسته‌فا بارزانی ژ خوه‌ ڕا وه‌ک ڕێ و ده‌ستوور دبینن. ئالیگر و دۆستێ کوردێن هه‌رچوار پارچەیێن کوردستانێ و یێن ل جیهانێ نه‌. پاراستنا ده‌ستکه‌فتیێن باشوورێ کوردستانێ وه‌ک ده‌ستکه‌فتیێن ته‌مامێ کوردان دبینن و ڤێ یه‌کێ ژ خوه‌ ڕا وه‌ک ئارمانجه‌ک سه‌ره‌کی دزانن.

ڤیزیۆنا سەرۆكێ ھەرێما كوردستانێ نێچیرڤان بارزانی د ناڤ ته‌مامێ جیهانێ و ب تایبه‌ت ل ڕۆژهلاتا ناڤین وه‌ک ئه‌کۆل و گاڤه‌ک نووژه‌ن و جودا، په‌سندبوھا تێ بناڤ کرن.

هه‌ر وها سه‌رۆکێ پەدەکێ برێز مه‌سعوود بارزانی بوویه‌ قیبلا ته‌مامێ کوردا و نه‌یارێ کوردا ژی. ب تایبه‌تی د ڤێ رەوش و قۆناغا مڵه‌تێ کورد تێ دا ده‌رباس دبه‌، گەلێ كورد هه‌وجه‌یی ب ڕێبه‌رێن كۆ ژ ته‌ره‌ف جیهانێ ڤه‌ هاتنه‌ په‌سندار کرن ل سه‌ر حوكم بن؛ دێ ئه‌ڤ یه‌ک د به‌رژه‌وه‌ندیا مڵه‌تێ کورد دابه‌.

لیسته‌یا پەدەکێ، ل سه‌ر بیروباوه‌رییا یەكرێزی و نێزیکبوونا کوردان هاتیه‌ دامه‌زراندن. دژمناتییا کوردان و شه‌رێ ناڤخوه‌یی ڕه‌د دکه‌، ب ڕه‌خنه‌یێن خوه‌ بالێ دکشینه‌ سه‌ر خه‌له‌تی و کێماسییێن هه‌یی و دخوازه‌ د جڤاکا کورد و د په‌روه‌رده‌کرنا خۆرت و جوانێن کورد دا خزمه‌تا وه‌لاتپه‌روه‌رییێ بکه‌.

پەدەکە و ب تایبه‌تی مالباتا بارزانیا، هێلینا کوردپه‌روه‌رییێ، ناڤه‌ندا وه‌لاتپه‌روه‌رییێ یه‌.

ئیرۆ چ ل ئه‌ورووپایێ، چ ل باکور، ڕۆژاڤا، ڕۆژهلات و چ ژی ل کوردستانێ، د وارێ لێ خوه‌دی ده‌رکه‌تنا سیاسه‌ته‌کا کوردستانی دا ڤالاهییه‌ک مه‌زن هه‌یه‌؛ پێوستی ب سییاسه‌تمه‌دارێن پرێزه‌ پاقژ هه‌یه‌. ل گۆرا باوه‌ریا من، پەدەکە ب ڤێ لیسته‌یا خوه‌ یا خوه‌دییێ بیروباوه‌رییه‌ک کورده‌واری و نه‌ته‌وپه‌روه‌ری دێ کاربه‌ ڤێ ڤالاهیێ داگره‌.

د ئه‌نجامێ هلبژارتنا دا، ئەگه‌ر ژ لیسته‌یا پەدەکێ ڕا پشتگیریەك خورت ده‌رکه‌ڤه‌ و ئەو لیستە سەربكەڤە، ئه‌ز باوه‌رم دێ ڕایه‌دارێن کوردستانێ و د سه‌ری دا سه‌رۆک مەسعوود بارزانی سه‌رخوه‌بوونا کوردستانێ تێخه‌ ڕۆژه‌ڤا جیهانێ. ته‌نێ ژ بۆ ڤێ بیروباوه‌ریێ به‌ ژی، دڤێ ب خورتی پشتگریا لیسته‌یا پەدەکێ بێ کرن.

دڤێ هه‌ڤوه‌لاتیێ کوردستانێ، جانفیدایی، جه‌فاکاری، شۆره‌شگه‌ر و قه‌هره‌مانیا مالباتا بارزانی ب ده‌نگێ خوه‌یی كۆ وێ بدن لیسته‌یا پەدەکێ بهێز بکن. دڤێ باش بێ زانین کو، پەدەکە پرا ناڤبه‌را ده‌ستکه‌فتن و خه‌باتێن کوردێن باشوور ب جڤاکا کوردێن باکور و پارچەیێن دن یێ کوردستانێ یه‌.

وه‌ک تێ زانین، سیاسه‌ت و ڕێڤه‌به‌ریه‌ک ڕاست و خورت، دێ نه‌ ته‌نێ ل ھەمبه‌ر داگیرکه‌رێن کوردستانێ، هه‌روها دێ د قادا جیهانێ دا ژی ببه‌ چه‌کا هه‌ری مه‌زن د ده‌ستێ کوردان دا.

وه‌لاتێن کو خوه‌دیێ ده‌زگه‌هێن خورت بن، کارن حوکم ل گه‌ڵه‌ک تشتان بکن و ڕه‌وشا هه‌یی ل گۆرا به‌رژه‌وه‌ندیا وه‌لاتێ خوه‌ بگوهه‌رینن.

ژ به‌ر ڤێ، دڤێ هه‌ڤوه‌لاتیێ مه‌ یێن باشوورێ کوردستانێ، خوه‌دی ل لیسته‌یا کو مالباتا ب روومه‌ت، مالباتا بارزانیا سه‌رپه‌ره‌شتیا وێ دکن خوه‌دی ده‌رکه‌ڤن، پشتەڤانیا وان بكن و ماددی و مەعنه‌وی وان ب ته‌نێ نه‌هێلن.

د داویێ دا دخوازم بێژم کو؛ ژ به‌ر ڤان ئەگەرێن ل ژۆر و گه‌ڵه‌ک ئەگەرێن دن د خێرا کوردێن باشووردایە كۆ یێن د ئاڤادانا کوردستانێ دا پرێزا وان پاقژە بینن سه‌ر حوکم. دڤێ بێ قه‌ید و شه‌رت ل هەمبه‌ر داگیرکه‌رێن کوردستانێ، وێ وه‌زیفا خوه‌ بکار بینن.

2021.09.13

نوری چه‌لیک
Back to top button