سیاسی

پەیاما سەرۆک بارزانی

پەیامەک ژ سەرۆک  بارزانی کو د پەیما خوە دا پیرۆزباهیێ ل سەرۆکێ پەرلەمنتۆیا ئیراقێ و هەر دو جیگرێن وی، حاکم زاملی و شاخەوان عەبدولا دکە یێن :کو رۆژا ٢٠٢٢/١/٠٩ د جڤینا دەستپێکا خولا پێنجێ یا پەرلەمەنتۆیا ئیراقێ دا هاتینە هلبژارتن

 ھلبژارتنا سەرۆکێ چڤاتا نوێنەرێن ئیراقێ و ھەر دو جیگرێن وی د ناڤ پرۆسەسا سیاسیا ئیراقێ دا پێنگاڤەکا گرنگ بوو، ب ڤێ ھەلکەفتێ پیرۆزباھیێ ل برێزان محمەد حەلبووسی سەرۆکێ چڤاتا نوێنەران و حاکم زاملی و شاخەوان عبداللە دکەم. پیرۆزباھیێ ل ھەموو ئەندامێن چڤاتا نوێنەران و دەنگدەران و ھەڤوەلاتیان دکەم. 

ئەڤ پێنگاڤە دەسپێکەکا گەلەک  باشە ژ بۆ سەراستکرنا پرۆسەسا سیاسی و بنگەھەکە ژی ژ بۆ ئاڤاکرنا پاشەرۆشەکا گەش و سەماقگیر و خورتکرنا دەمۆکراسیێ و ھەڤپشکیێ د ئیراقێ  دا. ل ڤێرە سپاسیا وان ھەموو  دۆست و ئالیێن سیاسی یێن کو سۆزا خوە بجھئانی و بوونە ھۆکارێ سەرکەفتنا ڤێ پرۆسەسێ، دکەم .

ب پشتراستی کو ئەو پێنگاڤا ئیرۆ  یا چڤاتا نوێنەێن ئیراقێ دێ ژ بۆ بدەستخستنا یەکریزیێ و ڤەکرنا رووپەلەکێ نوو و دەرباسکرنا قەبا و لێکنەتێگەھشتنێ دەرفەتەک بە.  دێ درگەھەک ژی بە ژ بۆ چێکرنا باوەریێ د ناڤبەرا پێکھاتەیان دا و قایمکرنا شەنگستەیێ دەولەتا سازیان.

مەسعود بارزانی 

٢٠٢٢/١/٩


مەسعود بارزانی ٢٠٢٢

Back to top button