پەیامەک ب هەلکەفتا نەورۆزێ
ب ھەلكەفتا ھاتنا جەژنا نەورۆزێ و سەرسالا كوردی، مالپەرا مە، سبەھی، نەورۆزا ھەموو خاندەڤانێن خوە و گەلێ كورد ل ھەر چوار پارچەیێن كوردستانێ و جەژنا ھەموو كوردان ل ھەر دەرا لێ بن ب گەرمی و ژ کووراتیا دل پیرۆز دكە. ئەم سالەكا دوور ژ ھەموو بەلا و نەخوەشیان ژ بۆ گەلێ كورد دخوازن.
نه‌ورۆز هات ب گول و ڕهان جه‌ژنا مه یه ل ۲۱ ێ ئادارێ. نه‌ورۆزا ئیسال خێر و خوه‌شیێ ب خوه را بینه، دلێ هه‌موو خانده‌ڤانێن مالپه‌را مه و تاک ب تاکێ گه‌لێ کوردستانێ خوه‌ش و گه‌ش بکه ژ هه‌موو نه‌خوه‌شی و پرسگرێکان دوور بکه.
ئه‌م هێڤیدارن سالا نوو ژیانه‌کا خوه‌ش به ژ نه‌خوه‌شی به‌لا و مه‌قه‌دارا دوور به، سالا ئازادی، ئاشتی، براتی، وه‌کهه‌ڤی، سه‌رخەبوون و ده‌وله‌تبوونا کوردستانێ به. گه‌لێ کورد ل هه‌ر چار پارچه‌یێن کوردستانێ ب مافێن خوه یێن نه‌ته‌وه‌یی شاد ببە ب تایبەت د ڤێ نەورۆزێ دا دلێ مە ل رۆژهەلاتێ کوردستانێ یە و ب گەلێ مە یێ وێ پارچەیێ را یە کو، شۆرەشا ژینا “ ژن ژیان ئازادی” ل دژی رژێما مەلایێن ئیرانێ بەردەوامە.
ژ بۆ مە نه‌ورۆز نیشان و سه‌مبۆلا به‌رخوه‌دان، خه‌بات و ته‌کۆشینا گه‌لێ کوردستانێ یه. بلا دڤێ سالێ دا ژی، گه‌لێ کورد ببە یه‌ک ده‌نگ و یه‌کێتیا خوه یا نه‌تەوه‌یی ئاڤا بکە، ب ته‌نێ ئەم دکارن ب یه‌کده‌نگی و یه‌کرێزیێ زوحاكێن داگیرکەر ژناڤ ببن و گەلێ خوه ژ بندەستیێ ئازاد بکن.
جارەكا دن جەژنا نەورۆزا پیرۆز، جەژنا نەتەوەیی و سەرسالا نوو یا کوردی ل مالباتێن شەھیدێن سەربلندێن كورد و كوردستانێ، ل پێشمەرگەیێ مێرخاس و ھەموو كوردستانیان ل ھەر جھێ لێ بن پیرۆز بە
رێداكسیۆنا مالپەرا
www.sibehi.com
٢٠٢٣/٣/٢١
