کوشتنا قه‌زافی خه‌له‌تی بوو
وه‌زیرێ ده‌رڤه یێ ئیتالیایێ ئانتۆنیۆ تاژانی، د ده‌ربارێ کەشتنا رێبه‌رێ به‌رێ یێ لیبیایێ موئامه‌ر قه‌زافی گۆت: “خه‌له‌تیه‌ک مه‌زن بوو کو ده‌ستوور هاتی دان قه‌زافی بێ کوشتن.” تاژانی هه‌روها ته‌که‌ز کر کو، ئیتالیا ب سایا رێکه‌فتنێن دگه‌ل قه‌زافی کاریبوو پێلا کۆچبه‌ریێ یا بەر ب ئەرۆپایێ ڤە راوه‌ستینه و هینگێ ره‌وش ئارامتر بوو.
وه‌زیرێ ده‌رڤه و جیگرێ سه‌رۆکوه‌زیرێ ئیتالیایێ ئانتۆنا تاژان ده‌ربارێ رێبه‌رێ بەرێ یێ لیبیایێ موامه‌ر قه‌زافی کو د سالا ۲۰۱۱ئان دا هاتبوو کوشتن داخوویانیه‌ک دا. ئانتۆنا تاژان ل ده‌ڤه‌را تۆسکانایێ د چالاکیه‌کێ دا به‌شدار بوو و د وێ چالاکیێ دا ئاخڤتنه‌ک کر و گۆت: “کوشتنا قه‌ئائافی خه‌له‌تی بوو”.
تاژان وها گۆت: “ده‌ستووردایینا کوشتنا قه‌زافی خه‌له‌تیه‌که مه‌زن بوو. دبه کو ئه‌و نه مۆده‌لا ده‌مۆکراسیێ به، لێ مرنا وی بێئیستیقرارا سیاسی ئانی لیبیا و ئەفریقیایێ. بێ گومان ئه‌و ژ یێن پشتی وی هاتین چێتر بوو.” تاژان هه‌روەسا ده‌ستنیشان کر کو ئیتالیا ب سایا وان په‌یمانێن کو ب قه‌زافی را کریبوون ئەو کاریبوون پێلا کۆچبه‌ریێ ڕاوه‌ستاتینن و ره‌وش ئارامتر ببوو.
