نڤیسار

کومێن دەروێشا بو مریدێن رێبازا شێخەکێ کەسنەزانی

 نڤیسین: زەنوون سلێڤانەیی ـ زاخۆ

 ئەڤەژی نائێتە فەشارتن كو ل جەم هەر ئول ونەتەوەیەکێ رەوشت و تیتالێن خوەیێن جڤاكی ھەنە كو ئەڤ یەك ژی د مەزهەب و بیروباوەرێن خوەین ئولی ونەتەوەیدا تشتەکی نۆرمالە.   بەلێ ئەڤا ل ڤێ داویێ مەدیتی بەرامبەری گشت سازیێن کوردی ھاتی كرن و هاتنا کومێن دەروێشا ژ وەلاتەکێ دی بو ناڤا ئاخا هەرێما کوردستانێ ب هێجەتا مالئاڤاهیکرنا شێخێ وان شێخ محەمەد کەسنەزانی تشتەكی نەنۆرمالە.

سەرەرای ڤێ چەندێ ژی ئەڤ ڤەدگەریت بو بێ بهاکرنا هەیبەتا دەستهەلاتداریا سنوران و سنوربەزاندن و بیروباوەرێن دەورێشان بو ڤێ مریدو رێبازا شێخەکێ مالئاڤاهیکری هەیبەتا دو سنوران شکاندینە بتنێ دا خوە بگەهینن بو ڤێ خالا سەرەکی دناڤا باشورێ  کوردستانێ دا ل ژڤانێ هاتنا تەرمێ و  بخاکسپاردنا شێخێ دەروێشان.

 ل ڤێرێ یاخوەیایە هەگەر ئەم ل مێژویا شورەش و خەباتا سیاسی و چەکداری یا خەلکێ باشورێ کوردستانێ بنێرن پیخەمەت بو ڤێ چەندێ قوربانیێن بێ هژمار تومارکرینە  داكو زمان و خاك وسنور ل ژێر گەف و ئێرشێن رژێمێن داگێرکەران دا نەمینن. پیدڤی ناکەت ئەم زێدەتر دناڤا ڤی بابەتی دا بنێرن نموونەێن گەلەك گرنگ  هەنە کو یا ئاشکەرایە د سالێن ڤێ داویێ ژی دا بسەرو ساناهی گەلەك ژ خاکا سنورێن دەڤەرێن کوردستانی هاتنە رادەستکرن دبوویەرا خیانەتکارا (١٦ ی ئوکتوبەرێ ) یاسالا ۲۰۱۷ ێ دا.  هەیا نهاژی گەلێ مە دئاگرێ ڤێ چەندێ دا یێ دشەوتیت، ژبلی پربوونا کێشە وکرێزێن سیاسی و ئابوری و قوتکرنا مووچە و قویتێ خەلکێ.

 تشتێن ئیرۆکە ژهەمیا سەیرتر یێ رووددن بگرە ژ شەپۆلا ڤایروسێ کۆرۆنایێ وهاتنا شەپۆلا کومێن دەروێشا ژی بەرهەڤن کوژیەکێ ڤی وەلاتی داگێر بکەن پێ  ل خالێن سنوری کرن ب چەکێ خەنجەرو تیرا ئێرشێن خوە بداوی بینتن هەتا دگەهیتە جهێ خاکسپاردنا شێخێ خوەیێ مالئاڤاهیکری ژڤێرێ پێڤە نزانین جارێ چ تشتێن دن ژی روویدن دڤی وەلاتیدا.

زەنوون سلێڤانەیی

Back to top button