سیاسی

گه‌لۆ پەیمانەک د ناڤبەرا کلچدارۆگلو و قه‌ندیلێ دا هەیە

ئەبدولقادر سه‌لڤی دبێژه‌: “هەدەپە-پەکەکێ کو بریارا پشتگریا کلچدارۆگلو دایە، ده‌ست ب خه‌باتێن هلبژارتنێ کر. لێ ئه‌ز نزانم ده‌ما کو سه‌رۆکێن پەکەکێ یه‌ک ل په‌ی هه‌ڤ داخویانیێن پشتگریێ بدن دێ دگه‌ل کلچدارۆگلو به‌ یان ل دژی وی به‌.”

نڤیسکارێ رۆژنامه‌یا حوریه‌ت، ئەبدولقادر سه‌لڤی د نڤیسا خوه‌ یا ب سه‌رناڤێ “گه‌لۆ ب پشتگریا پەکەکێ دێ کلچدارۆگلو سه‌ربکه‌ڤه‌ یان ژی دێ وندا بکه‌” دا دیار کر کو مژارێن کو دڤێ کلچدارۆگلو زه‌لال بکه‌ هه‌نه‌ و ئه‌ڤ پرس یه‌ک ب یه‌ک رێز کرن. به‌شەک ژ گۆتارا سه‌لڤی وها یه‌:

“ئه‌م دێ ببینن کو پشتگرییا خورت یا پەکەکێ یا ژ بۆ کلچدارۆگلوو دێ ب کێری کلچدارۆگلوو بێ یان نا. لێ به‌لێ ژ به‌ر کو رێڤه‌به‌رێن پەکەکێ یێن کو ده‌مه‌کی بێده‌نگ بوون، یه‌ک ب یه‌ک داخویانی دان و ژ ئالیێ جەهەپێ ڤه‌ چو به‌رته‌ک ژ پەکەکێ را نه‌هات دایین، ئه‌ڤ پرس هات رۆژه‌ڤێ کو گەلۆ د ناڤبه‌را کلچدارۆگلو و قه‌ندیلێ دا په‌یمانه‌کا ڤه‌شارتی هه‌یه‌ یان نا؟ هنده‌ک مژار د تارییێ ده‌ نه‌.
دڤێ کلچدارۆگلو ڤان خالان زه‌لال بکه‌.

۱- چما کلچدارۆگلو ل هه‌مبه‌ری داخویانیێن پشتگریێ یێن پەکەکێ بێده‌نگ دمینه‌ و دبێژه‌ پێویستیا من ب پشتگریا رێخستنا ته‌رۆرێ نینه‌؟
۲- ئه‌ڤ بێده‌نگی ئەگەرێ پەیوه‌ندیا وی ب قه‌ندیلێ را هه‌یه‌ یان نا؟ گه‌لۆ کلچدارۆگلو ب قه‌ندیلێ را په‌یمان چێکریه‌؟
۳- د به‌ردێلا چ دا پەکەکە پشتگریا بەربژێریا سه‌رۆککۆماریا کلچدارۆگلو دکه‌؟

Back to top button