هندەك ژ مهدیایێن باشوورێ کوردستانێ بوونه پاقژکرن و ڕووسیپیکرنا هندەك خوهفرۆش و دژمنێن بارزانیان و ڕێباز پیرۆز کو بهرێ کارێ وان تهنها دژمنایتیا وان بوو. هندەك ژ وان کهسان ههتا دهمهک بهرێ ژ کارێ وان تهنها دژمناتییا بارزانیان بوو.
لێ ئهم کهس و هندەك کهسایهتی نهوێرن بههسا ڤێ بکن. ژ بهر کو ئەو مهدیایێن ڤێ دکن، ئامبۆرگۆ داتینن سهر مرۆڤێن گرێدایی ڕێبازا پیرۆز کو ههمی تهمهن، کار و خهباتێن خوه د بهر خهباتێن بارزانیان یێن سهد سالان و ڕێبازا پیرۆز ده تهرخان کرنه. ل مه وهها کرنه کو ئهم نهما دکارن ڕاستیێ بێژن. دهما ئهم دبێژن ژی دبه ئاگر و ب مه دکهڤه. ب سالان ئامبارگۆ داتینن سهر مه کو دهنگ و ههلوهستێن مه ژ ڕایا گشتی را ئهشکهره نهبن.
هندەك ژ تهلهڤزیۆن و مهدیایێن باشوورێ کوردستانێ کو ب سایا تهکۆشینا سهد سالان یا بارزانیان و ب خوینا پێشمێرگهیێن قههرهمان هاتنه دامهزراندن. بوونه وارگهه و جهێ هندەك خوهفرۆشان کو ل ههمبهر بارزانیان خوین ڤهردشیان. لۆما ژی مهدیایێن کو وان کهسێن بهرێ دژمناتیا بارزانیان دکرن، دهردخن بهرنامهیێن خوه و د ئۆرگانێن خوه ده پهسنێ وان ددن. حەیفه…
لێ قهت نایێ بیرا ڕێڤهبرێن وان مهدیایان کو بههسا بهرههمێن ب کهدێن زۆر و زهحمهت ل سهر ڕێبازا پیرۆز و بهرخوهدانا سهد سالان یا بارزانیان هاتنه نڤیسین، بکن مێڤانێ بهرنامهیێن خوه. د ئۆرگانێن خوه ده بههسا وان خهباتێن هێژا و دهلال بکن. بههس بکن دا کو ئهو بهرههم د ناڤا گهل دا بێنه بهلاڤکرن.
ئهڤ ههلوهستا هندەك مهدیایێن باشوورێ کوردستانێ چ ب زانهبوون و چ ژی ب نهزانی دلێ کهسێن خهباتکارێن ڕێبازا پیرۆز دهێله کو ژ کار و نڤیساندنا بهرههمان دوور بکهڤن. ئهڤ دو جاران حهیفه…
ما گهلۆ قهت کۆنترۆلهک، کۆمیتهیهک ئان ڕێڤهبرهک کو مهدیایا باشوورێ کوردستانێ بشۆپینن ئان کۆنترۆل بکه نینە؟ ههگهر ههبه چما تشتێن وهها نه ل ڕێزێ نابینن؟ ههگهر نەبه هێش خهرابتره. ل گۆر من دڤێ هندەك دهزگهه، کۆمیته ئان ڕێڤهبر ههبن کو مهدیایێن باشوورێ کوردستانێ کۆنترۆل بکه. ل ڤێ جیهانێ چو تشتهک بێ سهرووبهر نابه.
ههگهر ڕهوش وهها بدۆمه دێ گهلهک نڤیسکار و خهباتکارێن ل سهر خهتا ڕێبازا بارزانی عاجز ببن. ههتا دکارن دهست ژ کارێ خوه ژی بهردن. سهر سهداما ڤێ ژی دێ ئهو مهدیایێن ل باشوورێ کوردوستانێ بن کو قیمهت و ڕوومهتا هونهرمهد و نڤیسکارێن کو بهرێ دژمناتیا بارزانیان دکرن کو ئیرۆ قیمهت و ڕوومهتا وان ژ یێن ژ ڕۆژا ڕۆژ دا کارێ خوه، بهرههمێن خوه، ههلبهستێن خوه و سترانێن خوه ل سهر تهکۆشین و بهرخوهدانا بارزانیان یا سهد سالان نڤیسیبوون و دنڤیسینن، ب قیمهتر بوویه. سێ جاران حهیفه…
ب هێڤی مه کو دهستهلاتا باشوورێ کوردستانێ و ب تایبهتی بارزانیێن کو بوونه هێڤیا ههمی کوردان، یێن تهکۆشهر، وهلاتهێز، دیپلۆمات و ههمی بارزانی ڤێ ڕهوشێ بهرچاڤ بکن دا کو دلێ کهس و کهسایهتیێن ژ بۆنا ڕێبازا پیرۆز ب سهرکهڤه، ژیانا خوه تهرخان کرنه، ببینن و ههول بدن دلێ وان ژ خهباتێن وان یێن ل سهر ڕێبازا پیرۆز سار نهبه. نها هندەك مهدیایێن کو قیمهتا جاهش، خوهرۆش و دژمنێن ڕێبازا پیرۆز بوون، د سهر یا دلسۆزێن ڤێ ڕێبازێ را گرتن و دگرن نه ماقوول، نه ئینسانی و ئهخلاقی یه.
ههلوهستا هندەك مهدیایێن باشوورێ کوردستانێ ڤێ ب شکلهکێ وهها دیار دکن کو کی/ئێ بهرێ دژمناتیا بارزانیان پارتی و ڕێبازا پیرۆز کربوون، ئیرۆ یێن ههری ب قیمهت بوونه ئهو. ئهڤ ههلوهست ژی دلێ گهلهک، نڤیسکار، هونهرمهند و هۆزانێن گرێدایی ڤێ ڕێبازا پیرۆز و پێ باوهرن، دێشینه.
ژ شوونا ڤان خوهفرۆش، جاش و دژمنێن بارزانیان دهرخن بهرنامهیێن خوه، بهرههمێن ل سهر ڤێ ڕێبازی ل گهل نڤیسکارێ وێ دهرخن، ما وێ نه باشتر و ماقوولتر به. ژ بهر کو دخوازن خوهفرۆشان دهرخن پێش و یێن دلسۆز و خهباتکارێن ڕێبازا پیرۆز ژی بدن ژ بیرکرن. ئهڤ ژی شهرمهزاریهکه و مهزنترین کارەساتە.
ئهز ب هێڤی مه کو وێ ڕێڤهبرێن ههرێما کوردستانێ و ب تایبهتی بارزانی ڤێ ڕهوشێ بشۆپینن و ڕێ نهدهن کهسێن کو بهرێ دژمناتیا ڕێبازا پیرۆز، بارزانیان و پارتی کربوون کو د دلێ وان ده هێژی ئهو دژمناتی ههیه، ب ئازادی و سهربلندایێ دهرکهڤن تیڤی یێن ب خوینا پێشمێرگهیان هاتنه ڤهکرن.
بهسه ئێدی دلشكەستنا کهس و خهباتکارێن کو ژیانا خوه ژ بۆنا پاراستنا ڕێبازا پیرۆز و تهکۆشینا زێدهیی سهد سالان یا بارزانیان، تهرخان کرنه و دکن.
ئهز ژی وهکه نڤیسکارهکی کورد کو بێترین خهبات و بهرههمێن من ل سهر ڕێبازا پیرۆز، خهبات و ڕوورهشرنا كریارێن پەكەكێ یێن وێرانكرنس کوردانه، دلبێشم. خهمگینم و دفکرم کو گهلۆ چما هندەك مهدیا و تیڤی یێن باشوورێ کوردستانێ ڤێ دوبهندیێ دکن. ما گهلۆ ههتا کو مرۆڤ دژمناتییا بارزانیان نهکه، وێ هندەك تهلهڤزیۆن و مهدیایێن باشوور کوردستانێ مە نەكن مێڤانێن خوە؟؟
Bûbê Eser
