سهرۆکێ ههرێما کوردستانێ نێچیرڤان بارزانی ژ وهزیرێ کارێن دهرڤه یێ سووریێ ئهسعهد شهیبانی را گۆت، “دڤێ مافێن کوردان د دهستوورێ دا بێن پاراستن.”
سهرۆکێ ههرێما کوردستانێ نێچیرڤان بارزانی د چارچۆڤهیا کۆنفهرانسا ئهولههیێ یا میونشنێ دا دگەل وهزیرێ کارێن دهرڤه یێ سووریێ ئهسعهد شهیبانی جڤیا.
د جڤینێ دا پێوهندیێن سووریێ یێن دگەل ئیراق و ههرێما کوردستانێ و بوویەرێن داوی یێن ل سووریێ و ڕۆژاڤایێ کوردستانێ هاتن گۆتووبێژکرن. ههر وها باندۆرا ڤان بوویەران ئا ل سهر ئارامی و سهقامگریا ههرێمێ هاتن نرخاندن.
ههر دو ئالیان تهکهزی ل سهر گرینگیا چارهسهرکرنا کریزێن سووریێ و پاراستنا مافێن ههموو پێکهاتهیان کر.
د جڤینێ دا بههسا ڕهوشا مرۆڤی یا کۆچبهران و بپێشخستنا دیالۆگا نشتمانی یا ژ بۆ پاشهرۆژهکا ئارام هات کرن.
ئهسعەد شهیبانی ئاماژه ب ڕۆلا ههولێرێ یا د پهیمانا د ناڤبهرا شام و هسدیێ دا کر و سپاسیا وان کر ژ بۆ ئالیکاریا کۆچبهران و ههولدانێن وان یێن ژ بۆ پاراستنا ئارامیا ههرێمێ.
سهرۆک نێچیرڤان بارزانی هێڤیا سهرکهفتن، ئارامی و سهقامگریێ ژ بۆ سووریێ و ڕۆژاڤایێ کوردستانێ خوهست. بارزانی ههر وها تهکهزی ل سهر گرنگیا پاراستنا مافێن کوردان د دهستوورا پاشهرۆژێ یا سووریێ دا کر.
