مەزلوم عەبدی دا شێت چ کەت؟ ئەز دێ بەرسڤا وە دەم.
دەما ئەم ڕەخنێ ل وێ چەندێ دگرین یا مەزلوم عەبدی و پەیەدە گەهشتینێ، ئێک دەردکەڤیت و دبێژت: «باشە، مەزلوم دا شێت چ کەت؟»
وهكی كو ئەم هەمی سالێن بورین ژبیر بکەین و چێرۆکێ ژ دوماهیا وێ دەستپێ بکەین، دا کو مەزلوم و پەیەدە وەک قوربانیێن بارودۆخی دیار ببن، نە وەک خودانێن بڕیاران ئێن کو ئەم گەهاندینە ڤێ ئاستی.
ئەز سیاسەتێ ب ڤی شێوەی ناخوێنم.
،ئەگەر ئەز ل شوونا مەزلوم و سەرکردایەتییا پەیەدە بام، ژ دەستپێکا شۆڕشێ ڤە دا کارکەم بۆ سەربەخوەیییا بڕیارا کوردی یا سوری ژ پارتییا کارکەران، پەکەکە و کادرێن وان یێن ژ دەرڤە هاتین، و دا وێ چەندێ ڕەت کەم کو رەنگێ ئۆجەلانی ب سەر تەڤایا گەلەکی دا بێتە دانان، چنکو ڤێ چەندێ بەهانە دا دەستێ ترکیەیێ دا کو کوردێن سوریەیێ ب پارتییا کارکەران، پەکەکێ و دۆسیەیا تێرۆرێ ڤە گرێ دەت.
نەمازە کو ئەمریکا، فڕەنسا و بەریتانیا، ل ساڵێن پێکڤەگریدانێ دگەل هێزێن سۆریەیا دیموکرات (هەسەدە)، بەرەڤ وێ چەندێ دچوون کو تەجرووبەیا سوریەیێ ژ پەکەکێ دوور بێخسن. دا ڤێ چەندێ ب دەرفەت وەرگرم دا بێژمە جیهانێ: ئەم کوردێن سوریەیێ نە، بڕیارا مە یا سەربەخەوەیە و دۆسیەیا مە ل ڤێرەیە.
لێ بەلێ ل شوونا وێ یەکێ، ئۆجەلان هەر ما تەنانەت د ئاخاڤفتن و دیدارێن وان یێن دەرڤە ژی دا. دیدارێن بەلگەکرى هەنە کو ئیلهام ئەحمەد دگەل ئەندامێن کۆنگرێسا ئەمریکی و بەرپرسێن وەزارەتا دەرڤە یا سوێدی کو تێدا دۆسیەیا ئۆجەلانی و ڕاکرنا گۆشەگیریێ ل سەر وی گۆتوێژ دکر.
ل ڤێرە پرسیارا من ئەڤەیە: چما ئەڤ سەکۆیە ل دەستپێکێ نەهاتنە بکارانین بۆ داخوازکرنا مافێن کوردێن سوریێ و دانپێدان ب وان د دەستووری دا و مسۆگەرکرنا زمان، ناسنامە و مافێن وان یێن سیاسی؟
ئەگەر ئەز ل شوونا وان بام، دا پارتی، ڕەوشەنبیر و کاتییێن سەربەخوە یێن کوردی کۆم کەم ل شوونا وەدەرنانا وان، و دا کار کەم ل سەر دیتنەکا کوردی یا سوری یا پێکڤەیی، چنکو پاشەڕۆژا گەلەکی ب بڕیارا پارتییەکێ یان سەرکردەیەکی ب تەنێ نابە.
و ل دەڤەرێن عەرەبی یێن کو ژ داعشێ هاتینە رزگارکرن، دا خەڵکێ وان ئازاد هێلم کو ب خوە دەڤەرێن خوە بڕێڤە ببەن، دا کو ئەو ببیتە نوونەیەک بۆ نەناڤەندگەریێ کو عەرەب بەری کوردی بەرەڤانیێ ژێ بکەن.
و دەما کوردا شەڕێ داعشێ کری و هەزاران قوربانی داین و پێوەندییەکا تایبەت یا هەسەدێ دگەل هەڤپەیمانییا ناڤدەوڵەتی چێبووی، دا ڤی سەرمایەیێ سەربازی گوهۆڕم بۆ دەستکەفتەکێ سیاسی، و دا بێژمە هەڤپەیمانێن مە: مە شەڕێ تێرۆرێ دگەل وە کڕ، نوکە ئەم گەرەنتیێن سیاسی و دەستووری بۆ مافێن گەلێ خوە دخوازن.
پاشی ئهسەد کەفت.
ل لێرە دا دەستپێکێ چمە ناڤ مالا کوردی، و دا هێزێن کوردی ل سەر دیتنەکا ئێكگرتی کۆم کەم و دا شاندەکێ پێکڤەیی هەڵبژێرین کو بچیتە دیمەشقێ.
ئەز ب تەنێ نەدچووم، و من ڕێک نەددا کو دۆسیەیا کوردی ب کێشەیا هەسەدێ ڤە بێتە کورتکرن.
هەسەدە چێدبیت بێتە هەڵوەشاندن یان تێکەڵکرن، بەلێ دۆسیەیا کوردی نە.
و دا ڕەت کەم کو دیتنا ئۆجەلانی ببیتە مەرجەکێ ناچارکەر بۆ کوردێن سوریێ. مافێ ئالیگرێن وی یە بەرەڤانییێ لێ ب کەن، بەلێ پاشەڕۆژا کوردێن سوریێ، کوردێن سوریێ دەستنتشان دکەن.
و دا بڕیارا ئاشتی، شەڕ، دانوستاندن و ڕێککەفتنێ کەمە بڕیارەکا کوردی یا پێکڤەیی، و هەر دیالۆگەک دگەل ترکیێ دا پێدڤی یە هێزێن کوردی یێن سوریی تێدا پشکدار ببن، نە کو دۆسیەیا مە د ناڤبەرا تورکیێ و پەکەکێ دا هلاویستی بمینیت.
و بەری هەر ڕێککەفتن یان پاشگەزبوونەکێ دگەل دیمەشقێ، دا پرسم:
کورد دێ چ وەرگرن ل بەرامبەر دا؟
ژ بەر ڤێ چەندێ دەما هوون ژ من دپرسن: «مەزلوم دا شێت چ کەت؟»
ئەز د بێژم: دا مەزلوم و پەیەدە شێن گەلەک شتان بکەن بەری کو بگەهنە ڤی ڕۆژا کو هوون تێدا بێژنە مە کو ڕێک هاتینە بڕین.
ڤەنەقەتیان ژ پارتییا کارکەرێن کوردستانێ، پەکەکێ، هێلانا ئۆجەلانی د د ناڤ دلێ بڕیار و گۆتاران دا، وەدەرنانا هێزێن دی ئێن کوردی، و بکارنەئینانا پێوەندییێن دگەل هەڤپەیمانیان بۆ دەستڤەئینانا گەرەنتیێن سیاسی… ئەڤە هەمی هەڵبژارتن بوون کو ب ساڵان ڤەکێشا، ژ بەر ڤێ چەندێ خودانێن وان بەرپرسارییا ئەنجامێن وان تەحەمول دکن.
و دەما ئەز دەستپێکا ڕێکێ ددانمە کێلەکا دوماهیا وێ، پرسیارا من دبیته پرسیارەکا دەستووری و دروست:
ئەرێ ئەڤە هەمی تەنێ شاشییێن ل سەرهەڤ کۆبوویی بوون، یان ڕێک ب خوە دبرە بەرەڤ ڤی ئەنجامێ کو ئەم ئیڕۆ دبینین؟
ئەز نا بێژم کو بەڵگەیەک ل جەم من هەیە ل سەر بوونا نەخشەیەکا بەری وەخت، بەلێ گەلەک ئەگەر ل جەم من هەنە دا کو دوودل ببم و بپرسم.
ژ بەر ڤێ ل شوونا کو ژ من بپرسن:
مەزلوم ئیڕۆ دا شێت چ کەت؟
ژ خو بپرسن:
مەزلوم و پەیەدە دا شێن چ کەن ل درێژاهییا ڤان ساڵان… و چما نەکر؟
ژ فێسبۆكێ/ وەلات بەكر
ژ عەرەبی هاتیە وەگێران
