سەرۆکایەتییا هەرێمێ هێرشێن ل سەر نڤیسینگهها مەسرور بارزانی و ئاژانسا پاراستنێ شەرمزار دکەت
سبەهی – هەولێر
سەرۆکێ هەرێما کوردستانێ، نێچیرڤان بارزانی، بەرسڤا هێرشێن بەرەبەیانا ئیرۆ دا و ب توندی ئەڤ پەلامارە شەرمزار کرن.
د پەیامەکا فەرمی دا، سەرۆکێ هەرێمێ ڕاگەهاند: «ئەم. ب توندی وان هێرشان ئەڤێن بەرەبەیانا ئیرۆ (٢٠٢٦/٨/١٧) كرینە سەر نڤیسینگەها سەرۆکوەزیرێ هەرێما کوردستانێ، ڕێزدار مەسرور بارزانی، و جهێ ڤەحەوانا ڕێڤەبەرێ ئاژانسا پاراستنێ شەرمەزار دكەین. ئەڤ هێرشە ب تەواوی ڕەتکری نە و پەرەسەندنەکا مەترسیدارن.»
ل دۆر ئەرکێ حکومەتا بەغدایێ بۆ پاراستنا ئاسایشێ، نێچیرڤان بارزانی داخواز ژ حکومەتا فیدرال کر کو بەرپرسیارەتی و پابەندبوونا خوە یا دەستووری د پاراستنا ئاسایش و سەقامگیریا وەلاتی دا جێبەجێ بکەت، دا کو ئەڤ جۆرە دەستدرێژییە دووبارە نەبنەڤە.
د داوییا پەیاما خوە دا، سەرۆکێ هەرێما کوردستانێ ئاماژە ب گرنگیا هەڤکاریا بەغدا و هەولێرێ دا و دیار کر: «پاراستنا سەروەری، ئاسایش و سەقامگیریا عێراقێ ب هەرێما کوردستانێ ڤە، بەرپرسیارەتیەکا هەڤپشکە و دڤێت هەموو ئالی کار بۆ ئارامکرنا رەوشێ و نەهێلانا گرژییان بکەن.»
