نێچیرڤان بارزانی بۆ رۆژنامەیا ئیتالی کۆریێرێ دیلا سێرا: سیستەمێ ئیرانێ تێکهەلبوونەکا بێوێنە یا ئایین و نەتەوەپەرەریێ یە
رۆژنامەیا ئیتالی، کۆریێرێ دیلا سێرا، ل هەولێرێ دگەل نێچیرڤان بارزانی، سەرۆکێ هەرێما کوردستانێ، هەڤپەیڤینەک ئەنجامدا. سەرۆک نێچیرڤان بارزانی د ڤێ هەڤپەیڤینێ دا پەیامێن گەلەک گرنگ دانە جیهانا سیاسی.
سەرۆکێ هەرێما کوردستانێ (کو دهێتە چاڤەڕێکرن د مەها گولانێ دا ل ڤاتیکانێ دیار ببیت) گۆت: “سیستەمێ ئیرانێ تێکهەلبوونەکا بێوێنە یا ئایین و نەتەوەپەرەریێ یە: شەڕی ئەو كرنە ئێک و رژێم ل سەر پێیێن خوە ما.”
هەولێر – نێچیرڤان بارزانی سەرۆکێ هەرێما کوردستانا عیراقێ دبێژیت: “بۆ قەیرانا ئیرانێ چو چارەسەریەکا لەشکری نینە. دڤێت هەر تشتەک بهێتە کرن دا کو ئاگربەست بهێتە بهێزکرن.”
لێ ئاگربەست گەلەک یا لەرزۆک دیار دکەت، ئەم چەوا دشێین رێگریێ ل دەستپێکرنا شەڕی بکەین؟
نێچیرڤان بارزانی: “ئەز هەڤرکیەکێ د ناڤبەرا عەقلیەتان دا دبینم. ئیرانی یێن بێهنفرەهن، ئەو ب هووری ل سەر هوورکاریان کار دکەن. ئەمریکی دخوازن چارەسەریێن بلەز ببینن، لێ بێهنفەرهی یا پێدڤی یە.”
ئیسرائیل یا بەردەوامە ل سەر بۆمبەبارانکرنا لوبنانێ؟
نێچیرڤان بارزانی: “ئەڤە شاشیەکە. دڤێت ب زووترین دەم رابوەستن دا کو بهێزا ئاگربەستێ بپارێزن، ب تایبەت کو ئیسرائیل نە بتنێ هێرشی حزبولا دکەت، بەلکو زیانێ دگەهینتە ژێرخانیا وەلاتێ لوبنانێ ژی.”
د دەستپێکا شەڕی دا، ئەرێ ئەمریکیان ژ وە خواست کو هوین دەستێوەردانێ بکەن دا کو سەرهلدانێن ئیرانێ ب سانەهی بکەن؟
نێچیرڤان بارزانی: “ئەمریکیان چو جاران بەحسێ گوهۆڕینا رژێما تارانێ ل دەف مە نەکریە؛ بەروڤاژی وێ، وان جەخت ل سەر وێ چەندێ دکر کو دڤێت بەرنامێ ئەتۆمی و بەرنامێ موشەکی یێ ئیرانێ بهێتە راوەستاندن. کەسێ ژ مە کوردان نەخواستیە کو ئەم دەستێوەردانا لەشکری ل ئیرانێ بکەین، لێ ئەم د دژی وێ چەندێ نە کو ئاخا مە وەک بنکەیەک دژی جیرانێن مە بهێتە بکارئینان. ئەم ناخوازن ببینە پشکەک ژ ڤی شەڕی.”
تە ل ئیرانێ خاندن ب دوماهی ئینایە، تو ب فارسی دئاخڤی و وەلات دناسی: تو سەقامگیریا رژێمێ چەوا دبینێ؟
نێچیرڤان بارزانی: “ئەز ئەڤە دەمەكە درێژە هزر تێدا دكەم کو مرۆڤ نەشێت رژێمێ بتنێ ب هێرشێن ئاسمانی بگوهۆڕیت. سیستەمێ ئیرانێ تێکهەلبوونەکا بێوێنە یا ئایین و نەتەوەپەرەریێ یە: شەڕی ئەو ئێکگرتی کرن. ئەڤرۆ، رژێم شیا یا بەردەوام بیت. تەنانەت کوشتنا سەرکردەیان ژی مفا لێ کێمە، چونکی جهگرێن وان ب زوویی دهێنە دیتن. ئیرانیان بۆ خوە دەرس ژ شەڕێ حوزەیرانا بۆری وەرگرتبوون و بۆ بەرەنگاربوونا ڤێ هێرشا نوو د ئامادەبوون؛ ئەو دزانن کا دێ چەوا بمینن. نوکە بتنێ رێکا دیپلۆماسیێ یا مای.”
تۆ هێزا ئۆپۆزسیۆنا ئیرانێ یا ئەڤرۆ چەوا دبینێ؟
نێچیرڤان بارزانی: “کێمترین ژ ٢٥٪ تا ٣٠٪ ژ ئاکنجیان ب توندی پشتگیریا رژێمێ دکەن، کو هێشتا دامەزراوەیێن وێ گەلەک یێن بهێزن. لێ ئۆپۆزسیۆن ژ لایێ سیاسی ڤە یا رێکخستی نینە و سەرکردەیێن خۆجهی نینن. بلا ژ بیر نەکەین کو خۆنیشاندان ژ بەر دلگرانیا ل سەر رەوشا ئابووری نە. د هەمان دەم دا، ل بەنزینخانەیان قەرەبالغ نینە، دوکان د ڤەکرینە، و رژێم هێشتا یا د بن کۆنترۆلێ دا.”
تەنگا هورمز یا گرتی یە: هەرێما کوردستانێ چەوا دشێت هاریکار بیت بۆ چارەسەرکرنا قەیرانا هناردەکرنا وزەیا عیراقێ؟
نێچیرڤان بارزانی: “ئەم یێن ئامادەینە بۆریێن خوە یێن بەرەڤ تورکیایێ بهێزتر بکەین. عیراق ل ڤێرە رۆژانە نێزیکی ٣٠٠ هزار بەرمیلان هناردە دکەت، و ئەم دشێین بگەهینە ٧٠٠ هزار بەرمیلان.”
ما تو دبینێ حکومەتا عیراقێ هەمی هەولێن خۆ داینە دا کو رێگریێ ل هێرشێن میلیشیایێن شیعە یێن سەر ب تارانێ ل سەر وە بکەت؟
نێچیرڤان بارزانی: “ئەم نە رازیمە و کارێ دکەن تێرا ناکەت. ژ دەستپێکا شەڕی وەرە، زێدەتری ٦٠٠ جاران هێرش ل مە هاتیە کرن: ئەڤە ناهێتە قەبوول کرن. عیراق نەشێت یا ئارام بیت هەتا کو کۆنترۆلا میلیشیایان نەکەت
