بابەت ل ڤێرە ناراوەستیت
بابەت ل ڤێرە ب دووماهی ناهێت؛ کەرکووک نە ئەڤرۆ هاتیە فرۆتن، بەلکو فرۆتنا وێ ڤەدگەریت بۆ خیانەتا ١٦ێ ئۆکتۆبەرا ٢٠١٧ێ. بەلێ ڤێ جارێ، تشتێ هاتیە کرن فرۆتنا دەنگدەرێن یەکێتیێ و بێ کەرامەتکرنا ئیرادەیا وان بوو.
ئەگەر بابەت تەنێ ل ڤێرە ڕاوەستیا با، مەترسی کێمتر بوو، بەلێ یا ئاشکرایە کو ئەڤە پشکەکە ژ پیلانەکا مەزن بۆ ئارمانجگرتنا پرۆژەیێ نەتەوەیی یێ کوردستانێ. یەکێتیێ پشتی ل ١٦ێ ئۆکتۆبەرا سالا ٢٠١٧ێ تاران و بەغدا ژ خوە ڕازی کرین، ل ١٦ێ نیسانێ ٢٠٢٦ێ ئەنقەرە ژی ئینا ناڤ پیلانا خوە دا.
د ئایندەیەکێ نێزیک دا دێ بینن کا چەوا بافل دێ چیتە ترکیێ و دێ بیتە پشکەک ژ پرۆژەیێ (ئۆجەلان – باخچەلی) و هەلگرتنا دروشمێن وەک “برایەتییا گەلان” و “نەتەوا دیموکراتیک”. بێگۆمان ئەڤ هەموو ب دەستخوەشیا هەر چار پایتەختێن داگیرکەرێن کوردستانێ دهێتە کرن، چونکی خەونا وان ئەوە کو تشتەک ب ناڤێ کێشا نەتەوەیی یا کوردستانێ نەمینیت.
ئەو (بافل و حزبا خوە) د ئامادەنە دەستێ خوە بکەنە د ناڤ دەستێ هەر دوژمنەکی دا، بتنێ داکو پارتییا دیموکراتا کوردستانێ نەمینیت. ئەڤە ئارمانجا مێژوویی یا باب و باپیرێن وان بوویە و ئەو ژی یێ ل سەر وێ رێ و ئارمانجێ دبەردەوامن.
ژ فێسبۆکا: فەرەج ميرزا
