ئیرۆ د ڕۆژا جیهانی یا ژینگەهێ دا، سلاڤ و رێزێن خور پێشكێشی هەموو ژینگەهپارێز، رێكخستن و ئالی یێن پەیوەندیدار یێن هەرێما کوردستانێ دکەم، یێن كو ب ئاوایەكی دلسۆزانە ژ بۆ پاراستنا خوەزا و ژینگەها جوان یا وەڵاتێ مە کار دکەن.
پاراستنا ژینگەهێ و بەرهەنگاربوونا کارتێکرنێن گوهۆڕینا سەقایی (ئاووهەوای)، ب تنێ ئەرکەکێ حکومی نینە، لێ بەلێ ئەو بەرپرسیاریەتییەکا مەزن یا نشتیمانی و مرۆڤی یا هەڤپشکە. ئەرکێ مە هەموویانە د ناڤەندێن پەروەردەیی، خێزان، مەدیا و سازیان دا، پێکڤە ژ بۆ بەڵاڤکرنا ڕەوشەنبیریا ژینگەهپارێزیێ و کێمکرنا مەترسیێن ل سەر خوەزایێ وەڵاتێ مە کار بکەین .
ئەم دوپات دکەین کو هەرێما کوردستانێ وەک هەر دەم پابەندە ب هەڤکاری و کارێ هەڤپشک دگەل حکومەتا عیراقا فەدەرال و جڤاکا ناڤدەولەتی، بۆ گرتنەبەریا ڕێکارێن پێدڤی ژ پێخەمەت پاراستنا ژێدەرێن سروشتی و دابینکرنا ژینگەهەکا ساخلەم و پاشەڕۆژەکا باشتر بۆ نەوەیێن مە یێن پاشەرۆژێ.
ڕۆژا جیهانی یا ژینگەهێ ل هەموویان پیرۆز بە.
نێچیرڤان بارزانی
سەرۆکێ هەرێما کوردستانێ
٢٠٢٦/٦/٥
ڕاگەهاندنا ڕۆژا جیهانی یا ژینگەهێ ل سالا ١٩٧٢ێ، وەک بەرسڤەک بۆ زێدەبوون و پیسبوونا ژینگەهێ ل سەر ئاستێ جیهانێ، ڕشتنا پەترۆلێ و تێکچوونا بارودۆخێ ژینگەهێ.
ڕێکخراوا نەتەوەیێن ئێکگرتی د کۆنفرانسا ستۆکهۆلمێ دەا ئەڤ ڕۆژە وەک ڕۆژا جیهانی یا ژینگەهێ پەسند کر.
مەبەستا سەرەکی یا ڤێ ڕۆژێ؛ بلندکرنا ئاستێ هشیاریێ ل سەرانسەری جیهانێ، هاندانا بریارێن سیاسی و پالدانا جڤاکانە بەرەو پاراستنا گەڕەستێرکا مە.
