بۆ ڕێزدار: نێچیرڤان بارزانی، سەرۆکێ هەرێما کوردستانێ
ب هەلکەفتنا بەخشینا بلندترین مەدالیایا ڕێزلێنانێ یا دەولەتا ئیتالیایێ (مەدالیایا ستێرا ئیتالیایێ – ئاستێ سوارچاکێ خاچا مەزن) بۆ جەنابێ هەوە، ئەم ل سەر ناڤێ دەستەیا ڕێڤەبەر و کارمەندێن مالپەرێ “سبەهی”، گەرمترین و جوانترین پیرۆزباهییان ئاڕاستەی جەنابێ هەوە دکەین. ئەڤ شانازییا مەزن پیرۆز بە و هیڤیا سەرکەفتنا بەردوام بۆ پەیاما ئاشتیخوازییا جەنابێ وە و هەرێما کوردستانێ دخوازین.
ئەڤ ڕێزلێنانا د ڤی ئاستێ بلند دا، سەلماندنا وێ چەندێ یە کو جەنابێ هەوە د درێژاهییا سالێن بۆری دا، خودان ڕۆلەکێ کارا و کاریگەر بووینە د خورتکرن و مۆکمکرنا تێکەلییێن دێپلۆماسی و دۆستانە د ناڤبەرا هەرێما کوردستانێ و جیهانا دەرڤە دا، ب تایبەت دگەل دەولەتا ئیتالیایێ. ئەڤە شانازییەکا مەزنە بۆ گەلێ کوردستانێ و نیشانا حیکمەت و داهێنانێ یە د سیاسەتا هەوە یا حەکیمانە دا ژ بۆ گەشکرنا تکەلییێن ناڤدەولەتی و پشتبەستن ب زمانێ دیالۆگێ و چەسپاندنا پرەنسیپێن پێکڤەژیانێ و ئاشتییێ بۆ ئاڤاکرنا پڕێن هەڤکاری و ئاشتیێ ل دەڤەرێ.
وەرگرتنا ڤێ مەدالیایا ل ئاستێ هەری بلند کو ژ ئالییێ سەرۆکۆمارێ ئیتالیایێ ڤە هاتیە بەخشین دەستکەفتەکێ دپلۆماسی یێ مەزنە و ژ بۆ هەموو گەلێ کوردستانێ جهێ شانازیێ یە.
ژ خودایێ مەزن دخوازین جەنابێ هەوە هەرتم سەرکەفتی و ساخلەم بن بۆ پتر خزمەتکرنا دۆزا ڕەوا یا گەلێ مە و پاراستنا دەستکەفتێن هەرێما کوردستانێ.
دوبارە پیرۆز بە، هەر شاد و سەرفراز بن.
مالپەرێ سبەهی
