بارزانی: ئەم ب هەموو شیانەکێ پشتەڤانیێ ل د. فواد حسێن دکن

سه‌رۆک مه‌سعود بارزانی په‌یامه‌ک بۆ پشته‌ڤانیا ل فواد حسێن بۆ بده‌ستخستنا پۆستا سه‌رۆکۆماریا عیراقێ به‌لاڤ کر و ئەڤ لئ ژێرناڤه‌رۆکا په‌یاما سه‌رۆک بارزانی: ب ناڤێ خوه‌دایێ مه‌زن و دلۆڤان د ده‌ربارێ دیارکرنا کاندیدێ پارتیا ده‌مۆکراتا کوردستانێ ژ بۆ پۆستا سه‌رۆکۆماریا عیراقێ، مه‌ پێ باش بوو کو ئالیێن کوردستانی پێکڤه‌ ل سه‌ر یه‌ک که‌سی ڕێکه‌ڤتبان، لێ به‌لێ مخابن ئه‌ڤ یه‌ک پێک نه‌هات. ژ بۆ یه‌کئالیکرنا ڤێ بابه‌تێ ژی پۆلیتبۆرویا پدکێ ئه‌ز سه‌رپشک کرم، کو که‌سه‌کی دیار بکم ژ بۆ کاندیدبوونا پۆستا سه‌رۆکۆماریێ. ب سه‌ده‌ما شیان و ژێهاتیبوونا وی، من ب باش زانی کو برێز د. فواد حسێن ژ بۆ وێ پۆستێ کاندید بکم.د. فواد حسێن چ د قۆناغێن شۆره‌شا ئه‌یلوول ده‌ و چ ژی د سه‌رۆکایه‌تیکرنا دیوانا سه‌رۆکایه‌تیا هه‌رێما کوردستانێ و قۆناغێن دن یێن ژیانا خوه‌ ده‌ که‌سه‌کی دلسۆز و ده‌ستپاک بوویه‌ و من باوه‌ریه‌که‌ ته‌مام ب شیانێن وی هه‌یه‌ و قه‌ناعه‌تا من ژی هه‌یه‌، کو دێ ئه‌رکێن خوه‌ ب باشی پێک بینه‌ و د پۆستا سه‌رۆکایه‌تیا کۆمار ده‌ هەم ژ بۆ گه‌لێ کوردستانێ و هەم ژ بۆ عیراقێ و پێکهاته‌یێن عیراقێ که‌سه‌کی ب سوود و خه‌مخۆر دبه‌.ئه‌م ب هه‌موو شیانه‌کێ پشته‌ڤانیێ ل د. فواد حسێن دکن و هێڤیا سه‌رکه‌ڤتنێ ژ بۆ وی دخوازین.