دڤێ گەل ب دەنگێن خوە پارێزەرێن دەولەتبوونێ خەلات بكە
پرۆسه‌سا ده‌نگدانا هلبژارتنێن کوردستانێ ده‌ستپێکر. ئه‌ڤ هلبژارتن گه‌له‌کی گرینگن و کوردستانێ به‌ر ب پێڤاژۆیه‌ک ژ هه‌می ده‌می جودا تر ڤه دبه. سه‌ده‌مێن کو ڤان هلبژارتنا گرینگ دکن ئه‌وه کو قۆناخا ژ سالا 2016 هه‌تا وه‌ک ئیرۆ کوردستان تێره ده‌رباس بوویی یه..ژ ده‌ما ئێریشێن داعیشێ، کوردستانێ به‌رخوه‌دانه‌ک مه‌زن کر و ب هه‌موو ئاوایی خاکا کوردستانێ ژ ئالیێ پێشمه‌رگه‌ڤه هاته پاراستن. جاردن کۆچبه‌ری، شه‌ر و کریزێن ئێکۆنۆمیک ته‌نگیه‌ک مه‌زن بوو به‌هرا کوردا و ب سه‌دهه‌زاران په‌نابه‌ران به‌رێ خوه دا کوردستانێ. پشتی شکه‌ستنا داعیشێ قۆناغەک دن ژ بۆ کوردستانێ ده‌ستپێکر.حوکومه‌تا به‌غدایێ ل همبه‌ر کوردستانێ که‌ته د ناڤا شه‌ره‌ک یێ تێکبرێنێ ده. د ڤێ قۆناغێ ده کوردستان به‌ر ب ڕه‌فه‌راندوما سه‌رخوه‌بوونا کوردستانێ ڤه چوو. ده‌وله‌تێن هه‌رێمی هه‌موویان ل همبه‌ر کوردا پشگریه‌ک مه‌زن دا حوکومه‌تا به‌غدایێ و به‌غدایێ هه‌ولدا جاردن کوردستانێ داگیر بکه.هێزێن ملیسێن شیعه ل گه‌ل هێزێن پاسدارێن ئیرانێ و ئارتێشا عیراقێ ئێریشێ کوردستانێ کرن. هنده‌ک ئالیێن سیاسی یێن کوردا خیانه‌تا 16 ئۆکتۆبه‌رێ کرن و ل ته‌نشتا دژمن سه‌کنین. د ڤێ پێڤاژۆیێ ده پێشمه‌رگه‌یێن پارتیا ده‌مۆکراتا کوردستانێ ب به‌رخوه‌دانه‌ک مه‌زن کوردستان پاراستن و نه‌هشتن نه هێزێن داگیرکه‌ر و نه ژی خیانه‌ت بگهه ئارمانجا خوه.پشتی ئێریشێن ل سه‌ر کوردستانێ، ده‌وله‌تێن هه‌رێمی دۆرپێچه‌ک دانین سەر کوردستانێ، جهانێ ژی د وارێ سیاسی ده پشتا خوه دا کوردستانێ. لێ خوراگریا گه‌لێ کوردستانێ و دپلۆماسیا سه‌رکه‌فتی یا سه‌رۆکوه‌زیرێ کوردستانێ، کاری هێدی -هێدی ڤێ دۆرپێچێ بشکینه و جاردن ل جیهانێ ژ خه‌له‌تیا کری ڤه‌گه‌رینه.کوردستان د ڤێ پێڤاژۆیا زیز ده دچه سه‌ر سه‌ندۆقا. نها کورد دکارن چه‌وا د هلبژارتنێن پارله‌مه‌نتۆیا عیراقێ ده دایین نیشاندان، د ڤان هلبژارتنان ده ژی ڕاستی و خه‌له‌تیێ ژ هه‌ڤ بدن ئالیه‌کی. ل کوردستانا باشوور خه‌ته‌ک گه‌له‌ک زیز و ته‌نک د ناڤبه‌را خیانه‌تێ و نشتمانپه‌روه‌ریێ ده هه‌یه. ئه‌ڤ خه‌تا هانێ ب ئاوایه‌ک پێویست نایێ دیتن. یان ژی ب ئاوایه‌ک پێوست ژ خه‌لکێ ڕه نایێ زەلال کرن. هه‌روه‌ها به‌لکی ده‌زگه‌هێن مه‌دیایێ ژی د ڤێ ده‌ربارێ ده به‌رپرسیاریا خوه بجھ نائینن.د ده‌ما داگیرکرنا که‌رکووکێ ده، دۆسته‌ک من کو چ پێوه‌ندی ب سیاسه‌تێره نینه د گۆتوبێژه‌ک یا مه ده گۆت: ئه‌و خه‌لکێ ژ خیانه‌تێره ب چه‌پکا دده نابێ جهێ باوه‌ریێ.ڕاستی ئه‌ڤ گۆتن گه‌له‌ک ل من خه‌ریب هاتبوو. لێ پشتره من دیت کو ل هنه‌ک ده‌ڤه‌رێن کوردستانێ مخابن خیانه‌ت نایێ دیتن.ئه‌گه‌ر د جڤاته‌کی ده ئالیێن خیانه‌ت کرین بکاربن وێ خیانه‌تێ بپارێزن و ده‌رکه‌ڤین همبه‌ر گه‌ل و باخێڤن د جڤاتێ ده خه‌له‌تیه‌ک هه‌یه.ژ بۆ ڤێ یه‌کێ د ڤان هلبژارتنان ده ئه‌گه‌ر ئالیێن کوردستانی و یێن به‌حسا پێشه‌رۆژ و سه‌رخوه‌بوونا کوردستانێ دکن سه‌ربکه‌ڤن دێ پێشه‌رۆژه‌ک ب هێڤی ژ بۆ کوردستانێ بێته ده‌ستپێکرن.ب ئاوایه‌ک دن ل باشوورێ کوردستانێ د ڤان هلبژارتنا ده گه‌لێ کوردستانێ چاره‌سنووسێ خوه دیار دکه.پێوسته خیانه‌ت د ڤان هلبژارتنان ده بێ جه‌زا کرن. هه‌روه‌ها دڤێ ب ده‌نگێ خوه گه‌ل ئالیێن کو ده‌وله‌تبوونێ دپارێزن خه‌لات بکه.28.09.2018دارا بیله‌ک
