د ڤه‌کشاندنا ئه‌مرکایێ دا پەكەكێ /پەیەدێ ڕۆله‌ک به‌ربچاڤ ھەبوو
ئەمریكا بریارا ڤه‌کشاندنا هێزێن خوه ژ سوریێ دا و ده‌ستپێکر کو هێزێن خوه ژ ده‌ڤه‌رێ ده‌ربێخه. ل گۆر داخوویانیان هه‌تا ۳ مه‌هان ڤه‌کشاندنا ئەمریكایێ ژ سوریه تمام دبه.
د ڕاستیا خوه دا د ڤه‌کشاندنا ئه‌مرکایێ دا هه‌لوه‌ستا پەكەكێ /پەیەدێ ڕۆله‌ک به‌ربچاڤ له‌یزت. ئەمریكا دخوه‌ست کو ناڤبه‌را هێزێن پێشمه‌گه‌یێن ڕۆژ و یەپەگێ دا هه‌ماهه‌نگیه‌ک چێ ببە و هه‌ولدا ڤان هه‌ردو هێزان د جهه‌کی دا بگەهینە هه‌ڤ. ژ بۆ ڤێ یه‌کێ ژی ئەمریكا ب جدی خه‌بات کر، د ئه‌نجام دا بریار دان کو هێزه‌ک یا پێشمه‌رگه‌یێن ڕۆژ ده‌رباسی ڕۆژاڤایێ کوردستانێ ببه و ل گه‌ل یەپەگێ هه‌ڤدیتنا بکن دا کو بگهن ئه‌نجامه‌کی.
لێ مخابن د هه‌ڤدیتنان دا یەپەگێ داخواز کر کو پێشمه‌رگه‌یێن ڕۆژ ئالا کوردستانێ و ڕه‌مزا پێشمه‌رگه‌یێن ڕۆژ ل سه‌ر جل و به‌رگێن خوه یێن له‌شکه‌ری ڕاکن. و ئارمێن حەسەدێ بكار بینن. لێ پێشمه‌رگه‌یێن ڕۆژ ئه‌ڤ یه‌ک قه‌بوول نه‌کر و د ئه‌نجام دا ڤه‌گه‌ریان باشوورێ کوردستانێ. ئه‌ڤ هه‌موو د بن چاڤده‌ریا ئەمریکایێ دا چێبوو.
بێ گومان سه‌ده‌ما کو پەیەدە ناخوازه پێشمه‌رگه‌یێن ڕۆژ ڤه‌گه‌رە کوردستانا ڕۆژاڤا ئاشكرایە، ئه‌و د ڕاستیێ دا ھەبوونا پێشمه‌رگه‌یێن ڕۆژ ل ده‌ڤه‌رێ، بنەمانا خوه دبینە و دزانە.
به‌رپرسێن ئەمریکی گه‌له‌ک جارا دانه خوویاکرن کو پێوه‌ندیا وان د گه‌ل حەسەدێ ته‌کتیکیه و ب تێنێ ژ بۆ شه‌رێ ل دژێ داعیشێ ل گه‌ل وان پێوه‌ندی ھەنە. لێ مخابن پەیەدێ نه‌خوه‌ست ڤێ یه‌کێ ببینه و هه‌ر سیاسه‌تا خوه یا خوه‌مالی کو گرێدایێ پەكەكێ یە به‌رده‌وام کر. ئارمانجه‌کا دن یا سه‌ره‌کی یا ئەمریکا ئه‌و بوو کو، پەیەدە ژ پەكەكێ جودا بکه ، لێ پەیەدێ ب ئیسرار ل دژی ڤێ ده‌رکه‌ت و نه‌خوه‌ست ڤێ داخوازیا ئه‌مریکایێ بجھ بینە. ئه‌گه‌ر پەیەدێ ئه‌ڤ یه‌ک بکرا و ل گه‌ل ئالیێن دن یێن کوردستانێ هه‌ڤکاری بكرا دا ب ئاوایه‌کی مافێ کوردا ل ڕۆژاڤایێ کوردستانێ مسۆگه‌ر ببوویا.
لێ ئه‌شکه‌ره بوو کو ئارمانجا پەكەكێ /پەیەدێ ل سوریێ و ڕۆژاڤایێ کوردستانێ نه مسۆگه‌رکرنا مافێ کوردایه.
ژ به‌ری نها ته‌جرووبا عه‌فرنێ چێبوو. ده‌ما ترکیێ ئێریشی عه‌فرینێ کر، هه‌لوه‌ستا ڕوسیا و ئه‌مریکا خوویا بوو، حەسەدێ هه‌وارا خوه گهاندە ڕژێما سوریێ لێ وان ژی به‌رسڤا حەسەدێ نه‌دا. د ئه‌نجام ده کاراساتا عه‌فرینێ چێبوو.
نها ژی هه‌مان خه‌ته‌ر ژ بۆ هنده‌ک ده‌ڤه‌رێن کوردستانا ڕۆژاڤا هه‌یه. لێ پرسه‌ک دن هه‌یه کو دڤێ وه‌ک جۆگرافیا هه‌رێما کوردستانا ڕۆژاڤا و ڕۆژهلاتێ فراتێ ژ هه‌ڤ بێن جودا کرن. ڕۆژهلاتێ فراتێ نه کوردستانه. پاراستنا وێ ده‌ڤه‌رێ نه کارێ کوردایه. ژ خوه ب هه‌زاران جوانێن کورد ل ڤان ده‌ڤه‌ران ژ بۆ داخوازیا ئالیێن دن هاتن شه‌هید کرن.
نها ژی پەكەكە/پەیەدە ل سه‌رێ خوه سوار بوونە ، هه‌موو پێشنیارێن ئه‌مریکا ڕه‌د کرن، ئه‌مریکا بریار دا . ڤه‌دکشه. نها ڕێ ل به‌ر ئێریشا ترکیێ ھێسانتر بوو. حەسەدە نکاره ڕۆژهلاتێ فراتێ بپارێزه. دێ جاردن ھەوارا خوه بگەھینە رژێما سوریێ، رژێم ژی د هه‌وارا وان نایێ. ژ به‌ر کو ترکیا ژ ئه‌نجاما تفاقا د گه‌ل ئه‌مریکایی ڤێ ئێریشێ دکه. ڕوسیا و ڕژێما سوریێ ژی ب ئاوایه‌کی د گه‌ل ترکیێ د ناڤا پێوه‌ندیان دا نه.
نها ژی ئالیگرێن پەكەكێ ێ داخوویانیا ددەن ودبێژن، ئەمریکا خیانه‌ت کر و خه‌نجه‌ر ل پشتا مه خستن. لێ ئه‌گه‌ر بریارا ئەمریکا یا پێشمه‌رگه‌یێن ڕۆژ بهاتا په‌ژراندن و یەپەگێ قەبوول بكرایە پێشمەگەیێن ڕۆژ ڤەگەرن رۆژئاڤا ، دێ ئیرۆ به‌حسا ڕه‌وشه‌ک دن بهاتا کرن.
شه‌ڤا تاری ژ ئێڤاری کفشه…
نووچه /ئانالیز
ن. فرات
