ھەلوەستا سەرۆك بارزانی ل ھەمبەر بریارا دادگەھا كەركووكێ

سه‌رۆک مه‌سعود بارزانی ب په‌یامه‌کێ هه‌لوه‌ستا خوه‌ ل هه‌مبه‌ر بریارا دادگه‌ها که‌رکووکێ یا گرتن و جه‌زاکرنا ڕێبوار تاله‌بانی سه‌رۆکێ جڤاتا ویلایه‌تا که‌ركووکێ ڕادگه‌هینه‌ و دبێژه‌ کو ئه‌و بریار، بریاره‌که‌ سیاسی یه‌ و وێ بریارێ تو په‌یوه‌ندی ب دادوه‌ریێ و قانوونێ ڤه‌ نینه‌.

سه‌رۆک بارزانی د په‌یاما خوه‌ ده‌ دبێژه‌ کو ڕێبوار تاله‌بانی ل دژی بنپێکرنا ده‌ستوورا عیراقێ و شکاندنا قانوونێ ڕاوه‌ستایه‌ و به‌رژه‌وه‌ندیێن هه‌موو پێکهاته‌یێن باژارێ که‌رکووکێ پاراستنه‌.

بارزانی داخوازێ ژ سازیێن حکومه‌تا عیراقا فه‌ده‌رال دکه‌ کو سینۆره‌کی ژ بۆ بریارێن ب ڤی ئاوایی ده‌ینن ژ به‌رکو ئه‌و بریار دبنه‌ سه‌ده‌ما چێکرن و کوورترکرنا پرسگرێکان.

تەکستا په‌یاما سه‌رۆک بارزانی:

دادگه‌ها که‌رکووکێ بریار دا کو ڕێبوار تاله‌بانی سه‌رۆکێ جڤاتا پارێزگه‌ها که‌کووکێ بگره‌ و جه‌زا بکه‌، ئه‌ڤ بریار ب ته‌ڤاهی بریاره‌که‌ سیاسی یه‌ و په‌یوه‌ندی ب پرسا دادوه‌ری و یاسایێ ڤه‌ نینه‌.

ڕێبوار تاله‌بانی ل دژی بنپێکرنا ده‌ستوور و یاسایێ ڕاوه‌ستایه‌ و وه‌کی سه‌رۆکێ جڤاتا پارێزگه‌ها که‌رکووکێ به‌ره‌ڤانی ژ به‌رژه‌وه‌ندیێن پێکهاتەیێن باژارێ که‌رکووکێ کریه‌.

بریارێن ب ڤی ئاوایی ب چ ئاوایان خزمه‌ت ب ڕه‌وشا سیاسی و چاره‌سه‌ریا پرسگرێکان ناکه‌ و پرسگرێک و گرفتان کوورتر دکه‌.

هه‌ر ژ بۆ وێ یه‌کێ، ئه‌ز داخوازێ ژ سازی و ده‌زگه‌هێن فه‌ده‌رال و ئالیێن په‌یوه‌ندیدار و حکومه‌تا فه‌ده‌رال دکم کو سینۆره‌ک ژ بۆ ڤان جوره‌ بریاران ده‌ینن کو سیاسینه‌ و خزمه‌تا به‌رژه‌وه‌ندیا عیراق و پرسگرێکا که‌رکووکێ ناکه‌.

مه‌سعود بارزانی
26.12.2018