بارزانی: فرانسا دۆستەك مەزن یێ گەلێ كوردستانێ یە
ڕۆژا سێشه‌م 15.01.2019 ل سه‌لاحه‌ددین سه‌رۆک مه‌سعود بارزانی پێشوازیا ژان- ئیف لودریان وه‌زیرێ ده‌رڤه یێ فەرانسایێ کر.
د هه‌ڤدیتنێ ده وه‌زیرێ ده‌رڤه‌یێ فرانسا كێفخوەشیا خوه ژ بۆ هه‌ڤدیتنا د گه‌ل سه‌رۆک بارزانی نشان دا قووربانیدانا گه‌لێ کوردستانێ ل شه‌رێ دژی ته‌رۆریستێن داعیش دانە بلند نرخاندن و ته‌که‌ز ل وێ یه‌کێ ژی کر کو پێویسته ڕێز ل پێکهاتێن ده‌وله‌تا عیراقێ و ب تایبه‌تی ڕێز ل هه‌رێما کوردستانێ و پێگهھ و باندۆرێن وێ بگرتن.
وه‌زیرێ ده‌رڤه‌یێ فرانسایێ ڕاگەهاند کو وه‌لاتێ وی پشته‌ڤانێ گه‌لێ کوردستانێ دمینه و هه‌ڤکاریا سیاسی، سه‌ربازی، په‌یوه‌ندیێن چاندی و ئابۆریێن خوه یێن ل گه‌ل کوردستانێ پێش بخن.
سه‌رۆک بارزانی ب گه‌رمی ب خێرهاتنا وه‌زیرێ ده‌رڤه‌یێ فرانسایێ کر و سپاسیا گه‌ل و سه‌رۆک و حکومه‌تا فرانسا و شه‌خسێ وه‌زیرێ ده‌رڤه‌یێ فرانسایێ کر کو دۆست و پشته‌ڤانێ گه‌لێ کوردستانێ بوونه و بالکشاند ل سه‌ر سه‌ردانا سه‌رۆک هۆڵاند یا کوردستانێ کو ل ده‌مێن ته‌نگ دا سه‌ردانا کوردستانێ کر وگوت: فرانسا دۆسته‌کی مه‌زنێ گه‌لێ کوردستانه. د ده‌ربارێ په‌یوه‌ندیێن هه‌رێما کوردستان و فرانسا سه‌رۆک بارزانی ڕاگەهاند کو هیچ سینۆره‌ک ژ بۆ دۆستایه‌تی و په‌یوه‌ندیا د ناڤبه‌را گه‌لێ کوردستانێ و گه‌لێ فرانسایێ دا نینە.
د ده‌ربارێ چاره‌نڤیسا گه‌لێ کورد ل رۆژاڤایێ كوردستانێ هه‌ر دوو ئالیان ل ھەمبەر وێ رەوشا ھەیە دلگرانیا خوه نیشاندان و تەكید كرن كو پێشهات و گووهه‌رتنێن ل رۆژاڤایێ كوردستانێ و ل سوریێ چێ دبن، چێنابە ببن سه‌ده‌ما وێ یه‌کێ کو گه‌لێ کورد و هه‌موه‌لاتیێن کورد ل سووریێ باجا وێ بدن.
سەرۆك بارزانی نێرین و پێشنیارێن خوه ژبۆ چاره‌سه‌رکرنا گرفتان ل رۆژاڤایێ كوردستانێ ژ بۆ وه‌زیرێ ده‌رڤه‌یێ فرانسایێ بەر چاڤ كرن.
