ئوجەلان گۆم شلقاند و تەڤلی ھەڤی چێ كر
پارێزەرێن سەرۆكێ زیندانیكریێ پارتیا كاركەرێن كوردستانێ (پەكەكە) 18ێ ڤێ مەھێ سەردانا ئیمرالیێ كرن و ھەڤدیتن دگەل عەبدولا ئوجەلان سەرۆكێ پەكەكێ پێكئینا و ئوجەلان پەیامەك تەسلیمی پارێزەورێن خوە كر كو دیتن و ھەلوەساتا خوە ل ھەمبەر پێڤاژۆ و رەوشا تركیێ و باكورێ كوردستانێ دیار كربوون.
لێ پشتی پارێزەرێن ئوجەلان ڤەرگەریان ناڤەرۆكا وێ پەیامێ، ناڤەرۆنا نامەیا ئوجەلان ئاشكەرا نەكرن و ژ رایا گشتی را ڤەشارت.
تێ گۆتن كو ل سەر داخوازا ھەدەپێ ناڤەرۆكا نامەیا ئوجەلان ھات ڤەشارتن ژبەركو د نامەیێ دا ئوجەلان داخواز ژئھەدەڤێ كربو د ھلبژارتنێن ستەنبولێ دا ھەدەپە بێ ئالی ببە.
لێ بەلێ پشتی د. عەلی که‌مال ئوزجان ناڤەرۆکا هه‌ڤدێتنا خوه یا دگەل ئۆجالان ل ئیمرالیێ ئاشکه‌ره کر ، پارێزه‌رێن ئۆجەلان مه‌جبوور مان ناڤه‌رۆکا په‌یا ئۆجەلان بگەهینن ڕایا گشتی.
تشتێ گەلەك بالكێش كو جھێ پرسیارێ یە، ئەڤەیە؛ گەلۆ د. عەلی که‌مال ئوزجان چەوا چویە ئیمرالی و كێ ئەو شاندیە وێرێ؟ د. عەلی که‌مال ئوزجان كیە و چەوا ئوجەلان ناس دكە؟ چما پارێزەران ناڤەرۆكا نامەیا ئوجەلان ژ رایا گشتی را ڤەشارت و د. عەلی که‌مال ئوزجان ناڤەرۆكا نامەیێ ئاشكەرا كر؟
ئەو پرسیار ژ د. عەلی که‌مال ئوزجان ھات كرن كا گەلۆ كێ ئەو شاندیە ئیمرالیێ، وی د بەرسڤا خوە دا گوت: ھەرن ڤێ پرسیارێ ژ ئیستخباراتا تركیێ بكن.
د. عەلی که‌مال ئوزجان وەكە زەلامێ میتێ (مخابراتا تركیێ) تێ ناسركن و تێكەلیێن وی یێن ب ئوجەلان را ڤەدگەرن ژبۆ سەردەما كو ئوجەلان ل دەشتا بیقاعێ ل لوبنانێ بوو. كورێ وی، گران ئوزجان، نوونەرێ ھەدەپێ یە ل ئەمریكایێ. ئەو بخوە عەلەویە و خەلكێ دێرسمێ یە و نھا وەكە سەرۆكێ بەشێ جڤاكناسیێ ل زانینگەھا ئۆزمورێ ل دێرسمێ كار دكە.
ئۆجەلان د ده‌ربارێ هلبژارتنێن ستانبولێ دا داخواز کریه کو ھەدەپە پشتگریا جەھەپێ نه‌که و د هلبژارتنان ده بێ ته‌ره‌ف بمینه. لێ پارێزه‌رێن ئۆجالان ئه‌ڤ په‌یام ئه‌شکه‌ره نه‌کرنه. ئۆجەلان گه‌له‌ک ڤه‌کری دبێژه کو، نه ئالیکاریا به‌ربژێرێ تفاقا جومهور و نه ژی ئالیکاریا به‌ربژێرێ تفاقا مله‌ت بکن. ڕێیا سێیه‌م هلبژێرن و بێ ئالی بمینن.
د. عەلی که‌مال ئوزجان دەما ژ ئیمرالیێ ڤەگەریا وی ئورژینالا نامەیا ئوجەلان ژ رایا گشتی را ئاشكەرا كر، نامە ب دەستخەتێ ئوجەلان ھاتیە نڤیسین و ئیمزا ئوجەلان ل بنێ نامەیێ یە، ژبەرھندێ ھەدەپە نەچار بوو ب رێیا پارێزەرێن ئوجەلان، نامەیێ ئاشكەرا بكن.
بێ گۆمان ئه‌گه‌ر ده‌نگده‌رێن هەدەپێ بێ ئالی بمینن به‌ربژێرێ ئاکەپێ بنئالی یلدرم سه‌ردکه‌ڤه. لێ پرس ئه‌وه کو ؛ ژ بۆ چ پارێزه‌رێن ئۆجالان پشتی هه‌ڤدیتنێ وه‌ک جاران داخوویانی نه‌دان؟ ئاشکه‌ره‌یە كو قه‌ندل نه‌دخوه‌ست په‌یاما ئۆجالن بگهھە ڕایا گشتی.
ڤێ نامەیا ئوجەلان گۆم شلقاند و تەڤلی ھەڤی چێ كر و پەكەكە ب سەر دو بەرەیان دا ھاتینە دابەش كرن، بەرەیێ ئوجەلان دخوازن د ھلبژارتنێن ستەنبولێ دا بێ تەرەف بن و بەرەیێ سەلاھەدین دەمیرتاش دخوازن دەنگ ب بەربژێرێ جەھەپێ بدن. ئەڤ ژی ناكۆكیێن ناڤا پەكەكێ كوورتر دكە.
نھا دێ ھەدەپە چ بكە؟ سبەھی رۆژا یەكشەمێ 2019.06.23 دیار دبە.
ن ھ
2019.06.22
