رەخنەگرتن ب مەژیێ ژەنگی
سه‌ردانا سه‌رۆکێ هه‌رێما کوردستانێ بۆ ترکیێ ژ ئالیێ هنده‌ک که‌سان ڤه تێ ڕه‌خنه کرن. بێ گومان هه‌ر بوویه‌ره‌ک ب ئاوایه‌ک جودا تێ نرخاندن و ژ ئالیه‌ک دن ڤه مافێ هه‌رکه‌سه‌کیه کو سه‌ردانا سه‌رۆکێ هه‌رێما کوردستانێ ل گۆرا دلێ خوه و به‌رژه‌وه‌ندیێن خوه بنرخینه.
پشتی سه‌ردانا نێچیرڤان بارزانی یا بۆ ترکیێ، گه‌له‌ک ئەکاده‌مسیه‌ن، ڕه‌وشه‌نبیرو سیاسه‌تمه‌دارا ئه‌ڤ سه‌ردان شرۆڤه کر و به‌حسا باشیێن وێ سەردانێ کرن. ب ئاوایه‌ک زانستی ل سه‌ر ڤێ سه‌ردانێ سه‌کنین و به‌حسا پێوستیا وێ سه‌ردانێ کرن.
لێ هنده‌ک پەکەكلی یێن شەرموك کو، نکارن پشتگریا خوه یا پەکەکێ ڤه‌کری ئاشکه‌ره بکن، ب ئاوایه‌ک دن، ب زمانێ پەکەکێ سه‌ردانا سه‌رۆکێ هه‌رێما كوردستانێ نرخاندن و ل گۆرا ڤێ یه‌کێ ژی ڕه‌خنه کرن. د بنگه‌هێ خوه ده، ئارمانجا وان نه ڕه‌خنه‌یه و چ بهایێ جوره‌یێ ڕه‌خنه‌یا وان ژی نینە. ئه‌و ل گۆرا سیاسه‌تا پەکەکێ ته‌ڤدگه‌رن و ژ به‌ر به‌رژه‌وه‌ندیێن خوه یێن شەخسی شه‌رمێ ژ خوه دکن کو ڤه‌کری بێژن “ئه‌م هه‌ڤالبه‌ندێن پەکەکێ نه”. لێ ب زمانێ پەکەکێ بوویه‌ران و تایبه‌تی بوویه‌رێن گرێدایی باشوورێ کوردستانێ شرۆڤه دکن.
سیاسه‌تا پەکەکێ ئاشکه‌ره‌یه، ل دژی ده‌ستکه‌فتیێن نه‌ته‌وی یە و گه‌له‌ک ڤه‌کری دژمناتیا بارزانیان و خه‌تا نه‌ته‌وی یا کوردستانێ دکە. ئه‌ڤ یه‌ک تێ فام کرن، لێ ئه‌و که‌سایه‌تیێن قه‌لپ و ساختە کو ژ ئالیه‌کی خوه ل هەمبه‌ر سیاسه‌تا پەکەکێ ددن ناساندن و ده‌ما هه‌سابێ وان ژی بێ د په‌رسپه‌کتیفێن سیاسه‌تا پەکەکێ ڕه ڕه‌خنا دکن.
گه‌لۆ ئه‌ڤێن کو سه‌ردانا سه‌رۆکێ هه‌رێما کوردستانێ ڕه‌خنه دکن ژ بۆ چ به‌هسا ڕه‌ورشا سووندخوارنا سه‌رۆکێ هه‌رێما کوردستانێ ناکن؟ ترکیێ ب وه‌زیرێ خوه یێ ده‌رڤه د ڕه‌ورسمێ ده ئاماده بوو. ئه‌ڤ پشتگریه‌ک مه‌زن یا ترکیێ بوو. ژ ئالیه‌ک دن ڤه سه‌رۆکێ ترکیێ سه‌رۆکێ هه‌رێما کوردستانێ ڤه‌خواند ترکیێ و نێچیرڤان بارزانی ژی ب ئاوایه‌ک پێوست و فەرمی ئه‌ڤ سه‌ردان پێکانی.
پێوه‌ندیا ڤێ سه‌ردانێ ب هلبژارتنێن ستانبولێ ڕه نه بوو. لێ هنده‌ک مه‌ژییێن ژنگارگرتی یێن کو سه‌رکه‌فتانا به‌ربژێرێ جەهەپێ، ئی پارتیێ و هەدەپێ ئه‌کره‌م ئیمامۆگلو ژ به‌رژه‌وه‌ندیێن باشوورێ کوردستانێ گرینگتر دبینن دێ چ بێژن، ته‌نێ ژ بۆ خوه نیشان بدن گۆتنێن ڤالا سه‌رف دکن.
مخابن هه‌مان که‌س به‌حسا سیاسه‌تا پەکەکێ ل باشوورێ کوردستانێ ناکن، ژ به‌ر کو ژ پەکەکێ دترسن و به‌رژه‌وه‌ندیێن خوه ل سه‌ر هه‌رتشته‌کی ره دگرن ، ئەو دوروونه.
ل ڤێ ده‌رێ خاله‌ک گه‌له‌ک گرنگ هه‌یه کو، ڕۆل و بێ هه‌لوه‌ستیا هنده‌ک سیاسه‌تڤانێن باشوورێ کوردستانێ ژی د ڤێ هه‌لوه‌ستا شاش ونه دروست ده هه‌یه. هه‌تا ئه‌و ل ڕاستیا خوه بحه‌سن دێ ئه‌ڤ ڕه‌خنه‌یێن، نه د جھێ خوە دا، داوی وه‌رن. ژ به‌ر کو هه‌تا ڕاده‌یه‌کی سیاسه‌تمه‌دار و هنده‌ک ده‌زگه‌هێن باشوورێ کوردستانێ، هه‌تا یێن پەدەکێ ژی، ڕێ ل ڤان جوره‌یێن ڕه‌خنا ڤه‌دکن.
نووچه/ئەنالز
ڕۆژه‌ڤاکورد 2019.07.05
