لەیلا گۆڤەن و دژمناتیا باشوور و بارزانی
پارله‌مه‌نته‌را هەدەپێ و هه‌ڤسه‌رۆکا کۆنگره‌یا جڤاتا ده‌مۆکراتیک، له‌یلا گوڤه‌ن، د کۆنفه‌رانسه‌کێ دا ده‌ربارێ ئۆپه‌راسیۆنێن ترکیێ یێن ل باشوور ل هەمبه‌ر پارتیا كاركەرێن كوردستانێ (پەکەکێ) ئاخڤتنه‌ک کر. گوڤه‌ن د ڤێ ئاخافتنا خوه دا جاردن ئێریشێ پارتیا دەمۆكراتا كوردستانێ (پەدەكە) کر. گوڤه‌ن دبه‌ژه کو، گه‌ره‌ک بارزانی ڕێ نه‌دە ترکیا ل باشوور ئۆپه‌راسیۆنا بکە.
گوڤه‌ن د ئاخاڤتنا خوه ده دبێژه: “ل کوردستانا باشوور ئۆپه‌راسیۆنه‌ک قرێژ ده‌ستپێکریه. جاردن هه‌ولددن کو ده‌ستکه‌فتیێن کوردا ژ هۆلێ ڕاکن. نابە ئه‌و ئاخا پیرۆز ژ ترکیێ ڕا بێ ڤه‌کرن. مه‌سعود بارزانی گۆتبوو کو، ئەو براکوژیێ ناخوازن، ئه‌گه‌ر ناخوازه دڤێت ئاخا خوه ژ ترکیێ را ڤه‌نه‌کە. ئه‌ڤ ده‌ر نه ته‌نێ ئاخا پەدەکێ یه ئاخا ته‌ڤایا گه‌لێ کورده. ئاخا باشووره. چه‌وا کو ل ڕۆژاڤا ڕوحێ یه‌کتیێ ده‌رکه‌تی هۆلێ، دڤێ ل باشوور ژی ئه‌و ڕوح ده‌رکه‌ڤه هۆلێ. نابە ڕێ بدن ترکیێ بکه‌ڤه ناڤا ڤێ ئاخێ. ئه‌م ل هەمبه‌ر ڤێ یه‌کێ بێده‌نگ نامینن. چ جارا ڤێ یه‌کێ قه‌بوول ناکن. ئێریشا ل سه‌ر باشوور ئێریشا ل سه‌ر ئامه‌د و ڕحایێ یه”.
)له‌یلا گوڤه‌نه ئه‌و که‌سه کوژ بۆنا راكرنا تەجریدا ل سەر سەرۆكێ زیندانیێ پارتیا كاركەرێن كوردستانێ (پەكەكێ رابە، 7 مه‌ها د گره‌ڤا برچیبوونێ دا بوو، لێ یا كو جھێ پرسێ یە ئەو ژن د ناڤا وان 7 مەھان دا قه‌ت نه‌که‌ت و هه‌ر ته‌ندورستیا وێ ل جھ بوو. د ڤان هه‌فت مه‌هان ده ل سه‌ر داخوازیا گوڤه‌ن 8 جوانان د زیندانان دا ژیانا خوە ژ دەست دا. لێ ساخلەمیا وێ گەلەك باشە و نھا گوڤه‌ن چوو پارله‌مه‌نتۆیێ و سووندا خوه خوار.
نها ژی وه‌ک گه‌له‌ک جاران، جارەكا دن گۆڤەن د ده‌ربارێ باشوورێ کوردستانێ دا دژتیا پەدەکێ و بارزانی دکه. لێ گوڤه‌ن وه‌ک چالاکڤانا پەکەکێ ڕاستیا خوه و قرێژیا سیاسه‌تا خوه ڤه‌دشێره و ئێریشێ پەدەکێ دکه. دبێژه باشوور نه ئاخا پەدەکێ یه.
بلا گۆڤەن و یێن وەكە وێ ھزر دكن بزان كو باشوور ئاخا ئازادکری یا کوردستانێ یه، ئاخا پەدەکێ، یەنەکێ، گۆڕان ، ته‌ڤگه‌را ئسلام و یا هه‌موو ئالیێن سیاسی یێن کوردستانا باشووره.
باشوور ئاخا وان ئالیانه یێن کو ل دژی دکتاتۆریا سەدام شه‌ر کرین و ڕاپه‌رنا 1991 ێ پێکانین. نه ئاخا وان که‌سایه کو ژ باکورێ کوردستانێ هه‌رن ل ته‌نشتا سەدامێ فاشیست بسه‌کنن و شه‌رێ کوردا بکن.
میناکا ڕۆژاڤایێ کوردستانێ نیه‌تا گوڤه‌ن ئاشکه‌ره دکه. ل کوردستانا ڕۆژاڤا سیاسه‌تا پەکەکێ ڕێ ناده کو ئالیه‌ک دن یێ سیاسی نه‌فه‌سێ بستینه. هه‌ر تشت ته‌نێ ژ ئالیێ پەکەکە/پەیەدێ ڤه تێ ڕێڤه برن و كۆنترۆل كرن. ئه‌ڤ خه‌یالا سیاسه‌تا نه کوردستانی یا كو ڕێ ل ده‌وله‌تبوونێ بگره ل باشوورێ کوردستانێ چ جارا بسه‌ر ناکه‌ڤه.
له‌یلا خانم! بوێر بە و وێ سیاسه‌تا کو ترکیا دکشینه باشوورێ کوردستانێ ڕه‌خنه بکه. جاردن تو و یێن وه‌ک ته بلا باش بزانن چ مافێ وه و سیاسه‌تا وه یا قرێژ ل باشوور نینە. ئه‌گه‌ر هێزێن ئه‌وله‌هیا باشوورێ کوردستانێ ڕێ نه‌دن هێزێن نه یاسایی، ئه‌ڤ نابه شه‌رێ براکوژی. دبە شه‌رێ پاراستنا یاسایی ل هەمبه‌ر گروبێن سیخوور و خراب.
گه‌لۆ کا ته و سیاسه‌تا ته هه‌تا چ ڕاده‌یێ ئامه‌د و ڕحا پاراستیه؟ دێ ھەما بھوستەكا ئاخا باكورێ كوردستانێ ئازاد بكن پاشی وەرن بەحسا پارچەیێن دن بكن. باش بزانن کو، هێدی له‌یزتکێن وه ئاشکه‌ره بوونه. هون گه‌له‌ک ب زانه‌بوون ترکیێ دکشینن هه‌رێما کوردستانا ئازاد. هون پراڤاکاسیۆنێ دکن.
هون شه‌رێ پەدەکێ و بارزانی دکن، ژ بۆ کو هون ژ هه‌رکه‌سی پتر دزانن کو، بارزانی زەمانا پاراستنا ده‌ستکه‌فتیێن نه‌ته‌وییه. ئه‌و نه‌ته‌ویه‌تا هون ل دژن و ڕه‌د و ئینکار دکن.
له‌یا گوڤه‌ن باش بزاننە کو پەدەکە و بارزانی ئه‌گه‌ر به‌رسڤا ڤان گۆتنێن ته یێن پووچ و ڤالا نادن، ته‌نێ ته موخاتاب نابینن. شه‌رێ وه یێ پەدەکێ و بارزانی د بنگه‌هێ خوه دا شه‌رێ خه‌تا نه‌ته‌وی ودەولەتبوونا کوردستانێ یه.
پێوسته ئالیێن سیاسی ل باکورێ کوردستانێ به‌رسڤا ڤێ ئاخاڤتنا گوڤه‌ن بدن. ئه‌گه‌ر ئالیێن سیاسی ده‌ستکه‌فتیێن باشوورێ کوردستانێ دپارێزن، ژ به‌ری هه‌ر تشته‌کی گه‌ره‌ک ڤان ده‌ستکه‌فتیان ل هەمبه‌ر ئێریشێن پەکەکێ و سیاسه‌تا وێ یا ل دژی باشوور ژی بپارێزن. لێ مخابن ده‌نگ ژ وان ده‌رناکه‌ڤه.
گه‌لۆ پارتیا دەمۆكراتا كوردستانێ-تركیا ژ بۆ چ ل هەمبه‌ر داخویانیا گوڤه‌ن كو دژمناتیا باشوورێ کوردستانێ، پەدەکێ و بارزانی دکه ده‌رناکه‌ڤه و داخویانیه‌کی به‌لاڤ ناکه؟ گه‌لۆ ژ بۆ چ ده‌نگێ پلاتفۆرما کوردستانا باکور(سه‌رتاج بوجاک) ده‌رناکه‌ڤه؟ ما گه‌لۆ شه‌ره‌داریێن دو ناڤچه‌یان ژ به‌رژه‌وه‌ندیێن کوردستانی گرنگترن؟ بلا بێ زانن کو بێ ده‌نگیا وه تێ واته‌یا پشتگریا گۆتنێن له‌یلا گوڤه‌ن.
2019.07.16
نووچه/ئەنالیز
ڕۆژه‌ڤاکورد
