ئەنەكەسە دڤێ رێیەك دن ببینە

پشتی لهه‌ڤهاتنا ئەمریا و ترکیێ ل سەر ئاڤاكرنا ھەرێما ئازاد ل باكورێ سوریێ و رۆژاڤایێ كوردستانێ، ڕه‌وشا ڕۆژاڤایێ کوردستانێ به‌ر ب رەوش و پێڤاژۆیه‌ک نوو ڤه‌ دچه‌. ئەمریكا و ترکیێ ل هه‌ڤ کر، لێ بێی کو بھێتە ئاشکه‌ره‌ کرن پەیەدە خاله‌ک بنگه‌هین یا ڤێ لهه‌ڤهاتنێ یه‌. به‌رپرسێن پەیەدە/یەپەگە و ترکیێ نه‌هێنی هه‌ڤدیتنا دکن و د بن چاڤدێریا ئەمریكا دا ڕێکه‌ڤتنه‌ک چێدبه‌. پەیەدە/یەپەگە ژی د ناڤ وێ رێكەفتنێ دانە و دێ ژ وان دەڤەرێن دكەڤنە د چارچۆڤەیا ھەرێما ئازاد دا ھێزێن خوە پاشدا ڤەكشن.

وەكە تێ زانین کو ئۆجالان ژی د په‌یامێن خوه‌ یێن ڤێ داویێ دا به‌حسا پێویستیا نێزیکبوونا پەیەدێ و ترکیێ كر ڤوو و دبە كو ئەڤ نێزیكبوونا پەیەدە/یەپەگە و تركیێ بوەسڤا پەیاما سەرۆكێ زیندانیكریێ پەكەكێ عەبدولا ۆجەلان بە.

هه‌روه‌ها ئەنجومەنا نشتمانیا كورد ل سوریێ (ئه‌نەکسە) د گه‌ل گه‌له‌ک وه‌لاتان هه‌ڤدیتنا دکه‌ و ئەمریكا وفرانسا ژی دخوازن كو ئەنەكەسە د ناڤا پێڤاژۆیا گوهه‌رتنێن ل سوریێ و ڕۆژاڤایێ کوردستانێ دا یێ دبن، جھ بگره‌. لێ پەیەدە ب چ ئاوایی ته‌ڤلیبوونا ئه‌نەکەسێ قه‌بوول ناکه‌. ژ به‌ر کو ئه‌نەکەسە و پەیەدێ 3 جارا لهه‌ڤهاتن کرنه‌ په‌یمان ئیمزا کرنه‌، لێ چ جارا لهه‌ڤهاتنێن وان نه‌که‌تنا پراکتیکێ دا و ل سه‌ر عه‌ردێ نه‌ ژیانه‌.

سه‌ده‌ما کو پەیەدە و ئه‌نەکەسە ل هه‌ڤناکن و یه‌کتیه‌ک ب ئاوایه‌کی د ناڤا ئالیێن سیاسی ل ڕۆژاڤایێ کوردستانێ دا پێكناھێت ژبەر سیاسه‌تا پەکەکێ یه‌. هه‌تا پەکەکە ل سه‌ر پەیەدێ و هێزێن پێڤه‌گرێدایی خوه‌دی بریار به‌ چ جارا د ناڤبه‌را پارتیێن کوردستانا ڕۆژاڤا دا یه‌کێتی پێکنایێن.

ئه‌نەکەسە ژی ئێدی پێوسته‌ ڤێ ڕاستیێ ببینه‌ و خوه‌ هێڤیا که‌سه‌کی ڤه‌ نه‌هێله‌ و ل گۆرا ڕاستیا خوه‌ هه‌لوه‌سته‌کی بگره‌ و ته‌ڤبگه‌ره‌. ل ڕۆژاڤایێ کوردستانێ د ناڤا خه‌لکێ دا پشتگریه‌ک گرسه‌هی یا ئه‌نەکەسێ هه‌یه‌، هێزه‌ک وه‌ک پێشمه‌رگه‌یێن ڕۆژ په‌روه‌رده‌کری هه‌یه‌. لێ لنگێ ئه‌نەکەسێ نه‌ ل سه‌ر ئاخا ڕۆژاڤایێ کوردستانێ یه‌. ئه‌گه‌ر ئه‌نەکەسە بمینه‌ هێڤیا هه‌لوه‌ستا پەیەدێ، چ جارا پەیەدە ڕێ نادێ کو ئه‌و ل سه‌ر ئاخا کوردستانا ڕۆژاڤا ب ئازادی ب هێزا خوه‌ ته‌ڤبگه‌ره‌.

ڕاستیه‌ک هه‌یه‌ کو، ئەمریكا و فرانسا هه‌ولددن پەیەدێ ژ پەکەکێ ڤه‌قه‌ته‌ و ته‌نێ ل گۆرا ڕه‌وشا ڕۆژاڤایێ کوردستانێ ته‌ڤبگه‌ره‌. لێ ئه‌نەکەسە هه‌تا هه‌تایێ نکاره‌ بمینه‌ هێڤیا ڤێ یه‌کێ. ممکنه‌ چ ئه‌نجام ژ ناڤبەینكاریا ئەمریكایێ ده‌رنه‌که‌ڤه‌ ژی. ژ ئالیه‌ک دن ڤه‌ داخوازیێن پەیەدێ و ئه‌نەکەسێ ژ هه‌ڤ دوورن. پەیەدە سبه‌ دکاره‌ ببه‌ به‌شه‌ک ژ رژێما سوریێ ژی. ژ بۆ ڤێ یه‌کێ ئه‌نەکەسە دڤێ ل ڕاستیا خوه‌ ڤه‌گه‌رە و ڕێیێن کو لنگێ خوه‌ باڤێژه‌ ل سه‌ر ئاخا ڕۆژاڤایێ کوردستانێ بگه‌ره‌ و سیاسه‌ته‌ک خوه‌ ژ نووڤه‌ ئاشکه‌ره‌ بکه‌.

ئه‌گه‌ر مرۆڤ ب خوه‌ نه‌ خوه‌دی سیاسه‌ته‌کێ به‌ و ته‌نێ بمینه‌ هێڤیا گوهه‌رتنان و هه‌لوه‌ستا هێزێن دن ل ده‌ڤه‌رێ، کار گه‌له‌کی زه‌حمه‌ت دکه‌ڤه‌. ئه‌نەکەسە نها ڤێ زه‌حمه‌تیێ دبینه‌ و دینامیکێن ناڤخوه‌ یێن ئه‌نەکەسێ تێکچوونه‌. ژ بۆ ڤێ ژی هێڤیا وان ته‌نێ مایە گوهه‌رتنێن سیاسی ل ده‌ڤه‌رێ و هه‌لوەستێن ھێزێن دن.

2019.08.28
رۆژەڤاكورد