بەرنامەیا پارتیا داودۆگلو و پرسا کورد
د به‌رنامه‌یا پارتیا داڤوتۆگلویی دا پرسا کورد و پێوه‌ندیێن ب هه‌رێما کوردستانێ ڕا
به‌رنامه‌یا پارتیا گه‌له‌جه‌کێ ژ ۱٤۳ ڕووپه‌لان پێک تێ و پرسا کوردی ژی د بن سێ خالان ده هاتیه ڤه‌گۆتن.
ل گۆر ڤێ پارتیا نوو سه‌ده‌ما پرسا کوردی کێمبوونا مافێن ده‌مۆکراتیکه. ده‌وله‌تێ، ژ به‌ر هندەک خه‌مێن خوه یێن دیرۆکی مافێن ده‌مۆکراتیک ئێن کوردان ئاسته‌نگ کرنه و هنده‌ک ئالی (پەکەکە) سوود ژ ڤێ وه‌رگرتنه. له‌وما ژ بۆ چاره‌سه‌رکرنا ڤێ پرسێ دڤێ ڕێ ل به‌ر جووداکاریێ وه‌ره گرتن و دڤێ باوه‌ری ب کوردان وه‌ره دایین کۆ ئه‌و وه‌لاتیێن وه‌کهه‌ڤ یێن ترکیه‌یێ نه.
باشکرنا پێوه‌ندیێن ب هه‌رێما کوردستانێ ڕا ژی به‌شه‌که ڤێ چاره‌سه‌ریێ یه. ل گۆر پارتیا داڤوتۆگلویی پێکهاته‌یێن هه‌رێما کوردستانێ خزم و که‌س و کارێن باکورێ کوردستانێ و ترکیه‌یێ نه و دڤێ ب هه‌رێما کوردستانێ ڕا پێوه‌ندی وه‌رن پێشخستن. پارتیا گه‌له‌جه‌کێ چاره‌سه‌رکرنا پرسا ڕۆژاڤایێ کوردستانێ و سوریێ ژی د ڤێ چارچۆڤه‌یێ ده دبینه و دبێژه وه‌کی یا ل هه‌رێما کوردستانێ پێوه‌ندیا خزمایه‌تیێ د ناڤبه‌را پێکهاته‌یێن ڕۆژاڤایێ کوردستانێ و باکورێ کوردستانێ و ترکیه‌یێ دا ژی هه‌یه. له‌وما دڤێ پێوه‌ندیه‌ک نێزک ب وان ڕه وه‌ره دانین. گرینگه، پێکهاته‌یێن ل ڕۆژاڤایێ کوردستانێ د ناڤا ئاشتیێ دا بژین و ده‌ستتێوه‌ردانێن له‌شکه‌ری وه‌رن ئاسته‌نگ کرن. دڤێ ڕێبازێن دپلۆماتیک وه‌رن بکارانین و ژ بۆ ئاشتیه‌کا مایینده شه‌رێ ل سوریه‌یێ داوی وه‌ره. پارتیا گه‌له‌جه‌کێ دگه‌ل جه‌رباندنا ڕێیێن دپلۆماتیک ئاماژه دکه کۆ گه‌فێن ژ باکورێ سوریێ دکاره ب ڕێیێن له‌شکه‌ری ژی وه‌ره ژناڤبرن
