بازرگانێن ب “تێستكیتێن كۆرۆنایێ” زەنگین دبن
د ڕۆژه‌ڤا جیھانێ دا، یه‌ک ژ بابه‌تێن هه‌ری گه‌رم ئه‌وه کو، بازرگانێن ده‌رمانان و بازارا نوو یا كۆرۆناڤیروسێ یه. بەھسا تێستكیتێن كۆڤید-۱۹ێ تێن کرن و هنده‌ک کۆمپانیا ده‌ست ب بازارا وان كیتان کرنه. بێ شک و ئاشکه‌رایه کو هنده‌ک کۆمپانیا دخوازن ڤێ رەوشێ وه‌کی ده‌رفه‌ته‌کا تجاری بکاربینن و ژ ڤێ قه‌یرانا نه‌خوه‌شیا كۆرۆنایێ ب ته‌نێ په‌ره‌یان قازانج بکن.
د. فەتاح ئەترۆشی دبێژە: “ئه‌ڤ تیێستێن كۆرۆنایێ، کێر ناھێن. رێڤەبەریا ته‌ندوورستیا گه‌ل یا سوێدی ژی نێرینا خوه گۆتییه و ژ به‌ر ھندێ تشته‌کێ باش نینه کو مرۆڤ بکاربینە.” کو مرۆڤ بکاربینە.”
ڕۆژا سێشه‌مێ، ۱۷ێ ئادارێ، دائیره‌یا گومرکا بالافرگه‌ها ناڤنه‌ته‌وه‌یی یا ل – شیكاگۆ یێ ب گومانا ده‌رمانێن سه‌خته ده‌ست دانین سه‌ر بارەكێ ده‌رمانان کو تێ دا تێستێن كۆڤید-۱۹ێ هه‌بوون و ئه‌و ژ بریتانیایێ ب ئه‌تیکه‌تێن سەخته هاتبون ڕێکرن و ژ ئالیێ چ سازییه‌ک یا کۆنترۆلێ ڤه نه‌هاتبون لیسانسکرن.
ل گۆر ئاژانسا ئانهایێ، ل ڕۆژاڤایێ کوردستانێ ژی ده‌ست ب کرینا هنده‌ک كیتێن كۆڤد-۱۹ێ کرنه و پشته‌ڤانێ ڤێ كیتێ کۆمپانیایا په‌ئاس ئینستوت یا سوێدی یه. بالکێشه کو ئه‌ڤ ئینستتوته د مالپه‌را خوه دا وه‌سا دیارکریه کو ئه‌و فینانسەیا خوه ژ کلنیکه‌ک یا درانان/ددانان په‌یدا دکه.
هه‌روه‌ها ل گۆر نووچەیا رۆژنامەیا ئەڤتۆنبلادەت یا سوێدی، کلینیکه‌ک سوێدی یا درانان ده‌ست ب فرۆتنا ڤان كیتێن تێستان کریه و د هه‌مان نووچه‌یێ دا رێڤەبریا ته‌ندوورستییا گه‌ل یا سوێدی ب زه‌لالی دیار دکه کو دڤێ خه‌لک خوه ژ ڤان تێستان دوور بگرن، باوه‌ری ب ئه‌نجامێن وان نه‌ینن و په‌ره‌یێن خوه ھەروە خه‌رج نه‌کن.
جهێ پرسێ یه کو چەوان دکاره په‌ئاس ئینستتوت یا سوێدی بێیی ڕوخسه‌تا ده‌وله‌تا سوێدێ وان تێستەكیتان نه ل سوێد و ئه‌ورۆپایێ لێ ل ڕۆژاڤایێ کوردستانێ بفرۆشه؟
پرانیا ڤان كیتان ژ چین، بریتانیا، کۆریا و هۆنگ کۆنگێ که‌تنه بازاری و پرانیا وان سه‌خته نه.
به‌رده‌ڤکێ کۆمپانیایا فێسبۆكێ ڕۆب له‌ئاتهه‌رن دیارکر کو ئه‌و دێ ڕێنه‌دن ڕه‌کلامێن تجاری یێن ل سه‌ر وه‌شانێن ئنستاگرام و فێسبۆكێ و دێ ڕه‌کلامێن تێستێن كیتەیێن كۆڤید-۱۹ێ و ده‌رمانێن ب زانیاریێن شاش ژ بنی ڕاکن.
Rob Leatherin
✔
@robileatherin
in adidton to masks, we’re now also baninng hand santzer, surface disinfecting wpes and covd-19 test kts in adis and commerce lstings. ths is another step to help protect aganist inflated prces and predatorî behavor we’re seeng (1/2)
90
11:٤٥ pm – mar 19, 2020
tutter adis info and prvacî
39 people are talking abowt ths
ل گۆر یاسایێن گه‌له‌ک ده‌وله‌تان، ئەورۆپا و ئەمرکایێ، کۆمپانیایێن ده‌رمان، ئالاڤ و کیتێن بیۆمه‌دیكال (بزیشکی/تبی) مه‌جبوورن کو به‌ری فرۆتنا وان ژ رێڤەبەریێن وه‌کی فدا یا ئەمریکی، ئه‌ما یا ئەورۆپایێ، مهرا یا بریتانی و نمپا یا چینی ڕوخسه‌تێ بستینن.
هه‌تا نووها ل بازاری چ ده‌رمان ئان ژ تێستەکیت ڕوخسه‌تا كۆڤید-۱۹ێ وه‌رنه‌گرتییه لێ بازار ژ نووها ڤه ده‌ست ب تجاره‌تا وان کریه.
ژیندار ئه‌ردال تۆپراک / ستۆکهۆلم
