جیھان مژوولی كۆرۆنایێ یە و تركیا ژی مژوولی كوردانە
ده‌وله‌تا ترکیێ قه‌ییوم دانان سه‌ر ٤ باژارڤانیێن باکورێ کوردستانێ و سه‌رۆکێن وان باژارڤانیان ژی ده‌سته‌سه‌ر کرن.
دەولەتا تركیێ د ئۆپەراسۆنەكێ دا، 2020.03.23، سه‌رۆکێن باژارڤانیێن ناڤچه‌یێن لجه، فارقین و ئه‌رخه‌نی یێن سەر ب ئامه‌دێ ڤە ژ ئالیێ هێزێن ئاسایشێ یێن ترکیێ ڤه هاتن ده‌سته‌سه‌ر کرن و قه‌یووم ل سه‌ر وان باژارڤانیان دانین.
هه‌ر وها سه‌رۆکێ باژارڤانیا ئێلهێ (باتمان)ێ ژی ژ ئالیێ ھێزێن ئاسایشا تركیێ ڤە هاته ده‌سته‌سه‌ر کرن و قه‌یووم ل سه‌ر ڤێ شاره‌داریێ ژی دانین.
ده‌وله‌تا ترکیێ ده‌رفه‌ته‌ک ژ ڤێ ڕه‌وشا کۆرۆنایێ وه‌رگرت و هه‌ر ٤ باژارڤانیێن باکورێ کوردستانێ ب بریارا وه‌زاره‌تا ناڤخوه‌یا ترکیێ ژ کار هاتنه دوور خستن.
وه‌کی تێ زانین جیهان هه‌موو مژوولی وێ یه‌کێ یه کو ده‌رمانه‌ک ژ بۆ ڤێ پەژیكا کۆرۆنایێ بێ دیتن و چاره‌سه‌ریه‌ک بێ کرن کو زێده‌تر مرۆڤ نه‌مرن. هه‌ر وها ل گه‌له‌ک وه‌لاتان زیندان هاتن ڤالاكرن و لێبۆرینا گشتی هاتیه ڕاگەهاندن. مخابن ده‌وله‌تا ترکیێ هێشا ژی ل سەر سیاسەتا خوە یا قرێز یا دژمناتیا کوردان به‌رده‌وامه.
تركیا دزانە چاڤێ دەولەتان ل سەر كا چاوا خوە ژ كۆرۆنایێ بپارێزنە و مەدیا جھانێ ژی ب نووچەیێن وێ ڤیروسێ ڤە مژوولە، حكومەتا ئەردۆگان ڤێ رەوشێا د بەرژەوەندیا خوە دا بكارتینە و ل ناڤخوەیا ترکیێ چالاكڤانێن کوردێن باكور دگرە و زیندانی دكە و ل ده‌رڤه‌یێ سینۆرێ خوه ژی بەردەوام هێزێن زێده‌تر دشینە ڕۆژاڤایێ کوردستانێ.
