ئۆجەلان حەیران و پەسندارێ كێ یە

هونه‌رمه‌ندێ ناڤدارێ کورد سه‌رهاد باپیر د 2013.09.16 ێ دا‌ شرۆڤه‌یه‌که‌ ل سه‌ر بابه‌تا که‌مالیزم و کوردان نڤیسیه‌ کو ئیرۆ ژی هه‌مان بابه‌تا که‌مالیزمێ د ناڤا کوردان دا‌ دھێتە گوفتووگۆ کرن.

هونه‌رمه‌ند سه‌رهاد باپیر د په‌یاما خوه‌ دد‌ وەها نڤیسیه‌: هون ژ ئایسه‌ل توگلوکێ (ئەنداما ھەدەپێ و پەرلەمەنتەرا ئامەدێ) چ دخوازن؟ ئه‌ڤ خانم ب ته‌نێ دیتن، ڕامان و سیاسه‌تا سه‌رۆکێ پارتیا خوه‌ دووباره‌ دکه‌. دیتنێن ب ڤی ئاوایی و هێشتا خه‌راپترژی ئه‌ڤ 14 سالن کو سه‌رۆکێ پارتیا كاركەرێن كوردستانێ (پەکەکێ) عەبدوڵا ئۆجەلان دبێژه‌. ما قه‌ی ئۆجەلان ب خوه‌ نابێژه‌ کو ئه‌و ل دژی ئاڤاکرنا ده‌وله‌تا کوردستانێ یا سه‌ربخوه‌ یه‌. ما قه‌ی ئۆجەلان ب خوه‌ هه‌تا 2 سال به‌ری نها نه‌بووبوو حه‌یران و په‌سندارێ که‌مالیزم و موستافا که‌مالی. ئه‌و موستافا که‌مالێ دامەزرێنەرێ خاپاندن، بنده‌ستکرن و شکاندنا کوردانه‌. ئه‌و موستافا که‌مالێ کو، ل گۆر پیڤانێن مافێن مرۆڤان و ده‌مۆکراسیێ، دڤێ ناڤێ وی ل کێله‌کا ناڤێن هتله‌ر، موسسۆلین و ستالینێ دکتاتۆر بكێتە نڤیساندن. خوویا دکه‌ کو، عەبدۆلا ئۆجەلان نها ژی بوویه‌ په‌سندارێ چیرۆکا “براتیا مسلمانتیا کورد و ترکان یا هه‌زار سال”. ماشاڵاھ! هندەك کوردێن مه‌ ژ، دێلڤا کو ل دژی دیتن و سیاسه‌تا ئۆجەلان ده‌رکه‌ڤن، ب موردێن ئۆجەلان ڕا مژوول دبن. گۆتنه‌کا پێشیان یا مه‌ کوردان هه‌یه‌، “نکاره‌ ب که‌رێ، بازدده‌ کورتان”