چما ئەمریكا پشتەڤانیا سەرخوەبوونا كوردستانێ ناكە
گه‌نگه‌شه‌یێن ئۆلی و نه‌ته‌وه‌یی یێن ل ڕۆژهلاتا ناڤین و ل ناڤ وان وه‌لاتێن کوردستان ل سه‌ر وان دا هاتیه دابه‌شکرن به‌رده‌وامیا خوه هه‌یه و گه‌له‌ک کووره، ژ بلی وێ یه‌کێ کو کورد نه‌ته‌وه‌یه‌ک جوودایه و کولتوور و ناسنامه‌یا خوه یا تایبه‌ت هه‌یه، لێ به‌لێ ئه‌و هه‌تا نها نه‌بوونه خوه‌دیێ ده‌وله‌ته‌کا سه‌ربخوه، گه‌لۆ ئەگەرێن وێ چنه؟ ژ بۆ چ ئەمریكا ب هه‌موو شیانا خوه پشته‌ڤانیا سه‌رخوه‌بوونا کوردستانێ ناکه؟
ژۆن بلاک، ئه‌فسه‌رێ به‌رێ یێ ئەرتەشا ئەمریكایێ، نڤیسەك ب ناڤێ ” ژ بۆ چ ئەمریكا ب ته‌ڤاهی پشتگیریا سه‌رخوه‌بوونا کوردستانێ ناکه؟ د مالپه‌را (سۆفره‌پ) دا نڤیسیه کو ڕه‌نگه ئه‌ڤ پرسیاره ژ بۆ هه‌موو ئه‌وێن ل ئەمریكا ب دۆزا کورد ڤە مژوولن و ژ بۆهه‌موو کوردان ژی کو هێڤیا وان ب ئەمریكایه، پرسیارەك گرنگ و ڕه‌وایه، کورد ژ بلی وێ یه‌کێ سه‌دسالا بیستان ڤه تێکۆشین و خەباتا دروستکرنا نشتمان و وه‌لاته‌ک ژ بۆ خوه ددن، لێ به‌لێ ئه‌گه‌ر ب هووری دیرۆکا وی گه‌لی ته‌ماشه بکن، کۆمه‌ک فاکته‌ر هه‌نه کو ئاسته‌نگن ل به‌ر سه‌رخوه‌بوونا وی گه‌لێ مه‌زن کو تاکه میڵه‌ته ب وێ هه‌ژمارا زێده ڤه هه‌تا نها نه‌بوونه خوه‌دیێ ده‌وله‌تا خوه.
ئه‌گه‌ر ژ ئالیێن ژیۆپۆله‌تیکی ڤه ته‌ماشه بکین، دبه کو گه‌له‌ک ژ مه بزانن کو کوردستان که‌تیه ناڤا دلێ ڕۆژهلاتا ناڤین و ناڤچه‌یه‌کا گه‌له‌ک گرنگ و ستراته‌ژیكه. ئه‌گه‌ر کوردستان ده‌وله‌ت بە، دێ پێویستیا گەلەك دەولەتان ب وێ ھەبە هه‌تا تێرا ده‌رباسببن. ئێدی ژ بلی وێ ژی جۆگرافیایه‌کا وێ دەڤەرەك گرتی و خه‌ندقیه، ئه‌ڤه یه‌ک ژ کێشه‌یێن بنگه‌هین یێن سه‌ربخوه‌نه‌بوونا وی گه‌لی یه. ژ بلی وێ چار وه‌لات ژی کو نشتمانێ وان داگیرکریه، هه‌رده‌م ئاماده‌نه ب یه‌کگرتی ڕووبروویێ کوردان ببن. لێ به‌لێ ل گه‌ل ئه‌وان ژی سه‌ده‌مێن دن ژی گه‌له‌کن کو وها دکه ئەمریكا ب به‌رفره‌هی پێنگاڤا ژ بۆ ڤێ پرسێ نەھاڤێژە.
مه‌زنترین کێشه‌یا کو ڕووبروویێ ئەمریكا ببە د پشته‌ڤانیا کوردان دا، نه وه‌لاتێن داگیرکه‌رێن کوردستانێ، لێ بەلێ نه‌یه‌کگرتیی و نه‌ته‌بایی یا د ناڤبه‌را کوردان ب خوه یه. ژ بلی کو خالێن وان یێن هه‌ڤبه‌ش گه‌له‌کن، لێ به‌لێ ژ به‌ر کو جڤاکه‌کن كو هه‌تا نها ب ئاوایه‌کی باندۆرا عه‌شیرتیێ ل سه‌ر کورد زێده زێده ل ناڤچه‌یێن جوودا جوودایێن کوردستانێ هه‌یه. ل هه‌ر به‌شه‌کا جودایا کوردستانێ ژی ل وان چار وه‌لاتان، ناکۆکیێن کوور و جوودا د ناڤبه‌را وان دا گه‌له‌ک هه‌نه کو ڤێ ژی وها کریه، ئەمریكا معاملێ د گه‌ل پرسه‌ک و تیمه‌کێ نه‌که، بگره چه‌ندین تیمن و ل سه‌ر چه‌ندین حزبان دابه‌شبوونه و هه‌ر یه‌ک ژ وان نێرینه‌کا خوە هه‌یه ژ بۆ پاشه‌رۆژا گه‌لێ خوه. هه‌ر چه‌نده د بنگه‌ها خوه دا هه‌موو هه‌ڤرێنه د دروستبوونا قه‌واره‌یه‌کا سه‌ربخوه ژ بۆ کوردان، لێ به‌لێ به‌رژه‌وه‌ندیێن تایبه‌تی ژی وها ل وان دکه، هنده‌ک ب له‌ز گاڤان باڤێژن و هنده‌ک ژی گه‌له‌ک ب ئارامی، کو واته ئەمریكا د گه‌ل کژان ئالیی تەڤبگەرە. ئه‌وێ دن ب به‌ره‌ڤاژیا له‌هیێ گاڤان داڤێژن.
کورد ب خوه نه‌یه‌کگرتی نه و هه‌ر گرووپه‌ک و ب ئاوایه‌کی دن دفکره
د ڕوویێ دینی ڤه ڕۆژاڤا کێشه د گه‌ل کوردان نینه، ژ به‌ر کو زێده‌ترێ وان مسلمانێن گه‌له‌ک نه‌رمن کو ئه‌و ئاوایێ ئەمریكا و ڕۆژاڤا پشته‌ڤانیا وان دکه. ل ناڤ جڤاکا کوردی ب به‌رامبه‌ر وه‌لاتێن ڕۆژهلاتا ناڤین، ژنێ زێده‌تر مافێ خوه هه‌یه و د گه‌ل زەلامان هه‌تا ڕاده‌یه‌کا زێده د ڕوویێ ماف و کار و ئه‌رکان دا وه‌کهه‌ڤن کو ئه‌ڤ ژی هه‌موو گاڤێن گه‌له‌ک باش یێن پێشڤه‌چوونا جڤاکێ نه. لێ به‌لێ کێشه‌یا مه‌زن نه‌بوونا ده‌سته‌یه‌کا سه‌رکردایه‌تیکرنا گه‌له. گه‌له‌ک پارتی و ته‌ڤگه‌ر کو هیچ وێ کیانێ قه‌بول ناکن کو ژ بۆ کوردان پێکبێ.
ل به‌شا کوردستانا ترکیێ ، چه‌ندین پارتیێن جوودا هه‌نه، هه‌ر یه‌ک ژ وان هلگرێ ئیدیۆلۆژیێن جوور ب جووره. ل به‌شا سووریێ و ئیران و عیراقێ ژی ب هه‌مان ئاوایی. ل عیراقێ زێده‌ترێ ۳۷ پارتیان ل کوردستانێ هه‌نه. ژ بلی وێ یه‌کێ کو کیانه‌کا ده‌ستووری یا ب ناڤێ هه‌رێما کوردستانێ هه‌یه. حکومه‌ت و پارله‌مه‌نا خوه هه‌یه، لێ به‌لێ ژ بۆ معاملەکرنا د گه‌ل کوردێن عیراقێ، دڤێ ئەمریكا گوفتووگۆ د گه‌ل پارتیان بکه کو ئه‌ڤه ژی کێشه‌یه‌کا مه‌زنه. ژ به‌ر کو ھەر پارتیەكێ نێرینا خوه یا جوودا هه‌نه. هه‌موو ستراته‌ژیێن خوه یێن نشتمانی نه‌خستنه ناڤا حکومه‌تا دامه‌زراندی و پارله‌مه‌نێ وه‌کی چاڤکانی بریاردان د ده‌ربارێ چاره‌نووسا گه‌ل.
ئەمریكا نکارە ب ته‌ڤاهی ڕووبروویێ وان چار وه‌لاتان ببە و به‌رژه‌وه‌ندیێن خوه ده‌ینه ئالیه‌ک دن.
د ئه‌نجامێ دا ئه‌ڤه ژ بۆ مه هه‌موویان زەلالە کو هلوه‌شاندنا نه‌خشه‌یا چار وه‌لاتان ل ڕۆژهلاتا ناڤین پر ب کێشه‌یە و گرفتێن مه‌زن ژ بۆ ئەمریكا دروست دکه. ژ به‌ر وێ یه‌کێ ئەمریكا هه‌ڤپه‌یمانی و سیاسه‌تێن خوه یێن وێ ناڤچه‌یێ هه‌موو ڤه‌دگه‌رێنه سه‌ر خالا سفر و به‌رژه‌وه‌ندیێن وێ دکه‌ڤن مه‌ترسیێ. ژ بۆ وێ یه‌کێ هه‌رده‌م ئەمریكا ب ئاوایه‌ک نه‌راسته ڕاست وی کاری دکه و نکارە ب فه‌رمی ب پشتراستی وێ پشته‌ڤانیێ بکه. لێ تەڤی ڤێ ژی ئه‌گه‌ر کورد یه‌کگرتی بن، دکارن ژ خوه ڕه ڕاستیه‌ک ئاڤا بکن. وه‌کی ئه‌وا کو پشتی شه‌رێ داعیش ل کوردستانا عیراقێ دروست کرن و ڕه‌فه‌راندوم ژی ئه‌نجام دان. لێ به‌لێ پاشێ هه‌ر ئه‌و کورد ب خوه به‌شه‌ک ژ وان پۆشمانبوون و بوونه ئەگەرا وێ یه‌کێ کو پاشڤه ڤه‌گه‌رن.
ژۆن بلاک
https://sofrep.com/news/why-the-us-will-never-fully-back-an-independent-kurdistan/
