مەدیا پەكەكە زەمینەیێ پراڤاکاسیۆنا ئاماده دکه
پارتیا كاركەرێن كوردستانێ (پەكەكە) جارەكا دن ل باشوورێ کوردستانێ خوه ژبۆ هنده‌ک پراڤاکسیۆنا ئاماده دکه. هه‌ر ده‌ما پەکەکە هه‌ولبده کو ئالۆزی و ته‌ڤلیهه‌ڤیا چێبکه ، ژ به‌ری هه‌ر تشته‌کی ئەو خوە ئامادە دكە و راگەھاندنا وێ دەست ب پرۆپاگانده‌یێ و به‌لاڤکرنا زانیاریێن نەراست دکه، هه‌تا کو د ناڤا ڕایا گشتی دا زه‌مینه‌کی ژ كریارێن خوە را خوەش بکه.
نها ژی راگەھاندنا پەكەكێ به‌حسا هنده‌ک جڤینا د ناڤبه‌را پاراستن و میتێ دا دکه و نووچه‌یه‌ک د ئاژانسا مەیا پەكەكێ (ئا ن ف) ێ ده هاتیە به‌لاڤکرن دبێژە کو، پاراستن و میتێ ل دهۆکێ ل ھۆتێل رێكسوس جڤینه‌ک كریە.
هه‌روه‌ها (ئا ن ف) د نووچه‌یا خوه دا دبێژه: “ ل گۆری ئاگاهیێن کو که‌سه‌کی ژ ئاساییشا دهۆکێ گهاندنە (ئا ن ف) ل گۆری پالانه‌کێ ۲۰۰ دەستێن جلكێن گه‌ریلان یێن کو گه‌ریلایێن هەپەگێ ل خوه دکن هاتنه ئاماده‌کرن. ل گۆری پلانێ، ئه‌ندامێن ئیستیخباراتا ترک و هێزێن تایبه‌ت یێن پەدەکێ دێ وان وان کنجێن گه‌ریلا ن ل خوه بکن و ل دهۆکێ ئێرشان ببن سه‌ر خالێن ئاساییشێ و پۆلیسان.
ل دهۆکێ دێ ئێرشان ببن سه‌ر که‌سایه‌تیێن گرنگ یێن پێشه‌نگ ژ ئۆپۆزسیونا ل دژی پەدەکێ ، هه‌ر وها دێ ئێرشان ببن سەر بەرپرسێن موخاله‌فه‌تا جڤاکی و هندەك که‌سایه‌تیێن گرنگ یێن ترکمه‌ن بێن کرن، پشترا وێ ڤێ یه‌کێ بخن ستویێ پەکەکێ و ئێرشه‌کا پرۆڤۆکاتیف، کۆمکوژیێ بکن.“
د ڕاستیا خوه دا مه‌دیا پەکەکێ ده‌ره‌وا دکه. لێ هه‌ر ده‌ما کو ب زانه‌بوون چاڤکانیێن نووچه‌یێن ب ده‌ستچێکری و سه‌ناریۆیێن ئاماده دكری، ژ ناڤا ئاسایشا کوردستانا باشوور ددن نیشاندان، ئه‌ڤ یه‌ک د سه‌رێ مرۆڤی دا پرسه‌کی په‌یدا دکه. په‌یداکرنا ڤێ پرسێ ب خوه ژی پەکەکە وه‌ک سه‌رکه‌ڤتنه‌کێ ژ بۆ خوه دزانە.
ل ڤێ ده‌رێ ئه‌رکێ مه‌دیا باشوورێ کوردستانێ ئه‌وه کو ، ده‌ره‌وا ڤان سه‌ناریۆیان ئاشكەرا بكن. ئه‌گه‌ر مه‌دیا باشوور، یا سه‌ر ب پەدەكێ ڤه، ب ڕاستی بخوازه ڕاستیا ئاشكەرا بكە و سەرێ خوە ب ڤێ مەسەلێ ڤ ەبێشینە، وێ ئەو ئیمكان و زانەبوون ھەنە کو بكاربە ڤان سه‌ناریۆیێن ل سه‌ر ده‌ره‌وان هاتین ئاڤاکرن پووچ بکه. ئه‌رکه‌ک یێ مه‌دیایێ ژی ئه‌وه کو ده‌ما نووچه‌یه‌ک ده‌رکه‌ڤه هۆلێ، ڕاستییا وێ یان ژی نه ڕاستیا وێ زه‌لال بکه.
لێ مخابن هه‌تا “کێر نه‌گەهیته هه‌ستی” مه‌دیا گرێدایی پەدەکێ ل باشوور ڤێ یه‌کێ ناکه. یانی ل شوونا كو هنده‌ک مالپه‌رێن دن به‌حسا ڤان ڕاستیان بکن، باشتره مه‌دیا کو خوه‌دیێ سەرمایەك پر بمەزنە و په‌ره‌یه‌ک زێده سه‌رف دکن، ل سه‌ر هنده‌ک پرسگرێکان راوەستە و هنده‌ک بابه‌تان ژ بۆ ڕایا گشتی زه‌لال بکه.
هه‌روه‌ها، هه‌ر چقاس ئه‌ڤ سه‌ناریۆ ده‌ره‌ون ژی، لێ دڤێ ئاسایشا کوردستانێ ژ بۆ هنده‌ک چاڤکانیێن ژ ناڤا وێ تێنه نیشاندان (تێ زانین کو ئه‌ڤ یه‌ک ته‌کتیکه‌ک یا مه‌دیا پەکەکێ یه ژی) لێکۆلینان بکه و رایا گشتی ب زانیاریێن راست و دروست ھایدار بكە.
نابه مرۆڤ ڤان نووچه‌یێن پرۆڤاکاتیف ب سه‌ر گوهێ خوه ڕا باڤێژه. دڤێت باش ل سه‌ر وان راوەستن و ئەڤ عادەتێ پەكەكێ كو مەدیا وێ زانیاریێن نەراست به‌لاڤ دکه و ئاوایه‌کی بێ ڕاوه‌ستاندن.
2020.06.03
نووچه/ئانالیز
