سپاسیا كوردان دكە
ئارمه‌ن سارکیسسیان سه‌رۆکێ ئه‌رمه‌نستانێ د ھەڤپەیڤینەكا خوە دا سپاس و حوورمه‌تێن خوه ژ بۆ وان مالباتێن کوردان دووپاتکر یێن کو د ده‌ما كۆمكوژیا ئه‌رمه‌نیان دا هه‌ڤکاریا وه‌لاتیێن ئه‌رمه‌نی کرنه و ئەو هه‌واندنه و کورد ب برایێن ڕۆژێن ته‌نگ وه‌سف کر.
ڕۆژنامه‌یا ئه‌هرام چاپا قاهیره هه‌ڤپه‌یڤینه‌ک د گه‌ل سه‌رۆکێ ئه‌رمه‌نستانێ ئه‌نجامدایه و تێدا به‌حسا بوویەرێن كۆمكوژیا ئه‌رمه‌نیان کریه کو د داویا ده‌ستهلاتداریا ئۆسمانیان و ده‌ستپێکا دامه‌زراندنا ده‌وله‌تا کۆمارا ترکیێ دا د سالا 1915 هه‌تا 1923 هاتبوو ئه‌نجامدان.
د وێ هه‌ڤپه‌یڤینێ دا، ئارمه‌ن سارکیسسیان گۆت: حکومه‌تا ترکیێ سوود ژ ڕه‌وشا سه‌رده‌ما شه‌رێ یه‌که‌مێ جیهانی وه‌رگرت بوو کو پلانا کوشتن و ژ ناڤبرنا یه‌کجاریا ئه‌رمه‌نیان بکه و ل ناڤبه‌را سالێن 1915 هه‌تا 1916 گه‌له‌ک کۆمکوژی دژی گه‌لێ ئه‌رمه‌ن هاتن ئه‌نجامدان.
د ده‌ربارێ ڕۆلا کوردان دا ژی سه‌رۆکێ ئه‌رمه‌نستانێ گۆت: ئه‌م سپاسی برایێن خوه یێن ڕۆژا ته‌نگ دکن، ب تایبه‌تی یونانی، ئاشووری و سریان و جوهی و ئێزدیان، هه‌روها که‌سایه‌تی و مالباتێن کورد و ترکان کو ژیانا خوه خستن مه‌ترسیێ بۆ کو هه‌ڤکاریا ئه‌رمه‌نیان بکن و ژیانا گه‌له‌ک ژ وان که‌سان ڕزگار کرن.
