قۆناغا دویێ دیالۆگا كوردی-كوردی
نافع عه‌بدولا ئه‌ندامێ کۆمیتا ناڤه‌ندی یا پارتیا ده‌مۆکراتا کوردستانێ – سووریه (پدک-س) ڕادگهینه کو د خالا دویه‌م یا دانووستاندنێن کوردی – کوردی، دا مژارا پێکانینا لێڤه‌گه‌را سیاسی تێ گۆتوبێژ کرن.
وی ئه‌ندامێ کۆمیته‌یا ناڤه‌ندی یا پدک-سێ دیار کر کو مه‌هه‌که قۆناغا دویه‌مین یا دیالۆگا ناڤبه‌را ئه‌نجوومه‌نا نشتمانی یا کوردی ل سووریێ (ئه‌نه‌که‌سه) و پارتیێن یه‌کێتیا نشتمانیا کوردی (پینک) به‌رده‌وامن و خالا گرینگ یا کو د ڤێ قۆناغێ دا تێ گۆتوبێژکرن پژارا پێکانینا لێڤه‌گه‌را سیاسی یه. ل گۆر نافع عه‌بدولا گۆتوبێژ د ئاسته‌کا باش دا به‌رده‌وامن و ب تایبه‌تی ل سه‌ر ده‌ستهلات و ئه‌رکێن وێ لێڤه‌گه‌رێ.
عه‌بدوڵا ته‌که‌ز کر کو ئه‌و وه‌ک ئه‌نکسێ ب بریارن کو ئه‌ڤ دیالۆگ بگه‌هه ئه‌نجامێن باش و هه‌ر ده‌ما ئاسته‌نگ و زه‌عمه‌تی بکه‌ڤن پێش دیالۆگێ ئه‌وێ هه‌ول بدن ئاسانکاریان بکن، تا دیالۆگ ب سه‌رکه‌ڤه.
نێزیکی مه‌هه‌که ده‌وله‌تا ترکیێ ئاڤ ل سه‌ر خه‌لکێ ڕۆژاڤایێ کوردستانێ بریه و بێ ئاڤی، ب تایبه‌تی ل باژارێ هه‌سه‌کێ بوویه گه‌فه‌ک مه‌زن ل سه‌ر ژیانا یه‌ک ملیۆن خه‌لکێ وی باژاری.
ل سه‌ر برینا ئاڤێ ژ ئالیێ ترکیێ و گرووپێن چه‌کدار ڤه ژ سه‌ر باژارێ هه‌سه‌کێ، نافع عەبدولا دبێژە: ئالیێن كوردی ل رۆژاڤایێ كوردستانێ، ب تایبەتی ەو ئالیێن بەشدار د دیالۆگا کوردی – کوردی دا، پرسا برینا ئاڤێ ژ ئالیێ تركیێ ڤە دگەل بەرپرسێن ئەمریكی بەحس كریە و داخواز ژ ئەمریا كریە كو تركیێ نەچار بكە ئاڤێ بەردە.
