ئەم ژی دزانین (میت)ێ غازی ئالیخان شەهید کریە
دگەل بەڵاڤبوونا نووچەیێ شەهیدکرنا غازی ئالیخان، ئەندام و لایەنگرێن پارتیا كاركەرێن كوردستانێ (پەکەکێ) گۆتن (میت) بوو و د دەما کارێ سیخۆریکرنێ دا ژلایێ گەریلایێن پەکەکێ ڤە هاتیە “کوشتن”. دەما دیتین کو خەلکێ ئاسایی یێ کوردستانێ بەری مالباتا شەهیدی و بەری پارتییا وی و بەری حکوومەتا کوردستانێ ژی ئەڤ کارە شەرمزارکرن. هەروەسا پشتی دیرۆکا شەهیدی و مالباتا وی بۆ هەموویان پتر ئاشکرابووی، پەکەکەییان زانی دێ سۆزا گەلەك خەلکی ژدەست دەن. لەوما ئاوازا خوە گۆهارتن، بەحسا سیخۆرییا شەهیدی نەکرن و ل دوماهیێ ژی خوە بێدەنگ کرن. پشتی چەندین رۆژان ژی داخۆیانییەکا ڤاڵە بەڵاڤکرن بێی کو ڤی کاری شەرمەزار بکەن. پاشی گۆتنێن خوە یێن دەسپێکێ (180) پلەیان گوهارتن و گۆتن (میت)ێ ئەڤ کارە کرییە!
هەڵبەت ئەم وەك مالبات ئاگەهداری گەف و رێگریێن پەکەکێ بووین ل کارکرنا شەهیدی. پەکەکێ ژی ب ڤێ داخۆیانیێ دانپێدان ب تاوانێ کرییە و ناسنامەیا باسکێ خوە یێ ئەنجامدەر ژی ئاشکراکریە کو (میت)ە. ئەو باسکێ دەستێ باڵا د دامەزراندنا وێدا هەی و سەرپەرشتییا قەندیلی دکەت، ئەوێ زارۆکێن کوردان ژ باوەشا دایکان درەڤینیت، ئەوێ خەلکی ل سەر کوردبوونێ تیرۆر دکەت و…هتد!
ب راستی مە چ دەمان چ پارتیێن کوردی وەك تیرۆرست بناڤ نەکرینە و مە باجا ڤی هەلویستێ خوە ژی دایە. لێ پەکەکێ سەلماند کو گرۆپەکا تیرۆرستییە ب پلەیا نایاب. هەبوونا وان ژی وەك سەیێن هارێن بەردایە. دەما رەوینا وان بلند دبیت دڤێت دربەکی ل تەنشتێ بدەن کو عویز-عویزا وان بگەهیتە ئاسمانان دا ژ رێکا کاروانی دوورکەڤن
سلێمان ئالیخان
2020.10.26
rojarticle.net
