دەستێ پەكەكێ گەھشتە دالكورد ێ

دالكورد یانەیاكا فوتبالێ یا سوێدیە د 26 ئیلۆنا سالا 2004ێ دا ل باژارتێ بۆرلینگێ ل سوێدێ ژ ئالیێ كوردێن وێ دەڤەرێ ڤە ھاتیە دامەزراندن. یانەیا دالكورد یا فوتبالێ دەمەك كورت دا گەلەك ب لەزگینی پێشدە چوو و  د سالا 2005 دا یەكەم یاریا خوە د دیڤیسۆن 6 دا ئەنجام و د پێنج سالان دا دالكورد گەھشتە دیڤیسۆنا 1ێ. د سلا 2019ێ دا گەھشتە (ئالسڤێنساكا)  خولا نایابا سووودێ.

 دالكورد نھا ل خولا دیڤیسۆن 1ی دا دلیزە و لێدخەبتە كو جارەكا دن خوە بگەھینە (ئالسڤێنسا)  لیگا سوێدێ.

 ژ بەر ناڤێ وێ كو پەیڤا كورد پێڤە یە و ژ بەر لۆگۆیێ وێ كو ئالایا وردستانێ ل سەرە، دالكورد د دەمەك كورت دا دەنگڤەدانەكە مەز ڤەدا و نھا ب ملیۆنان كورد، ب تایبەتی گێنجێن كورد ھەیرانێ یانەیا داكوردن.

نھا بەشەك ژ رێڤەبریا یانەیا دالكورد لێدخەبتن كو ناڤ و لۆگۆیێ وێ بگوھەرن. ناڤێ وێ ژ دالكورد  بكن براتی  و لۆگۆیا وێ ژی ل شوونا ئالایێ كوردستانێ وێنەیەكێ بەرانەكی دەینن. ئانكو بەشەك ژ رێڤەبەریا یانەیا دالكورد دخوازن وێ یانەیا د ناڤ كوردان و بیانیان دا ب یانەیەك كوردی ھاتیە ناس كرن ژ ھەموو ناڤ، نرخ و سەمبۆلێن كورد و كوردەواری رووت و تازی بكن.

ڤێ بریارا بەشەك ژ رێڤەبەریا یانەیا دالكوردێ نەرازیبوونەكا مەزن د ناڤ كوردان دا چێ كریە مەدیا كوردی گەلەك ب خوەڤە مژوول كریە.

گرۆپەكە نەرازی و دژی گوھەرتنا ناڤێ یانەیا دالكورد، د وێ باوەریێ دانە كو دەستێ  (پەكەكێ)  گەھشتیە ناڤ كۆمیتەیا رێڤەبەریا یانەیێ و وان نەچار دكن كو ناڤێ یانەیا دالكوردێ بگوھەرن. ژ بەر كو پەكەكە د سیاسەتا خوە دا ل دژی ناڤێ كوردە و ب چو رەنگان ئالایا كوردستانێ قەبوول ناكە. درووشمێ پەكەكێ “براتیا گەلان”ە و ژ بەر ھندێ ژی دخوازن ناڤێ دالكورد بكن براتی.

بەرپرسێ راگەھاندنێ یێ یانەیا دالكوردێ ل سەر ئەگەرێ ناڤگوھەرتنا یانەیێ دبێژە كو ل گور یاسایێن سوێد و ئەورۆپایێ چێنابە ھێما و ئالایێ چو وەلاتان یان گەلان ل سەر لۆگۆیێ یانەیان بە، ھەروەسا دبێژە كو ژ بەر لۆگۆ و ناڤێ یانەیێ كەسێ سپۆنسەریا یانەیێ نەدكر.

ئەڤ ئەگەر و بەھنایێن بەشەك ژ بەرپرسێن  یانەیێ ژ راستیێ دوورن و نەبەرئاقلن ژی.

وەكە میناك ل سوێدێ یانەیا فوتبالێ یا ئاسووریان ھەیە و ناڤێ و ب سوێدێ ئاسیریسكایە و لۆگۆیێ وێ ژی ئالایێ كەڤنێ ئاسوورریانە.

هێڤیدارم کو مه‌دیایا کوردی و هه‌موو سازی و ده‌زگه‌هێن کوردان خوه‌دیی ل دالکوردێ دەركەڤن و ل دژێ گوهه‌رتنا ناڤێ دالکوردێ راوەستن، رێ نەدن نەحەز و دژمنێن كوردان ب ئارمانجێن خوە شاد ببن