ڕێبازا بارزانی سه‌رخوه‌بوونا کوردستانێیه
بێ گومان گه‌له‌ک گۆتن هه‌نه کو مرۆڤ ل سه‌ر ژیان و خه‌باتا سیاسی یا نەمر مسته‌فا بارزانی بێژه، بارزانی ئه‌و که‌سایه‌تیه کو ژییێ خوە ھەموو ب ته‌نێ د ڕێیا بده‌ستخستنا مافێن ڕه‌وا یێن نه‌ته‌وه‌یێ کورد دا ده‌رباس کر. ژ خوه تشتا کو بارزانی گەهاند مه‌رته‌با سه‌رۆکێ نه‌ته‌وی، ئه‌و بوو کو یه‌ک ده‌مژمێرێ ژی ژبۆ به‌رژه‌وه‌ندیه‌ک خوه شه‌خسی نه‌فکری هه‌موو ژیانا خوه ژبونا کورد ژیانه‌ک ئازاد بژین ته‌رخان کر.
بارزانی ب که‌سایه‌تیا خوه یا مەزن، پێشمه‌رگه‌تیا خوه یا سه‌رکه‌فتی، زانه‌بوونا خوه یا سیاسی، ناسکرنا جڤاتا کورد ب کووراهی، رێڤه‌برنا دپلۆماسیه‌ک ب هێز و ژ هه‌موویێ گرنگتر ژی حەژێکرنا وی یا کورد و کوردستانێ بوو بنگه‌هێ ڕێبازه‌کێ کو مله‌تێ کورد پێ بگەهە مافێن خوه یێن ڕه‌وا.
تایبه‌تی د ڤێ قۆناغا کو ته‌ڤگه‌را ئازادیخوازا کوردستانێ تێره ده‌رباس دبه، ددە نیشاندان کو کا چقاس ڕێبازه‌ک نه‌ته‌وی پێوسته کو مرۆڤ ل سه‌ر ڕێڤه هه‌رە داکو راستی خه‌له‌تیا نه‌بە.
زه‌مینێ خه‌تا نه‌ته‌وی ڕێبازا بارزانیێ نه‌مرە.
ڕێبازا بارزانی گارانتیەكە کو، به‌رژه‌وه‌ندیێن نه‌ته‌وەیی د سه‌ر هه‌ر تشتی را بێته گرتن. ئه‌گه‌ر د ڕۆژا مه دا ڕێبازا بارزانی ب ئاوایه‌ک پێویست بێ تێگەهاندن ئه‌و ببه وه‌ک ڕێبازه‌ک مرۆڤ ب ته‌مامی ل سه‌ر سیاسه‌تێ بکه چ جارا ب حه‌مد و هشێ خوه مرۆڤ خه‌له‌تیا د ڕێیا ده‌ستخستنا مافێ ڕه‌وا یێ نه‌ته‌وه‌یێ کورد دا ناکه.
د ڕۆژه‌ک وه‌ک ئیرۆ دا (1979.03.01) ب مناسه‌به‌تا کۆچا داوی یا بارزانیێ نه‌مر، واته ئه‌وه کو ب ڕێبازا وی یا پیرۆز تێبگهه و ل گۆرا وێ ژی د سیاسه‌تێ ده ته‌ڤبگه‌ره.
هه‌وه‌ها ئیرۆ پێڤاژۆیا کو کورد تێرا ده‌رباس دبە هاته ئسپات کرن کو چ ئیدیۆلۆژیه‌ک یان ژی ڕێبازه‌ک ژ بلی ڕێبازا بارزانی کوردا به‌ر ب ده‌وله‌تبوونێ ڤه نابه. ڕێبازا بارزانی ڕێبازا سه‌رخوه‌بوونا کوردستانێیه.
