پلاندانەرێن تێكدانا ئاسایشا كوردستانێ
ئه‌نجوومه‌نا ئاسایشا هه‌رێما کوردستانێ به‌شه‌ک ژ دانپێدان/ئیعترافا وان تاوانبارێن پارێزگه‌ها دهۆکێ کو ب تێکدانا ئارامیا کوردستانێ ھاتینە تاوانبار كركن و ب 6 سالا ھاتینە حوكم كرن، به‌لاڤ کر
ل گۆر داخویانیا جڤاتا ئاسایشا ھەرێما كوردستانێ “د پرۆسه‌سا لێکۆلینێ دا ب به‌لگه و و دانپێدانان ده‌رکه‌ت هۆلێ کو په‌یوه‌ندیا وان ڕاسته‌راست ب پەكەكێ و چه‌ند ئالیێن دن هه‌نه.”
ئاسایشا هه‌رێما کوردستانێ دبێژه: “وێ گرووپێ زانیاری ل سه‌ر باره‌گه‌هێن ئاسایش، پێشمه‌رگه و دادوه‌رێن کوردستان کۆم کرنه. هه‌روها وان ڕاهێنان ل سه‌ر چه‌کێن بێده‌نگ کریه و خوه‌ستنە سیسته‌ما سیاسی یا هه‌رێما کوردستانێ بگوهه‌رن.”
ئاسایشا هه‌رێما کوردستانێ د داخویانیا خوە دا دیار دكە كوچو زه‌خته‌ک فزیکی و ده‌روونی ل هه‌مبه‌ری وان پێنج ڕۆژنامه‌ڤان و چالاکڤانان نه‌هاته سه‌پاندن و وان ئیعتراڤ كریە کو وان د گه‌ل چه‌ند گرووپێن دن په‌یوه‌ندی کرنه.
وەكە دیار دبە د ڤیدۆیێ دا وێنه‌یێن ده‌ستنڤیسه‌کێ نیشان ددن كو ئه‌نجوومه‌نا ئاسایشێ ده‌ربارێ وێ ده‌ستنڤیسێ دا دبێژه: “رێڤه‌به‌ریا به‌لگه‌یان تاوانان پشتراست کریه كو شێروان ئه‌مین زانیاری ده‌ربارێ ناڤ و ته‌ڤگه‌را به‌رپرسێن ئه‌منی و سه‌ربازی یێن هه‌رێما کوردستانێ دا کۆم کرنه و ژ بۆ پەكەكێ شاندنه.”
وەكە تێ زانین دادگه‌ها هه‌ولێرێ ڕۆژا 16ێ سباتا 2021ێ پێنج ده‌سته‌سه‌رکریێن پارێزگه‌ها دهۆکێ ب تاونا تێکدانا ئەمنیەتا نشتیمانی یا کوردستانێ ب 6 سالان حوكم كرن.
