ژ بۆ چ ئەڤ ھەموو پەیچ و مالپەر
لاھور شێخ جەنگی ب رێكا ب دەھان مالپەر و دەزگەھێن مەدیایێ كارێن خوە یێن مافیای و قاچاخچیتیێ ڤەدشێرە. ئەڤ ھەموو سازیێن راگەھاندنێ كو ب بودجەیەكا مەزن یا تایبەت ژ ئالیێ لاھور جەنگی ڤە تێنە فینانسە كرن، ھەر ھەموو دوورن ژ پیشە و ئێتیكێت و بھایێن رۆژنامگەریێ، ئەو ب تەنێ راستیا بەرۆڤاژی دكن و ب ھەر ئاوایی كارێن پیس و قرێژ یێن لاھور جەنگێ سپی دكن و ب بەژن و بالا وی دبێژن كو د ناڤ خەلكی دا سەركردەیەكێ وەھمی چێكریە.
لاھو جەنگی و دەستەكا وی ب وی دراڤێ د دەستێ وان دا ھەیە كو ب رێكێن نەشەرعی ب دەست دكەڤە، ھێز و دەستھلاتا خوە د ناڤ پارتیا خوە دا موكم كریە و ب دەھان مالپەر و سازیێن مەدیایێ دامەزراندنە كو ھژمارەكا زێدە لێ كار دكن و ھەر ھەموو ژی ژ بۆ شرینكرنا لاھور و دەستەكا وی و نەشرینكرنا حكومەتا ھەرێما كوردستانێ و ب تایبەتی پەدەكێ لپێش چاڤێن خەلكێ دەڤەرا زۆنا كەسك.
لاھور و دەستەكا وی باژێرێ كوركوك و نیڤا ئاخا كوردستانێ ب ھندەك لھەڤھاتنێن گومانی و شێلوو تەسلیمی پاسدارێن ئیران و حەشدا شەعبی كر، ب فەرمانا وی ئامانج بابانی ب ژن و زارۆك ڤە ل ناڤەندا باژارێ سلێمانیێ ھات تەرور كرن، مستەفا سەلیمی، كوردێ رۆژھەلاتا كوردستانێ، تەسلیمی ئیرانێ كر و حكومەتا مەلایێن ئیرانێ ئەو ئیعدام كر، شەوتاندنا دارستانێن دەردوورا سلێمانیێ و قەچاخچیتیا ل دەریێ سەر سنوری ژ لایێ چەركدارێن لاھور ڤە تێ كرن، ڤان كریارێن خوە ھەموویان ب رێیا وان سازیێن مەدایایێ ڤەدشێرە .
مامۆستایەكێ زانینەگەھێ دبێژە كو یەك ژ وان مەتۆدێن لاھور جەنگی پشتا خوە پێ دبەستە، ژ بۆنا ڤەشارتنا كارێن خوە یێن خراپ، ڤەكرنا ب دەھان پەیچ و مالپەرێن ساختەیە كو ژ ئالیەكی ڤە كریارێن قرێژ یێن لاھور ژ بیرا خەلكێ ببەن و ژ ئالیەكی دن ژی ڤە وێنەیەكی نەراست و خەیالی یێ لاھور چێ بكن كو خەلك وەسا بزانە ئەو كەسەك گرنگ و سەركردەیەك چالاكە، لێ د راستیێ دا بەرۆڤاژیە.
ئەو مامۆستایێ زانینگەھێ دبێژە كو ب ڤەكرنا وان پەیچ و مالپەرێن سەختە لاھور جەنگی زیانەكا مەزن ب ناڤودەنگیا مەدیایا سلێمانیێ دایە ھەموو مەدیایا وێ دەڤەرێ ئێخستیە بن پرسیارێ.
ل گۆر راپۆرتەكێ كو ژ ئالیێ رۆژنامڤەناكی ب ناڤێ، زانكۆ بورھان، ھاتیە ئامادە كرن، پەیچ و سایتێن لاھور شێخ جەنگێ ب سەر سێ گرۆپان دا دابەش دكە:
یەكەم: پەیچێن سیبەر كو ل سەر تەرۆركرنا كەسان كار دكن. ئەدمینێن وان كارمەندێن دەزگەھێ دژەتەرۆرا یەنەكێ نە. وەكی پەیچێن شاسوار عەبدولواحید، ئەركێ وان یێ سەەكی نەشرینكرن و سڤكاتیكرنە ب نەیارێن لاھور جەنگی و پاشی ژ ئالیێ زەلامێن لاھور ڤە تێن تەرۆر كرن.
دویەم: پەیچن نیڤفەرمی، رۆژنامەڤانێن قەلەمفرۆش سەرپەرشتیا وان دكن، ئەركێ وان كۆمكرنا لایكانە و ب شەڤ و ب رۆژ ب بەژن بالا لاھور جەنگێ دبێژن و وی ل بەر چاڤێن خەلكی مەزن دكن. وەكی پەیچێن: چاو، ئاژانس، كۆباس، مۆر، پۆلیتیك پرێس و ئاژانسی وەلات. معاشێ وان ژ ئالیێ دەزگەھێ دژە تەرۆرێ یێ یەنەكێ كو گرێدایی لاھور ە تێ دابین كرن. زێدەتر ژ 20 كارمەندان تێ دا كار دكن و معاشێ وان دگەھە 1500 دولاران.
سێیەم: پەیچ و سایتێن نووچەیان، كارێ وان شەرێ راگەھاندنێ یە ل دژی نەیارێن لاھور و دەستەكا وی. نووچەیێن وان ھەموو یەكتەرەفی نە و ژ راستی و باوەریێ دوورن، چێكرنا نووچەیانە ل دژی ھەر كەسێ لاھور جەنگی رەخنە بكە. وەكی: ژیان، لڤین و ملەت و ئێستا كو ژ ئالیێ ئاكو جەنگی برایێ لاھور ڤە تێن سەرپەرشتی كرن.
پەیچێن ژیان و لڤین ژ ئالیێ محەمەد ھەورامی تێنە سەرپرشتی كرن كو كارمەندێن ڤان ھەر دو مالپەران 20-25 كەسن و چەند نڤیسكار ب كرێ گرتنە كو ھەر مەھێ 1500 دولاران ب وان ددن كو گۆتار و نڤیسێن خوە ل گۆر دلێ لاھور بنڤیسن.
مالپەرا ملەت كو راستەراست گرێدایی لاھور جەنگیە نێزیكی 45 كەس تێدا كار دكن و معاشێ وان دگەھە 1200 دۆلاران.
لاھور جەنگی ب سەد ھەزاران دۆلاران ب تەنێ ژ بۆ سپۆنسەركرنا وان پەیچان دمەزێخە، ھەروك بەرێ ژی فێسبووكێ راگەھاندبوو كو ھەر مەھ 27 ھەزار دۆلار تێن مەمزاختن و فێسبووكێ 244 پەیچ داخست بوون.
مفا ژ باسنیۆز ھاتیە وەرگرتن
