بارزانی بالا ئالیێن ئیراقی كشاند
سەرۆك مەسعود بارزانی ب پەیامەكێ، ب ھەلكەفتنا ھاتنا جەژنا نەوزۆێ و سەرسالا كوردی، دبێژە كو گەلێ كورد هه‌رده‌م پێ خوه‌شه و دخوازە ھەموو پەسگرێكێن دگەل ئیراقێ ل سه‌ر بنگه‌هێ شه‌راکه‌تێ چاره‌سه‌ر بكە و دبێەژ. ” گه‌لێ کوردستانێ ل سه‌ر بنگه‌ها یه‌کێتیا دلخواز د ئیراقێ دا شه‌ریکه. دووركەتن ژ بنگه‌هێ یه‌کێتیا دلخوازانه و بکارانینا زمانێ زۆرینه و که‌مینه و کولتوورا خوه‌سه‌پاندنێ و ئینکارکرنێ، ب پشتراستیێ ڤه ئوز دبێژم كو ئەڤ كولتوور گرفتان چاره‌سه‌ر ناکە.”
تێكستا پەیاما سەرۆك موسعود بارزانی:
ب ناڤێ خوه‌دایێ مه‌زن و دلۆڤان
ب هه‌لکه‌فتا هاتنا جه‌ژنا نه‌ته‌وه‌یی یا نه‌ورۆزێ پیرۆزباهیێ ل مالباتێن سه‌ربلندێن شه‌هیدان و پێشمه‌رگه‌یێن قه‌هره‌مان و هه‌موو چینێن خه‌لکێ کوردستانێ دکم. پیرۆزباهیێ ل هه‌موو زارۆك و گه‌ده‌یێن گه‌لێ کورد ل په‌رچه‌یێن دن یێن کوردستانێ و سه‌رانسه‌رێ جیهانێ دکم. پیرۆزباهیێ ل وان هه‌موو نه‌ته‌وه‌یان دکم کو نه‌ورۆز به‌شه‌ک ژ کولتوور و که‌ڤنه‌شۆپیێن وانە.
ژ بۆ گه‌لێ کوردستانێ نه‌ورۆز ژ بلی هاتنا بهار و نووبوونا خوه‌زایێ، واته‌یا ئازادیخوازی و سەھلدانا ل دژی سیته‌مکاریێ ژی دده. کوردان د نه‌ورۆزێ دا ڕاپه‌رین کریه ژ بۆنا کو ژ بنده‌ستیێ ڕزگار بە و ئازادیێ ب ده‌ست ڤه بینە. روحا ڕاپه‌رین و ئازادیخوازیێ د كەڤن دا ل دەف كوردان ھەبوویە و نها ژی هه‌ر هه‌یه و ھندی بنده‌ستی و سته‌مکاری هه‌بە دێ ئەو روح هه‌ر به‌رده‌وام بە.
گه‌لێ کوردستانێ باوه‌ری ب پێکڤه‌ژیانا نه‌ته‌وه و ئۆل و بیر و ڕامانێن جوودا هه‌یه و د ڤی واری دا خوه‌دی کولتوره‌کێ دیرۆکی و کووره و ب كریار بنگه‌هێن پێکڤه‌ژیانێ ب جھ کریه و کار پێ کریه. د هه‌مان ده‌می دا ژی گیانێ ئازادیخوازی و پێکڤه‌ژیانا کورد، هه‌رده‌م ل گه‌ل ئاشتیخوازیێ دا بووه. گه‌لێ کوردستانێ دخوازە ب ئاوایه‌کك ئاشتیانه چاره‌نڤیسا خوه دیار بکه و پرسگرێك ب ڕێیا ئاشتیێ چاره‌سه‌ر ببن و باوه‌ری ب شه‌ر و توندوتیژیێ نینه.
لێ به‌لێ تەڤی ڤێ ژی سته‌م و زۆرداریێ ژ چو ئالیه‌کی قه‌بوول ناکه، ئەگەر کار گەهشته وێ یه‌کێ زولم و ته‌عدایی لێ بھێتە کرن به‌ره‌ڤانیێ ژ مافێن خوه دکه.
مه هه‌رده‌م پێ خوه‌شه و ئه‌م دخوازن پەسگرێكێن مە یێن دگەل ئیراقێ ل سه‌ر بنگه‌هێ شه‌راکه‌تێ بێنه چاره‌سه‌ر کرن. گه‌لێ کوردستانێ ل سه‌ر بنگه‌ها یه‌کێتیا دلخواز د ئیراقێ دا شه‌ریکه. دووركەتن ژ بنگه‌هێ یه‌کێتیا دلخوازانه و بکارانینا زمانێ زۆرینه و که‌مینه و کولتوورا خوه‌سه‌پاندنێ و ئینکارکرنێ، ب پشتراستیێ ڤه گرفتان چاره‌سه‌ر ناکه.
نه‌ورۆزا وه پیرۆز بە و بمینن د خێر و خوه‌شیێ دا.
مه‌سعود بارزانی
29ێ ڕه‌شه‌ممه‌یا 2720 ئا کوردی
20ئ ئادارا 2021 ئا زایینی
