کتێبا دەربارێ بارزانی و سەرخوەبوونێ

پرتووکا “ل به‌ر قه‌راخێن ئازادیێ، چەوا مه‌سعود بارزانی کوردستان به‌ر ب قه‌راخێن سه‌رخوه‌بوونێ ڤه‌ بر” خه‌لاتا یه‌که‌م د پێشبرکه‌کا جیهانی دا وه‌رگرت.

ل ئەمریکایێ د پێشبرکا “ببا” ئا پرتووکان دا، پرتووکا “ل به‌ر قه‌راخێن ئازادیێ، چەوا مه‌سعود بارزانی کوردستان به‌ر ب قه‌راخێن سه‌رخوه‌بوونێ ڤه‌ بر” ئا نڤیسکار داڤان یه‌حیا خه‌لیل خه‌لاتا یه‌که‌م ب ده‌ست خست.

د وێ ده‌ربارێ دا نڤیسکارێ کورد داڤان یه‌حیا خه‌لیل کو ئه‌و پرتووک نڤیساندیه‌ د په‌یامه‌کێ دا دبێژه‌: “گه‌له‌ک کێفخوه‌شم کو پرتووکا من ئا ب ناڤنیشانا (ل به‌ر قه‌راخێن ئازادیێ، چەوا مه‌سعود بارزانی کوردستان به‌ر ب قه‌راخێن سه‌رخوه‌بوونێ ڤه‌ بر) د پێشبرکه‌کا جیهانی دا ل ئەمریکایێ خه‌لاتا یه‌که‌م ب ده‌ست خست.”

گۆت ژی: “ئه‌و کۆمپانیایا کو ئه‌ڤ پێشبرک ئاماده‌ کریه‌، کۆمپانیه‌کا ئەمریکایی یه‌ و هه‌ر سال زێده‌تر ژ یه‌ک ملیۆن پرتووکان به‌شدار دبن و ته‌نێ ۷۰ پرتووک ڕێزا یه‌که‌م دستینن، پرتووکا من ژی یه‌ک ژ وان پرتووکێن سه‌رکه‌فتی بوو.”