دیرۆکا 8 ێ ئادارێ
روژا ژنێ ئانکو 8ێ ئادارێ چیە و چما و کەنگی هاتیە دەستنیشانکرن
هەلبەت وەک ئەم هەمی دزانینن ژن د دیروکێ دا هاتیە تەپەسەرکرن و زوری لێهاتیە کرن د هەمی واران دا و بویە قوربانیا حەزا زەلامی و ژیانا روژانەیا ئەم تێدا دژین، ژبەر هندێ هەر دەم ژنێ بزاڤ کریە کو وان قەیدا بشکێنیت و وێ ژی هەبون و جهێ خوە هەبیت د ناڤا جڤاکی دا و وەکهەڤی پەیدا ببیت د ناڤبەرا وێ و زەلامی دا و مل ب ملێ زەلامی کارو خەباتێ بکەت.
ژنێ د درێژییا دیروکێ دا گەلەک ئاستەنگ و رێگری دیتنە و سەر هندێ را ژن بەردەوام بویە و دەست ژ خەبات و تێکوشانێ بەرنەدایە و هەتا کو دەست ب خوە پێشاندانان کریە و بەرهەڤیا خوە کریە کو ب رێکێن یاسایی ئەوان مافا بدەستڤە بینیت.
ل خوارێ ئەزێ ب کورتاهیێ ل سەر خەبات و بزاڤا ژنێ خوەیا بکەم ژ دەستپێکێ و هەتاکو ئەو روژ هاتی دەستنیشانکرن کو ببیتە جەژن و روژا ژنا یا جیهانی و کار و خەباتا وان ب ڤی ئاوایی دەستپێدکەت:
- ١٨٦٥ێ ل ئەمریکایێ، وەکە هزر و لێپرسینا مافێ ژنێ
- ١٩٠٨ ێ بەرهەڤیا خوەپێشاندانان ل وەڵاتێ ئەمریکایێ دهێتە کرن بو داخازکرنا مافێن ژنێ.
- ١٩٠٩ێ پارتیا سوسیالیستا ئەمریکایێ وەک پێشنیار رۆژا ژنێ هەبیت
- ١٩١٠ ل کوپنهاگن/دانیمارک، ئێکەم کونفرەنسا ژنان ب سەرکێشییا،ژنا ئەڵمانی یا کۆمۆنیست (کلارا زینتک) هاتە بڕێڤە برن!
- ١٩١١ێ ل رۆژا ١٩ێ ئادارێ ل چوار وەڵاتان، ئاهەنگا رۆژا ژنێ هاتە گێران.
- ١٩١٧ێ و شۆرەشا ل سوڤیێتێ، پێتر پویتە ب ڤێ پرسێ دا و گران نرخاند!
- ١٩٢١ێ ل موسکو کونفڕانسەک تایبەت بو ژنێن کومونیستێن سوڤیێتی، روژا دەسنیشانکرنا ڤێ رۆژێ 8ێ ئادارێ هات رێخستن!
- ١٩٤٥ێ ل فرانسیسکو،رێکەفتنەک چێبو ئێدی ژن وەک هەڤ ببیت دگەل زەلامی د مافان دا!
- ١٩٧٥ێ ل مەکسیکو ژلایێ نەتەوەیێن یەکگرتی ڤە کونفڕانسەک بو ژنان داناند وەک پێنگاڤەک بو دەستنیشانکرنا رۆژا ژنێ.
- ١٩٧٧ێ نەتەوەیێن یەکگرتی ب ئاوایەکی فەرمی روژا (8ئادار)ێ وەک روژا ژنێ دەستنیشان کر.
- ١٩٧٨ێ ئو هرڤە، ئەڤ روژە وەک روژا ژنان یا جیهانی ئاهەنگ و پیروزی لێ دهێنە گێران ل هەمی جیهانێ
لێ دسەر ڤێ هەمیێ را،کو ل گەلەک وەلاتان و تایبەت جڤاکێن پێشکەفتی ژن تا رادەیەکێ گەهەشتیە ماف و هیڤیێن خوە، لێ هێشتا دگەلەک جڤاک و وەلاتان دا گەلەک مایە کو ژن بگەهیتە وان ئارمانج و هیڤیێن کو دخازن، لەوا خەبات و تێکوشانا وان بەردەوامە سەرەرای زوڵم و زۆریا ل سەر دهێت کرن و تایبەت جڤاکێن پاشکەفتی و پاشڤەمایی و ب هندەک گوتن و دروشمێن بدرەو ئەوژی دلخوەشیا خوە پیروزباهیێن خوە ل ڤێ روژێ دیاردکەن،لێ ئەڤە نابیت رامانا وێ چەندێ کو ژن گەهەشتیە مافێن خوە و وەک هەڤی پەیدابویە.
لێ خەبات و تێکوشانا ژنێ هەرا بەردەوامە و ب گوهرینا دەم و پێشکەفتنا جڤاک و وەلاتا هێدی هێدی ئەو روژ دێ هێت کو ب دورستی 8ێ ئادارێ ببیت جەژن و روژا ژنێ ل هەمی جیهانێ!
فەهمی مایی/سوید
