رۆژا ١٦ێ ئۆکتۆبەرێ  لاپەرەك رەشە د مێژویا گەلێ کورد دا 

بێ گومان مێژو بەلگەیە بومە ئەڤە ژی رۆژەکا رەشە د مێژویا گەلێ کورد دا، هەر کوردەك و دڵسۆزەکێ باوەری ب سەربەخوەییێ هەبیت ئەڤێ رۆژێ ب رۆژەك رەش ل قەلەم ددەن   ١٦ێ ئۆكتۆبەرا سالا ۲۰۱۷ێ روژکا رەشە کۆ كەركووکا كوردستانێ ژ لایێ یەنەكێ  ڤە هات فروتن و خیانەت ل ڤێ ئاخا پێروز بەرامبەری نەتەوەێ  گەلێ کورد کرن و ئەڤ خیانەتە بۆ ئەگەرێ ژ دەسدانا  نیڤا ئاخا باشوورێ کوردستانێ، بەرامبەر چەند داهاتەکێ و بوونە رێخوەشکەر بۆ حەشدا شەعبی و  ژێر فەرمانێن وان ێین فاشست و ئینانە د کەرکووکێ داکو سفکایەتیێ ب هەموو پێرۆزیێن کوردان بکن. ئەڤ رۆژە ژ ئەگەرێ پلانەکا ناڤدەولەتی و هەرێمایەتی بوو، کارەساتا ١٦ێ ئۆکتوبەرێ ئەگەرێ خیانەتا چەند کەسان یێن نەفس نزم و دژی دوزا گەلێ مللەتێ کوردە کو کوردستانێ ب ئەرزانی بفروشن و چاڤپێنەرابوونەک هەبوو نەدڤیان پێشمەرگە یێن قارەمان کو د ئەرکێ خوە دا بەردەوام بن، بەرگرییێ ل ئاخا پیرۆز یا هەرێما کوردستانێ بکەن،کوردستان پتر ژ ۳۰ سالە هەرێمەکا هەرە بچووکە دانپێدان پێ هاتیەکرن ژ لایێ پرانیا وەلاتێن زلهێزڤە و  ژ ۱٤ قونسلخانەیێن وەلاتێن مەزن ێین بیانی قونسلخانەێن خوە ل هەرێما کوردستانێ هەنە و دیسان د ناڤ عێراقێ دا و وەک نەتەوەیەکێ دووەمە زمان و ئالا و کەلتور و رەسانەیەتا خوە هەیە، لێ مخابن هەرێما کوردستانێ  دکەڤێتە ناڤ وەلاتێ عیراقێ دا جێرانێن مە و ئێران و تورکیا و سوریا یە بەردەوام ئەڤ وەلاتە ژ هەر گاڤا بابەت بوو پرسا کوردی ژ هەموو  لایەکێ دبنە ئێک هێرشی هەرێما کوردستانێ دکەن، پلاندانەرێن ١٦ئ ئۆکتۆبەرێ ئێنیەتا وان ئەو بوو  ئەڤێ هەرێمێ ل سەر نەخشەیێ نەهێلن و ژناڤ ببەن وەکو دیارییەک بۆ داگیرکەرێن کوردستانێ. جەنابێ سەرۆک بارزانی بریار دا دڤێت داگیرکەران بەردەوام بشکێنن و پارێزگاریێ ل ڤێ قەوارەێ بکەن، کۆ بناخەیێ دەوڵەتا سەربەخۆییا  یا کوردستانێ دەولەت بوون خەونا هەر کوردەکێ یە، پێشمەرگە یێن قارەمان ژ باشوور و رۆژهەڵاتی کوردستانێ پێکڤە ل “پردێ” دوژمن کرنە ئارمانج و  ژ بهێزترین ئامێرێ جەنگی کۆ تانکا ئەمبرامزا ئەمریکی بوو سەردەستێ پێشمەرگە هاتە تێکێشکاندن، هەروەسا، رۆل ئازارێن کوردستانێ ل سحێلا مەزنترین داستانا سەردەمیان تۆمار کرد، ئەڤەژی ب ئیرادەیا پارتی و بارزانی ل پردێ و  سحیلا  گوت” خوناچەمینن بۆ دوژمنان” هەروەسا کورێن کەرکووکێ ل ۲-۹-۲۰۲۳ دووبارە سەلماندن چ سفکایەتێ قەبوول ناکەن و کەس نەشێت کەرکووکێ ژ کوردستانێ ڤەکەت. ھیچ خیانەتەک ژ خیانەتا ١٦ ئوکتۆبەرێ و ھیچ تاوانەک ژ فروتنا کەرکوکێ وشنگال و ھیچ برینەک ژ خەنجەرا ڤان گەمژە و نەفامان ل جەستەیێ گەلێ کورد کوورتر و مەزنتر نینن ل ۱٦ێ ئۆکتوبەرێ دەمێ رەڤینا هێزێن یەنەكێ  و خیانەتا مەزن و فروتنا وەلاتی، ئەڤە بۆ مەزنترین خیانەتا مێژوویی ‌ و ژناڤبرنا خەونا دەولەتبوونێ، لەورا ئەڤ خیانەتا مەزن یا ئوکتۆبەرێ چ جارا ناهێتە ژبیرکرن. هند نەمابوو دوژمن ژ ترسان دا باژێرێ  (مووسل) چۆل بکەن ژ ترسا رۆلێ بارزانی و سەر دەستێ پێشمەرگە یێن قارەمان. ئەڤە ژی دیسان بۆ نامەیا گرنگ بۆ روورەش و خائین و خوەفرۆشێن دژی ئاخا هەرێما کوردستانێ .

مووسا خالد