بەربژێریا ده‌م پارتیێ، له‌یلا زانا و هەلوەستا ئۆجەلان
سیاسه‌تمه‌دارا کورد له‌یلا زانا د سالا ۲۰۱٤ئان دا ژ به‌ر تێکلیێن وێ یێن باش ب باشوورێ کوردستانێ و ب تایبەتی ب مه‌سعود بارزانی را و ژ به‌ر هه‌لوه‌ستا خوه یا سه‌ربخوه، ژ ئالیێ رێڤه‌برێن هەدەپێ ڤه هاتبوو ره‌خنه‌کرن و ئۆجەلان ژی ب کوشتنێ گەف ل له‌یلا زانایێ کربوو. د هه‌ڤدیتنێن ئیمرالیێ دا (۲۰۱٤)، کو ب ناڤێ – تێبینیێن ئیمرالیێ- وه‌ک پرتووک ژ ئالی وه‌شانخانه‌یا مه‌زۆپۆتامیا یا پەکەکێ ڤه هاتیه وه‌شاندن)، و ژ به‌ر تێکلیا وێ یا ب مه‌سعود بارزانی و ژ به‌ر سیاسه‌تا وێ یا نه ل گۆر دلێ میتێ، هەدەپە و ئۆجەلان، ئۆجەلان راسته‌راست له‌یلا زانا ب مرنێ ته‌هدید دکه و دبێژه دڤێ ئه‌و ده‌رنه‌که‌ڤه ده‌رڤه‌یی سیاسه‌تا هەدەپە/پەکەکێ.
ئۆجەلان ب رێیا س.س. ئۆنده‌ر، په‌رڤین بولدان و ئیدریس بالوکه‌ن په‌یامه‌کێ ژ له‌یلا زانا را دشینه و دبێژه: “ژ له‌یلایێ را بێژن هه‌ڤدیتنا ب ئۆجالان را جدی یه. هه‌تا بارزانی ژی مژاره‌ک دنه. بێیی هه‌ڤدیتنێن مه ئه‌وێ نه د پۆزیسیۆنا خوه یا نها دا بن. ئه‌م ته‌ڤگه‌ره‌ک سیاسی نه. هه‌گه‌ر ب سیاسه‌تێ بلیزه ئه‌وێ ب جانێ خوه به‌ردێلێ بده. ئه‌ڤ نه لیزتکه‌که. نه پێکانه کو ب شێورمه‌ندێن خوه بێ با من. لێ گه‌ر ب برێز سر را بێ ئه‌م دکارن هه‌ڤ ببینن“.
وه‌ک تێ زانین، پشتی گه‌ف و ته‌هدیتا ئۆجەلان، له‌یلا زانا خوه ژ قادا سیاسه‌تێ ڤه‌کشاند و ل مالا خوه روونشت. که‌سایه‌تیا وێ، هه‌ست و هه‌لوه‌ستێن وێ یێن کوردایه‌تی و تێکلیا وێ یا گه‌رم یا ب مه‌سعود بارزانی را ژ بۆ میت، پەکەکە، هەدەپە و ئۆجەلان خه‌ته‌ره‌ک مه‌زن بوو و ل دژی سیاسه‌تا میت، پەکەکە و ئۆجەلان بوو. ژ به‌ر ڤێ، میتێ و ئۆجەلان خوه‌ستن وێ به‌رته‌ره‌ف بکن و ژ سیاسه‌تێ دوور بخن.
نها پارتیا ده‌م دخوازه د هلبژارتنێن شارەداریان یێن ۳۱ێ ئادارا ۲۰۲٤ئان دا ژ بۆ هه‌ڤسه‌رۆکاتیا شاره‌داریا باژارێ مه‌زن ئامه‌دێ سیاسه‌تمه‌دارا کورد له‌یلا زانا وه‌ک بەربژێر نیشان بده. ل گۆر کو د چاپه‌مه‌نیێ د تێ گۆتن، رێڤه‌برێن پارتیا ده‌م ژ بۆ شاره‌داریا باژارێ مه‌زن ئامه‌دێ و شاره‌داریا باژارێ مه‌زن سته‌نبۆلێ پێشنیار ژ له‌یلا زانا را برنه و ل به‌ندا بریارا وێ نه.
کاندیدکرنا له‌یلا زانا هه‌لبه‌ت وه‌ک هه‌ر جارێ نه د ده‌ستێ رێڤه‌برێن پارتیا ده‌م دا یه. ناڤێ هەموو بەربژێران وه‌ک لیسته‌یه‌کێ ژ ئیمرالیێ/ئۆجەلان را تێن شاندن، ل وێرێ ب شێورمه‌ندییا رێڤه‌برێن میتێ تێن هلبژارتن و پشترا وه‌ک بەربژێر ئاشکه‌ره دبن.
بێگومان له‌یلا زانا ژی ڤان تشتان باش دزانه و هاتیه سه‌ره وێ ژی.
ئیجار وێ بەربژێریا له‌یلا زانا و بریارا ئۆجەلان و رێڤه‌برێن ئیمرالیێ ببه چ هه‌لبه‌ت وێ د رۆژێن پێش دا ده‌رکه‌ڤه هۆلێ.
نووچه / ئانالیز
