مووسا خالد
دوهی پشتی کو نێچیرڤان بارزانی سەرۆکێ هەرێما کوردستانێ د سەرەدانەکا فەرمی دا گەهشتە ولاتێ ئیماراتێ و دگەل محەمەد بن زائید ئال نەهیان سەرۆکێ ولاتێ ئیماراتێ کومبووی، بێگومان ولاتێ ئیمارات ب گشتی گرنگیێ ب عێراقێ ددەت و ب تایبەتی زێدەتر ب هەرێما کوردستانێ ددەت. پەیوەندیێن ئیمارات و هەرێما کوردستانێ یێن ئەڤرۆ نینە بەلکو ماوێ چەندین سالایە کو پەیوەندیێن باش یێن دوولایەن هەنە و سەرۆکێ ئیماراتێ ژی گرنگی ب ڤێ سەرەدانا سەرۆکێ هەرێما کوردستانێ دایە و پشتگیرییا خوە ژ بۆ هەرێما کوردستانێ دیار کر.
نێچیرڤان بارزانی سەرۆکێ هەرێمێ ل دەمێ بووری پەیوندییەکا باش دگەل وەلاتێن دەڤەرێ ئاڤاکرنە. وی دگەل حکومەتا عێراقێ بۆ چارەسەرکرنا ئاریشەیێن هەرێما کوردستانێ دگەل بەغدایێ، چارەسەرکرنا ئـاریشەیێن نافخوەیی یێن هەرێما کوردستانێ، بابەتێ هەڵبژارتنا بۆ سەقامگیریا دەڤەرێ، دیسان سەرەدانا سەرۆککۆمارێ ترکیێ بۆ عێراقێ و هەرێمێ گرنگیا خۆە هەبوو. سەرەدانا سەرۆکێ هەرێما کوردستانێ بۆ ئێرانێ، هەمی ئەڤ سەرەدان و لڤینێن هەرێما کوردستانێ بۆ سەقامگێرییا هەرێما کوردستانێ یە. .
پەیوەندیێن ناڤبەرا هەرێما کوردستانێ و وەلاتێ ئیمارات درێژخایەنن و د ئاستەکێ مەزن دانە، پشتی وەلاتێ ترکیێ و ئیران، ئیمارات وەلاتێ سێیەمه کۆ وەبەرهێنانێ ل کۆردستانێ دکەت، هەبوونا گەلەک کومپانیایێن بیناسازی و وەبەرهێنانێ ئاستەکێ مەزن د وارێ ئابووری و بارزگانی هەیە، سەر ئاستێ کەلوپەلان وەکو وەلاتەکێ کەنداڤێ و دیسان هەرێما کوردستانێ ئالوگۆرا بازرگانی هەیە دگەل وەلاتێ ئیماراتێ، هەرێما کوردستانێ دڤان سالێن بوری دا گەلەک کەلوپەلێن خۆە هنارتنە وەلاتێ ئیماراتێ ئەم دشێن بێژین هەبوونا پەیوەندیێن هەرێما کوردستانێ و ئیمارات مفایەکێ دو سەری هەیە و د بەرژوەندیا هەردو ئالیان دایە.
ل ئاستێ هەرێم و ناڤدەولەتی چەند پەیوەندی و سەرەدان گەلەکتر بن، کەرتێ بازرگانی و پێشەسازی و گەشتوگۆزارێ باشتر پێشدە دچیت و گەشەتر دکەت و دێ وەبەرهێنانا باشتر هێتە پێش و هەروهسا هەبوونا ڤان جورە پەیوەندییان دێ گرنگیێ دەتە هەرێما کوردستانێ و دیسان بۆ عێراقێ ژی گرنگە.
کابینەیا نەهێ ب سەرۆکایەتیا ئەندازیارێ گەشەپێدانا ئابووری سەرۆکێ حکومەتا کوردستانێ مەسرور بارزانی بەردەوامە ب درۆستکرنا پروژێن وەبەرهێنانێ و زێدەکرنا دەرفەتێن کاری و دیسان گەلە گرنگی دایە روویێ بازرگانی و ئابووری یێ هەڕێما کوردستانێ، ناردنا کەلوپەلان بۆ ژدەرڤەی هەرێمێ و کارکرنا بەردەوام بۆ هەموو ئاستەنگ ۆ کێمکرنا و نەهيلانا گەندەلیێ بۆ خزمەتكرن و ئاڤەدانكرنا كوردستانێ کابینەیا نەهێ یا حکومەتا هەرێما کوردستانێ پرۆژێن مەزن و بچیک ل سنۆرێ دەڤەرداریێن جودایێن پارێزگەهێن هەرێمێ ئەنجامداینە. د کەرتێن جودا جودا پرۆژە بۆ هەموو دەڤەرداریان بێ جوداهی، ئەڤ پرۆژە ژی دۆپاتیێ ل پێشئێخستنا کەرتێن: چاندن، گەشتیاری و پشتەڤانیا کەرتێن رەوشەنبیری، وەرزشی، هۆنەری و چالاکیێن مرۆڤایەتی پێشڤەبرینە و پرۆژەیێن دکابینەیا نەهێ دا دەستکەڤتێن مەزنن بۆ ژێرخانا ئابووری.
د کابینا ۹ێ یا حکومەتا هەرێما کوردستانێ گرنگیەکا مەزن دایە پەیوەندیێن هەڤبەش د ناڤبەرا هەرێما کورستان و ئیماراتێ ب تایبەت د وارێ بازرگانی و وەبەرهێنان و تەکەلوژیا و گەشتوگوزارێ، ژ بەر کو هەرێما کوردستانێ و عێراق گرنگییەکا مەزن ددەنە پەیوەندیێن دگەل وەلاتێ ئیماراتێ کو وەکو ولاتەکێ کەنداڤی و دەولەمەندە، و لایەکێ دێ ژی ژ بەر کو گرژی و ئالۆزیێن رۆژهەلاتا ناڤین بەر ب پاشەرۆژەکا نەدیار ڤە دچیت ژ بەر هندێ ئەڤ جورە سەرەدان و پەیوەندییە ژ بۆ هەرێما کوردستانێ گرنگن.
