یەنەکە دخوازە هەرێما کوردستان برۆخینە لی دێ ب سەرێ وێ دا برۆخە

ل باشوورێ کوردستانێ هلبژارتنێن پەرله‌مه‌نتۆیا کوردستانێ تێنه‌ ل دارخستن. ژ به‌ری هلبژارتنا پێڤاژۆیه‌ک گه‌له‌ک توند هاته‌ ده‌رباس کرن. یەنەکێ ل دژی کۆتا پێکهاتەیێن کوردستانێ سه‌ری ل دادگه‌ها فه‌ده‌رال یا ئیراقێ دا و کۆتا پێکهاتەیێن کوردستانێ ب بریارا دادگه‌ها فه‌ده‌رال هاته‌ ڕاکرن. پەدەکێ به‌رته‌ک نیشا ڤێ بریارێ دا و گۆت‌: ئه‌گه‌ر کۆتا پێکهاتان نه‌به‌ ئه‌و ته‌ڤلی هلبژارتنا نابن.

ژ به‌ری ڤان هلبژارتنا هێژمارا ئه‌ندامێن پەرله‌مه‌نتۆیا کوردستانێ ۱۱۱ پارله‌مه‌نته‌ربوون. ۱۱ پارله‌مه‌نته‌ر کۆتا پێکهاتەیێن کوردستانێ بوون. ٥ ترکمه‌ن ، ٥ مه‌سحی و ۱ ژی یا ئه‌رمه‌نیان بوو. لێ نها ئه‌و ۱۱ ب گلیا یەنەکێ و بریارا دادگه‌ها فه‌ده‌رال هاته‌ ڕاکرن. هه‌ری داوی ب دژده‌رکه‌تنا پدکێ ٥ کۆتا ژ بۆ پێکهاتان جاردن شوونڤه‌ ڤه‌گراندن. لێ دێ ئه‌ڤ د ناڤا ڤان ۱۰۰ پاەرله‌مه‌نته‌ران دا به‌.

پشتی بریارا هلبژارتنا ، قۆناغا پرۆپاگانده‌یا پارتییان ده‌ستپێکر. هه‌ر پارتی ل گۆرا به‌رنامه‌یا خوه‌ ده‌ست پرۆپاگانده‌یێ کر و ئه‌ڤ یه‌ک به‌رده‌وامه‌. لێ د ڤێ پێڤاژۆیێ دا سه‌رۆکێ یەنەکێ بافل تالەبانی گه‌له‌ک ب دژواری ئێریشێ پەدەکێ و حکومه‌تا هه‌رێما کوردستانێ کر. وه‌ک کو ئه‌و نه‌ شریکێ حکومه‌تێ نه‌ ب بێ کو سنۆره‌کی ده‌ینێ ئێریشی سه‌رۆکێ حکومه‌تێ کر. قوبات تالابانی جیگرێ سه‌رۆکوه‌زیره‌ و وه‌زیرێن یەنەکێ د ناڤا حکومه‌تێ دا جهدگرن. یانی یەنەک ژی وه‌که‌ پەدەکێ شریکێ ده‌ستهلاتێ یه‌.

بافل تالەبانی وه‌ک که‌سه‌ک کو نه‌خوه‌شیا پسکۆلۆژیک پێرا هه‌یی، ئاخاڤتنێن نه‌ جدی گۆتنێن ژ ده‌رێ ئه‌خلاقێ سیاسی گۆتن. هه‌تا وه‌ک ڤێ گاڤێ ئه‌ڤ هه‌لوه‌ستا وی یا عه‌جێ‌ب به‌رده‌وامە. گه‌له‌ک جارا ل سه‌ر دکێ لۆتکا دده‌، خوه‌ دهلاڤێژه‌، حه‌ره‌که‌تێن نه‌ نۆرمال دکه‌ و دئاخڤه‌. بافل ده‌ره‌وا دکه‌، پێبه‌ختیا دکه‌، سڤکاتیێ ل هێزێن پێشمه‌رگه‌یێن کوردستانێ دکه‌.

بافل دبێژه‌ “ ئه‌م دێ برۆخینن“ دێ چ برۆخینه‌ ؟ ئارمانجا بافل ڕۆخاندنا ستاتوویا هه‌رێما کوردستانێ یه‌. ل همبه‌ر گۆتنێن بێ شه‌رم ئێن بافل، پەدەکە چو به‌رسڤه‌کی ناده‌ و دبێژه‌، به‌رسڤادانا گۆتنێن ده‌ره‌و و پووچ بێده‌نگیه‌. به‌رسڤ نه‌دان ب خوه‌ ژی به‌رسڤا هه‌ری دژواره‌.

د ڕاستییا خوه‌ دا مله‌تێ کورد که‌سایه‌ته‌ک دین وه‌ک بافل هه‌ق نه‌کریه‌. لێ مخابن وی پشتا خوه‌ دایه‌، ملیسێن ئیرانێ، حه‌شدا شه‌عبی و پەکەکێ و دژاتیا ستاتوویا هه‌رێما کوردستانێ دکه‌. ب پشته‌ڤانیا ئیرانێ شانازیێ دکه‌. ل هەمبه‌ر گۆتنا بافل یا کو دبێژه‌ “ ئه‌م دێ برۆخینن “ پەدەکە دبێژه‌ : “ تو نکاری“ و که‌سه‌ک ژی نکاره‌ کوردستانا فه‌ده‌رال برۆخینه‌. ڕاستی ژی هه‌ر ده‌نگێ بچە ژ یەنەکێ را ده‌نگێ تێکبرنا ستاتوویا هه‌رێما کوردستانێ یه‌.

پەدەکێ هێژا هێزا خوه‌ یا پرۆپاگانده‌یێ ب ته‌مامی نیشان نه‌دایه‌. ده‌ما وه‌خت بهێت، دێ یەنەکێ و بافل ژی ببینه‌ کو کا گه‌لۆ ئه‌و هێزا پشتا خوه‌ دایییێ ژ بۆ رۆخاندنا کوردستانێ، وێ چه‌وها ب سه‌رێ وی ده‌ برۆخه‌.